Mei he Kau Palesitenisī ʻUluakí

Founga ke Maʻu Ai e Fiefiá

Fai ʻe Palesiteni Russell M. Nelson

Russell M. Nelson, toʻo mei he “Fiefiá mo e Moʻui Fakalaumālié,” Liahona,Nōvema 2016, 81–84.

1. Winter night scene at a small cabin in Missouri in 1838. There are people inside and outside the cabin. Everyone is happy despite the cold. 2. Winter landscape. 3. 6 modern day children: Two boys talking, a girl reading a note, a sad looking boy, a boy and a girl talking to each other.

ʻI he faʻahitaʻu momoko ʻo e 1838, naʻe pau ke mavahe e kāingalotu ʻo e Siasí mei honau ngaahi ʻapi ʻi Mīsuli, USA. Naʻe fuʻu momoko pea poloka ʻo fefeka ʻenau meʻakaí. Naʻe nofo ha kakai tokolahi ʻi ha pō ʻe taha ʻi ha kiʻi fale ʻakau siʻisiʻi. Ne nau lahilahi tangutu pe tuʻu he poó kotoa ʻo feinga ke māfana. Naʻe nofo ha niʻihi ʻi tuʻa he pō ko iá ʻo ofi ki ha tafuʻanga afi. Naʻa nau hivaʻi ha ngaahi himi mo tunu pateta. Naʻe pehē ʻe Sisitā ʻIlisa R. Sinou, “Naʻe ʻikai ongona ha lāunga—pea fiefia ʻa e taha kotoa.”

ʻI he taimi ʻe niʻihi hangē ʻoku ʻikai ke tau lava ʻo ongoʻi fiefiá ʻi he taimi ʻoku hoko ai ha meʻa ʻoku koví. Ka ʻoku maʻu ʻa e fiefiá mei he tukutaha e tokangá ki he Fakamoʻuí. He ʻikai tolonga hotau ngaahi ʻahiʻahí ʻo taʻe-ngata. ʻI he taimi ʻoku tukutaha ai ʻetau tokangá ki he palani ʻo e fakamoʻui ʻa e ʻOtuá pea mo Sīsū Kalaisi mo ʻEne ongoongoleleí, te tau lava ʻo ongoʻi ʻa e fiefiá.

Naʻe akoʻi mai ʻe Sīsū Kalaisi kiate kitautolu e founga ke maʻu ai e fiefiá. ʻOku maʻu ʻa e fiefiá ʻi he taimi ʻoku tau feinga ai ke muimui kiate Iá. Te tau lava ʻo fakamālō kiate Ia ʻi he lotu. Te tau lava ʻo tauhi e ngaahi fuakava kuo tau fakahoko mo Ia pea mo ʻetau Tamai Hēvaní. Te tau lava ʻo kolea ke foaki mai ʻEne fiefiá kiate kitautolu. ʻI heʻetau fai e ngaahi meʻá ni, ʻe hoko ʻo moʻoni ange ai hotau Fakamoʻuí kiate kitautolu. Pea ʻe tupulaki ʻetau fiefiá.

Ngaahi Akonaki Fiefiá

ʻI he taimi ʻoku tau muimui ai kia Sīsū Kalaisí, ʻoku tāpuekina kitautolu ʻo aʻu pē ki he ngaahi taimi faingataʻá. Lau ʻa e meʻa naʻe talaʻofa mai ʻe Sīsū ʻi he Mātiu 5 pea fakafonu ʻa e ngaahi konga ʻoku ʻataá.

ʻI he taimi ʻoku ou loto mamahi aí …

(Mātiu 5:4)
ʻI he taimi ʻoku ou fakamolemoleʻi ai ha tahá …

(Mātiu 5:7)
ʻI he taimi ʻoku ou hoko ai ko ha tokotaha faʻa fakaleleí …

(Mātiu 5:9)
ʻI he taimi ʻoku fai ai ʻe ha taha ha fakamatala loi fekauʻaki mo aú …

(Mātiu 5:11–12)

Tā fakatātaaʻi ʻe Brandon Dorman