Օգնող ձեռքերը ամբողջ աշխարհում
Ծանոթացեք Լիբանանից Կարմենի հետ
Ծանոթացեք Երեխաների միության երեխաների հետ, որոնք Հիսուսի օրինակով օգնում են ուրիշներին:
Ամեն ինչ Կարմենի մասին
Տարիքը՝ 8 տարեկան
Սիրիայից. Բայց այժմ ապրում է Լիբանանում
Լեզուները՝ արաբերեն, անգլերեն
Նպատակներն ու երազանքները. 1) Այցելել տաճար: 2) Դառնալ նկարիչ: 3) Ծառայել միսիայում:
Ընտանիք. Կարմենը ունի երկու ավագ քույր և մի ավագ եղբայր:
Կարմենի օգնող ձեռքերը
Կարմենը և նրա մայրը ապրում են Լիբանանում, բայց նրանք մի ժամանակ ապրում էին Սիրիայում: Նրանց հարևանները նույնպես Սիրիայից են: Անցած դեկտեմբերին Կարմենը ցանկանում էր որևէ բարի գործ անել նրանց համար: Ամեն օր՝ մինչև Սուրբ ծնունդը, Կարմենը խանութից մի փոքրիկ բան էր գնում: Նա այդ իրերը դնում էր արկղի մեջ: 25 oր հետո արկղը լցվեց: Սուրբ ծննդյան օրը Կարմենը վերցրեց արկղը և տարավ իր հարևաններին: Նրանք այնքան երախտապարտ էին: Կարմենն ասում է, որ իր ծառայությունն օգնեց իրեն հիշել Հիսուս Քրիստոսի մատուցած ծառայությունը: «Երբ մենք սեր ենք ցույց տալիս ուրիշների հանդեպ,- ասում է Կարմենը, - մենք զգում ենք Աստծո սերը»:
Ինչ է սիրում Կարմենը
Վայրը՝ ծովափը
Պատմություն Հիսուսի մասին. Երբ Հիսուսը քայլեց ջրի վրայով
Երեխաների միության երգ. «Իմ Երկնային Հայրը սիրում է ինձ» (Մանկական երգարան, 228–29)
Ուտելիք. արիշտա, մրգային պաղպաղակ
Գույնը. Բաց մանուշակագույն
Դպրոցական առարկան՝ բնագիտություն
Նկարները՝ Սվետլա Ռադիվոեվա