Fuakava Foʻoú
Ngaahi ʻEkitivitīHaʻu ʻo, Muimui ʻIate Au maʻá e Fānau Īkí
ʻI he Mātiu 4; Luke 4–5
Talanoa mo hoʻo fānau īkí fekauʻaki mo e ngaahi founga ke fili ai ki he totonú, hangē ko e vahevahé mo e fakaʻaongaʻi ha ngaahi lea ʻofá. Lau fakataha ʻa e “Te u Lava ʻo Muimui ʻia Sīsū ʻaki ʻEku Fili ki he Totonú” ʻi he peesi 44.
ʻI he Sione 2–4
Fakamatalaʻi ange ʻoku finangalo ʻa e Tamai Hēvaní ke tau talangofua mo tokoni ki heʻetau mātuʻá. Kole ki hoʻo fānau īkí ke tokoni atu ʻi ha ngāue, hangē ko hono fakamaau e ngaahi meʻa vaʻingá pe fufulu e ʻū peletí. Fakamālō ange ʻi heʻenau tokoni kiate koé!
ʻI he Mātiu 5; Luke 6
Talaange ki hoʻo fānau īkí ʻoku tau fiefia ʻi he taimi ʻoku tau fili ai ki he totonú ʻo hangē ko ia ne fai ʻe Sīsuú. Tautau ha laʻipepa kuo tā ai ha fofonga malimali. Tānaki atu ha fofonga malimali ʻi he taimi kotoa pē ʻoku fai ai ʻe hoʻo fānau īkí ha fili “fakafiefia”.
ʻI he Mātiu 6–7
Fakamatalaʻi ange ki hoʻo fānau īkí ko e taimi ʻoku tau lotu aí, ʻoku tau fakamālō koeʻuhí ko e ngaahi tāpuakí mo kole e ngaahi meʻa ʻoku tau fiemaʻú. Fakaʻaliʻali ange ʻa e founga ke punou ai honau ʻulú, kūnima, pea kuikui honau matá. Hili iá pea tokoniʻi kinautolu ke nau fai ha lotu.