2023
Ko e Uiuiʻi Foʻou ʻo Makó
Fēpueli 2023

Ko e Uiuiʻi Foʻou ʻo Makó

Fai ʻe Zoila Rosa Trelles Araujo

(Makatuʻunga ʻi ha talanoa moʻoni)

“Ko e hā e meʻa ʻoku fai ʻe ha faifaleʻi hisitōlia fakafāmili?” Ko e fehuʻi ange ia ʻa Makó.

ʻĪmisi
Top panel: Marco being interviewed by the Bishop. Marco is 11 Center Circle: Aunt, Tía Mirna, she is in her 50’s. 2 panel: Marco’s mom helping him do family history work on the computer. 3 panel: Marco walking into the Lima Peru temple with his mom, dad, and older sister. 4 panel: Marco’s sister and dad doing baptism’s for the dead in the peru temple font. 5 panel: a pedigree chart just showing connections between people with his Aunt highlighted in the background.

Naʻe tangutu ʻa Mako mo ʻene ongomātuʻá ʻi he ʻōfisi ʻo e pīsopé. Naʻá ne toki hiki pē ki he Kau Talavoú, pea ko ʻeni naʻe fie talanoa ʻa e pīsopé mo ia. Naʻá ne ongoʻi loto-siʻi.

Naʻe pehē ange ʻe Pīsope Tiesi, “ʻOku mau loto ke ʻoatu hao uiuiʻi. Te ke loto fiemālie nai ke ke hoko ko ha faifaleʻi hisitōlia fakafāmili?”

Naʻe [sio mataʻi fakafehuʻi ange ʻa] Mako. Naʻá ne fehuʻi ange, “Ko e hā e meʻa ʻoku fai ʻe he faifaleʻi ʻo e hisitōlia fakafāmilí?”

Naʻe pehē ange ʻe he pīsopé, “Ko ha fehuʻi lelei ia. ʻOku nau tā ha sīpinga ʻaki ʻenau fai e hisitōlia fakafāmilí mo e ngāue fakatemipalé. Pea ʻoku nau tokoni foki ki he niʻihi kehé ke fai ʻenau hisitōlia fakafāmilí.”

“Sai.” Naʻe kamokamo pē ʻa Mākou. Naʻá ne kei ongoʻi manavasiʻi pē. Ka naʻá ne fiefia foki. “Kuo teʻeki ai ke u ʻalu ki he temipalé. Ka kuó u fai ha kiʻi fakahokohoko fakamotuʻalea.”

Naʻe talaange ʻe he pīsopé, “ʻOku ʻikai ko ha palopalema ia. Kuo uiuiʻi foki mo Sisitā Sanisesi ki he hisitōlia fakafāmilí. Te ne lava ʻo tokoniʻi koe ke ke ako lahi ange.”

Hili ha ngaahi uike siʻi mei ai, naʻe telefoni fakavitiō ʻa Mako mo Sisitā Sanisesi. Naʻá ne fuʻu angalelei ʻaupito. Naʻá ne tokoni kia Mako ke fokotuʻu ha ʻakauni ʻi he FamilySearch.org. Naʻá ne akoʻi leva ia ki he founga hono kumi ʻene fuʻu ʻakau fakafāmilí.

Naʻe saiʻia ʻa Mako ke ako ʻo kau ki hono fāmilí. Naʻá ne saiʻia he sio ki heʻene ongo kuí mo e ongo kui uá ʻi heʻene fuʻu ʻakau fakafāmilí. Naʻe akoʻi ia ʻe Sisitā Sanisesi ki he founga hono tānaki atu e ʻū tā ʻo e kau mēmipa ʻo e fāmilí. Naʻá ne ako foki e founga ke tānaki ai e kakai naʻe teʻeki ke nau kau ʻi he FamilySearch.

Naʻe tānaki atu ʻe Mako ha tokotaha ki he FamilySearch ko e tokoua ʻene faʻeé ko Tía Miná. Naʻá ne mālōlō ʻi he taʻu kuo ʻosí mei he kanisaá. Naʻe ʻofa lahi ʻa Mako kiate ia. Naʻá ne ʻofa ki heʻene mata fiefiá. Naʻe ʻai maʻu pē ʻe heʻene tía ke ne ongoʻi ʻoku ʻofaʻi ia.

