“Lukluk Nomo long Tempol,” Fren, Novemba 2022, 2–3.
Wan Konfrens Mesej we i kam long Profet
Lukluk Nomo long Tempol
Oli stretem aot long atikol ia: “Lukluk Nomo long Tempol,” Liahona, Novemba 2022.
Foto blong tempol i kam long Bailey Rees; pej blong kala i kam long Bryan Beach
I no longtaem i pas, Sista Nelson mo mi i bin wajem ol vidio blong Buk blong Momon. Wan long olgeta i soem Sevya we i kamkamaot long Ol Man blong Nifae. Hem i talem,“Luk, mi mi Jisas Kraes. Mi mi laet mo laef blong wol” (3 Nifae 11:10–11).
Hem i impoten tumas se Sevya i bin kamkamaot long ol pipol long tempol. Hemia i haos blong Hem. Hem i fulap wetem paoa blong Hem.
Lod i stap hariap long wok blong stap bildim ol tempol. Hemia i blong mekem se moa pipol bae oli go long ples ia. Mi promes se taem yu stap go moa long tempol, oltaem bae Hem i blesem ol pipol bitim eni narafala samting i save mekem.
Long konfrens mi anaonsem moa long 18 tempol. Long sam bigbigfala siti, i tekem longfala taem blong ol pipol oli travel long siti blong olgeta i go long tempol. So, bae yumi bildimap sam tempol long sam long ol bigfala siti ia. Fo niufala tempol bae oli bildimap kolosap long Meksiko Siti.
Ol dia brata mo sista blong mi, bae yufala i lukluk moa long tempol bitim we yufala i neva mekem bifo. Mi blesem yufala blong gro moa kolosap long God mo Jisas Kraes evri dei. Mi lavem yufala. Bae God i stap wetem yufala kasem taem yumi mit bakegen.
Jisas I Visitim Ol Man blong Nifae
Sevya i kamkamaot long ol Man blong Nifae long tempol from se hem i haos blong Hem. God i stap blesem yumi yumi wetem moa tempol blong givim paoa mo protektem yumi.