Kaumeʻa ki he Kaumeʻa

ʻOku ʻi ai Koā ʻa e ʻOtuá?

Fai ʻe ʻEletā Vaiangina Sikāhema

ʻO e Kau Fitungofulú

Mei ha ʻinitaviu mo Richard M. Romney.

Full spread with fun maze designed to help illustrate the journey of a man who traveled from Tonga to the Temple in New Zealand. Here‚Äôs roughly the journey llustrated in the maze: 1. Family getting ready to leave Tonga Sailed from Tonga to Fiji and encountered a storm (members sang on the ship). 2. On Fiji, had to ride a bus to the airport. 3. Then traveled on a plane to New Zealand. 4. Then another 2-hour bus ride to get to the Hamilton New Zealand Temple. 5. Family standing before the Hamilton New Zealand Temple. Included, other scenes at the end of pathways that don‚Äôt lead to the New Zealand temple, fun South Pacific Island items, ocean icons. Elder Sikahema was only 5 years-old when he traveled with this family to the temple.

ʻI hoku taʻu nimá, naʻe folau hoku fāmilí mei Tonga ki Nuʻu Sila ke sila ʻi he temipalé. ʻUluakí, naʻa mau folau mei Tonga ki Fisi. Naʻe hiva ʻa e kāingalotu ʻo e Siasí ne mau folaú ʻi he kotoa ʻo ʻemau folaú. Ne tō mai ha matangi mālohi. Naʻe lalahi ange ʻa e peaú ʻi he vaka naʻa mau ʻi aí! ʻI he fakaʻau ke lahi ange ʻa e matangí, naʻa mau hiva leʻolahi ange. Fāifai pea ʻosi e matangí.

ʻI heʻemau aʻu hao ki Fisí, naʻe pau ke mau heka pasi ki he malaʻe vakapuná. Naʻa mau heka leva ʻi ha vakapuna ki Nuʻu Sila.

Hili e tūʻuta ʻa e vakapuná ʻi Nuʻu Silá, ne mau toe heka pasi ʻi ha houa ʻe ua. Ko ha pongipongi mokomoko mo maʻulalo e ʻaó. Naʻe talanoa ʻa e tokotaha kotoa pē ʻi he pasí. Naʻe leʻo lahi! ʻI he ʻasi mai ʻa e temipalé, naʻe fakafokifā pē kuo lōngonoa ʻaupito ʻa e pasí. Naʻe fakatovave atu e taha kotoa ki he tafaʻaki ko ia ʻo e pasí ke sio ki ai. Ne u pehē ʻe mafuli e pasí!

Naʻe hiki hake au ʻe he Tangataʻeikí ki he matapā sioʻata ʻo e pasí ke u lava ʻo sio lelei ki he temipalé. Naʻe hangē naʻe tētē ʻa e temipalé ʻi he ngaahi ʻaó. Naʻe hā fakalangi ia.

Neongo naʻe hoko ia ʻi he ngaahi taʻu lahi kuo hilí, ka ʻoku ou kei lava pē ʻo ongoʻi ʻa e laumālie makehe ko iá he ʻahó ni. Naʻa mau ʻiloʻi ne mau sio ki he fale ʻo e ʻOtuá. Kimuʻá, naʻa mau sio pē ʻi ha ngaahi tā. Ne mau ofo. ʻOku ou manatuʻi ʻeku fakakaukau, ʻOku ʻi ai koā ʻa e ʻOtuá? Pea naʻe vave pē ʻeku fakakaukau, Ko e fale ʻeni ʻo e ʻOtuá. Ko e moʻoni ʻokú Ne ʻi ai. Mahalo he ʻikai ke tau mamata kiate Ia ʻi he temipalé, ka ʻoku tau ʻiloʻi ʻe lava ke tau ongoʻi ai Hono Laumālié.

Ko ha Fononga ki he Temipalé

Muimui ʻi he hala ʻoku tonú ʻi he fihifihí ke tokoniʻi e fāmilí ke nau aʻu ki he temipalé!

Tā fakatātā ʻa Mitch Miller