ʻĪmisi
Top panel: Marco being interviewed by the Bishop. Marco is 11 Center Circle: Aunt, Tía Mirna, she is in her 50’s. 2 panel: Marco’s mom helping him do family history work on the computer. 3 panel: Marco walking into the Lima Peru temple with his mom, dad, and older sister. 4 panel: Marco’s sister and dad doing baptism’s for the dead in the peru temple font. 5 panel: a pedigree chart just showing connections between people with his Aunt highlighted in the background.

ʻI he tokoni ʻa Mamá, naʻe taipeʻi ai ʻe Mako ʻa e ʻaho naʻe fāʻeleʻi ai ʻa Tía Miná pea mo e ʻaho naʻá ne mālōlō aí. Naʻá ne tānaki atu hano ʻū tā. Naʻá ne taipeʻi foki ha ngaahi manatu melie fekauʻaki mo ia.

Naʻe teʻeki ai ke papitaiso ʻa Tia Mina. Ka ʻi he temipalé, ʻe lava ke papitaiso ʻa e tuofefine ʻo Mako ko Liselá maʻana. Ko ia naʻe palani ai ʻe Mako mo hono fāmilí ha taimi ke nau ō ai ki he temipalé. Naʻe maʻu ʻe Mako ha kau mēmipa kehe ʻo e fāmilí ʻi he FamilySearch ne nau mālōlō he ngaahi taʻu kuo hilí. ʻE lava foki ke ne papitaiso maʻanautolu.

ʻI he taimi ko ʻení naʻe ʻilo lahi ange ʻa Mako ki he hisitōlia fakafāmilí, pea naʻá ne fiefia ke tokoni ki he niʻihi kehé. Naʻá ne vahevahe ʻene fakamoʻoni ki he hisitōlia fakafāmilí ʻi ha ʻekitivitī ʻa e Siasí. Pea naʻá ne fakaafeʻi ha toʻu tupu kehe ʻi honau uōtí ke nau ō mo hono fāmilí ʻi heʻenau ō ki he temipalé.

Faifai pea aʻu ki he fuofua ʻaʻahi ʻa Mako ki he temipalé. Naʻá ne fuʻu loto vēkeveke! Naʻe makehe ke ʻi ai mo hono fāmilí pea mo e toʻu tupu kehé. Ka ko e meʻa lahi tahá ʻa e fiefia ʻa Mako ʻi he lava ʻa Lisela ʻo papitaiso maʻa Tía Miná.

ʻĪmisi
Top panel: Marco being interviewed by the Bishop. Marco is 11 Center Circle: Aunt, Tía Mirna, she is in her 50’s. 2 panel: Marco’s mom helping him do family history work on the computer. 3 panel: Marco walking into the Lima Peru temple with his mom, dad, and older sister. 4 panel: Marco’s sister and dad doing baptism’s for the dead in the peru temple font. 5 panel: a pedigree chart just showing connections between people with his Aunt highlighted in the background.

Hili ʻena fetongi ki he vala hiná, naʻe siofi ʻe Mako ʻa Papi mo Lisela ʻi heʻena ʻalu hifo ki he faiʻanga papitaisó. Naʻe ongoʻi māfana ʻa Mako ʻi hono lotó ʻi heʻene mamata ki hono papitaiso ʻe Papi hono tuofefiné maʻa Tía Miná. Naʻe holoholoʻi ʻe Mama ʻa e loʻimata ʻo e fiefiá.

ʻĪmisi
Top panel: Marco being interviewed by the Bishop. Marco is 11 Center Circle: Aunt, Tía Mirna, she is in her 50’s. 2 panel: Marco’s mom helping him do family history work on the computer. 3 panel: Marco walking into the Lima Peru temple with his mom, dad, and older sister. 4 panel: Marco’s sister and dad doing baptism’s for the dead in the peru temple font. 5 panel: a pedigree chart just showing connections between people with his Aunt highlighted in the background.

Hili ia pea hoko leva ‘a Mako. Naʻá ne hifo ki he loto vaí ke papitaiso maʻá e kau mēmipa kehe ʻo e fāmilí.

Naʻe malimali ʻa Mako. Naʻá ne fiefia ʻi heʻene ʻahiʻahiʻi ha meʻa foʻou ʻaki ʻene fai e hisitōlia fakafāmilí. Naʻe iku pē ʻo lelei ʻaupito ʻa e uiuiʻi hisitōlia fakafāmilí!

ʻĪmisi
Friend Magazine, 2023-02 Feb

Tā fakatātā ʻa Simini Blocker

Paaki