Ol Paeonia long Evri Graon

Felipe I Faenem Rod Ia

I kam long Megan Roxas

(I kamaot long wan tru stori)

“Plis helpem mitufala i faenem rod blong mitufala,” Felipe i bin prea.

Spread illustration of Felipe (age 10) and his mom walking through a jungle, late in the day. Felipe is pointing to palm trees above the jungle in the distance. The jungle scene continues across the whole spread. Seven spot illustrations: 1. Map of Philippines 2. A tarsier, an animal found in the Philippines 3. An Latter-Day Saint temple illustration 4. Felipe and his wife on their wedding day. Just the figures from waist-up, no background needed 5. Felipe as he holds up a fish that he has caught 6. Simple family chart showing Felipe and his wife, four children (2 boys, 2 girls), and 10 grandchildren (5 boys, 5 girls). 7. Felipe at about age 19 as a missionary.

Felipe i save se taem i stap go let nao. Ol pijin oli stop blong stap singaot, mo bebet blong naet oli stap singaot strong moa. Hem mo mama blong hem tufala i stap wokbaot long bus i bitim tu aoa nao. Be wanwan rod we tufala i folem i luk olsem i semmak long narawan we tufala i bin folem. Tufala i bin lus gud.

Felipe i fraet tumas. ?Hao nao bae tufala i save stap laef long bigfala bus ia? Hem i gat 10 yia nomo, long taem ia. !Hem i no gat inaf paoa blong faet agensem wan snek o wan wael pig! ?Mo ol nara animol we bae oli stap lukaotem kaekae blong olgeta afta we san bae i draon? Tingting ia i mekem hem i fraet tumas.

No fraet, hem i talem long hemwan. Hem i save, hem i mas mekem olsem.

Felipe i stap tingting long papa blong hem se sapos nomo hem i stap ia wetem hem. Be hem i bin ded sikis manis i pas finis. Taem papa i no stap ol samting i had tumas long Felipe mo mama blong hem. Oli no moa gat mane mo kaekae.

Felipe i hop blong tufala i save go long haos blong sista blong hem narasaed long hil kwiktaem. Blong hem i save givim long tufala sam mane blong pem raes.

Hem i talem wan prea long hat blong hem. “Papa long Heven, plis helpem mitufala i faenem rod blong mitufala. Plis.”

Afta wan tingting i kam long hem: Lukaotem ol kokonat tri. Felipe i lukluk antap. Longwe, long ples we hem i stap, wan hip blong ol kokonat tri. Hem i save luk olgeta oli stap antap long haf blong bigfala bus ia we tufala i stap long hem. Ol lif blong kokonat tri oli stap muvmuv long win. Blong fastaem long plante aoa, Felipe i filim hop.

“!Luk!” Hem i poenem i go long ol tri.

Mama blong hem i save. Ol kokonat tri i minim se wan vilej i kolosap. God i bin ansarem prea blong Felipe. Felipe i tekem han blong mama blong hem. Tugeta tufala i stap wokbaot i go long sefples, taem san i stap haed long ol tri i stap go daon.

Felipe i tingbaot oltaem olsem wanem God i ansarem prea blong hem. Samtaem hem i stap wantem tumas blong harem save voes blong God olsem we i bin harem long naet long bigfala bus ia.

Afta wan dei, eit yia i pas, Felipe i mitim sam misinari. Oli blong Jos Ia blong Jisas Kraes blong Ol Lata-Dei Sent. Oli bin tijim hem abaot ol Profet we oli stap laef, we oli talem ol toktok blong God. !Hemia i wanem we Felipe i stap gat hop long hem!

Felipe i glad tumas blong joenem Jos. Hem i bin kam wan fas misinari blong Filipin blong serem gospel long ples ia. Bakegen, God i bin soem long Felipe wea ples blong go—mo Felipe i bin save oltaem se God bae i soem rod oltaem.

!Filipin i gat moa long 7,600 aelan!

Kantri ia i hom blong 70% blong ol defren kaen plan mo animol.

I no longtaem bae Filipin i gat namba eit tempol.

Felipe mo waef blong hem tufala i sevem mane blong wan yia blong oli save travel i go long tempol blong sil.

Felipe i laekem blong fising.

Felipe mo waef blong hem, Cora, i gat 4 pikinini mo 10 apu pikinini.