“Ol Nius blong Konfrens,” Fren, Novemba 2022, 5.
Ol Not blong Konfrens
Evriwan I Save Givim Seves
Presiden Oaks i serem wan stori abaot wan man we nem blong, Mista Gabriel, we i bin helpem taosen long ol rifuji. Hem i krietem “ol tri skul,” ples we ol pikinini oli kam tugeta blong kasem lesen andanit long sed blong ol tri. Taem hem i luk wan nid, !hem i help! God i givim insperesen long plante pipol olsem Mista Gabriel blong mekem gud samting.
Hemia i tijim mi:
Blong stap serem Buk blong Momon
Elda Rasband i bin tokbaot olsem wanem profet i bin givim kopi blong Buk blong Momon long wan king long Kana. Tugeta, Presiden Nelson mo king, tufala i rid abaot Jisas Kraes insaed long 3 Nifae 11. King i talem se buk ia i gat moa valiu bitim ol daeman o rubi from se i tijim hem moa abaot Jisas.
Hemia i tijim mi:
Jisas, Hem I Ansa
Elda Olsen i tokbaot stori blong boe blong sista blong hem, Nash. Tufala i bin stap wok tugeta taem Nash i talem wan gudfala aedia blong stretem wan problem. Elda Olsen i askem Nash, olsem wanem hem i smat tumas. Nash i ansa, “Jisas.” Jisas Kraes i ansa blong evri problem blong yumi.
Hemia i tijim mi:
Ol Glas blong Lukluk
Sista Browning i bin talem se hem i nidim ol glas blong helpem hem i lukluk. Fas samting we hem i mekem evri moning i blong pusum han i go from glas blong hem. Hem i tokabaot olsem wanem hem i nidim Jisas Kraes evri dei i semmak wei olsem we hem i nidim glas blong hem. Sevya i promesem se, bae Hem i lidim mo lukaotem gud yumi taem yumi gat taem blong Hem.
Hemia i tijim mi: