Spesel Buk
“Taem blong yu blong rid, Papa,” Bernice i talem. Hem i openem ol skripja. Mama mo Papa i sidaon long saed blong hem long jea.
Papa i ridim fas skripja. “Mi save Hem i lavem ol pikinini blong Hem.”
“Mi save Hem i lavem ol pikinini blong Hem,” Bernice i talem folem.
“Be,” Papa i talem, “Mi no save mining blong evri samting.”*
Be i wan had toktok. Bernice i no save rid yet, mo hem i no save wanem evri toktok i minim. Be hem i laekem blong talem folem ol toktok taem famli blong hem oli stap ridim ol skripja.
Long nekis dei long taem blong skripja, Papa i gat wan sapraes. “Mi gat wan spesel samting blong yu,” hem i talem. Hem i givim Bernice wan buk. I gat wan pikja blong man mo wan bot long fored.
“?Hemia i blong mi?” Bernice i askem. Hem i putum han raon long bigfala buk wetem tufala han blong hem.
“Blong yu,” Papa i talem. “Luk insaed.”
Bernice i openem Buk. Ol ae blong hem i open bigwan. I gat ol fulap kala kala pikja.
“Wanem oli singaotem?” Bernice i askem.
Papa i poenem ol toktok we i stap long kova. “Ol Stori blong Buk blong Momon,” hem i talem.
Bernice i folem bakegen ol toktok we i stap long kova. “Ol Stori blong Buk blong Momon,” hem i talem.
“Hemi ol semak stori we yumi bin stap ridim abaot insaed long ol skripja,” Mama i talem.
Bernice i poenem wan long ol pikja. “Huia hemia?” hem i askem.
“Hmm. ?Yu yu luk bonara mo ol aroa? Mama i askem.
Bernice i sakem hed blong agri.
“?Yu tingbaot taem yumi ridim abaot wan man we i gat wan aro blong hem i brok?” Papa i askem.
“?Nifae?” Benis i talem.
“Yes, hem i Nifae,” Papa i talem.
Benis i smael. “Tangkyu, Papa. Tangkyu, Mama. Mi laekem buk ia.”
Evri naet, Bernice i ridim skripja buk blong hem wetem mama mo papa blong hem. Hem i poenem ol pikja. Hem i lanem blong talem sam had toktok. !Mo hem i lanem blong ridim sam isi toktok hem wan!
Stap ridim ol skripja, i mekem hem i hapi. !Hem i glad se hem i save rid wetem Papa mo Mama blong hem!
Pikja mo droing i kam long Adam Ricord