“O Tusigamanatu o le Konafesi,” Uo, Novema 2022, 5.
O Tusigamanatu o le Konafesi
E Mafai e Tagata Uma ona Auauna Atu
Sa faasoa mai e Peresitene Oaks le tala i se alii e igoa ia Mr. Kaperielu, o lē sa fesoasoani i le faitau afe o tamaiti sulufai. Sa ia fatuina ni “aoga laau,” lea na potopoto ai tamaiti mo lesona i lalo o le paolo o laau. Ina ua ia vaaia se manaoga, sa ia fesoasoani! E musuia e le Atua le toatele o tagata e pei o le Susuga a Kaperielu e fai mea lelei.
O lea mea ua aoaoina ai a’u:
Faasoaina Atu o le Tusi a Mamona
Sa faamatala e Elder Rasband le ala na tuuina atu ai e le perofeta se kopi o le Tusi a Mamona i se tupu i Kana. Na faitau faatasi Peresitene Nelson ma le tupu e uiga ia Iesu Keriso i le 3 Nifae 11. Fai mai le tupu e sili atu le taua o le tusi nai lo taimane po o penina aua na aoao atili ai o ia e uiga ia Iesu.
O lea mea ua aoaoina ai a’u:
O Le Tali o Iesu
Sa talanoa Elder Olsen e uiga ia Nasa le atalii o lona tei. Sa la galulue faatasi ma na maua ai e Nasa se manatu lelei e faaleleia ai se faafitauli. Sa fesili Elder Olsen ia Nasa pe na faapefea ona ia maua se poto tele. Sa tali atu Nasa, “Iesu.” O Iesu Keriso o le tali lea i o tatou faafitauli uma.
O lea mea ua aoaoina ai a’u:
Matatioata e Vaai Ai
Fai mai Sister Browning na te manaomia ni matatioata e fesoasoani ia te ia e vaai ai. O taeao uma lava, o le mea muamua lava na te faia o le aapa atu lea mo lana matatioata. Sa ia talanoa e uiga i le ala na te manaomia ai Iesu Keriso i aso uma i le ala lava e tasi na te manaomia ai lana matatioata. Ua folafola mai e le Faaola e taitai ma taiala i tatou pe a tatou faaavanoaina se taimi mo Ia.
O lea mea ua aoaoina ai a’u: