“Au Papitaiso Vakacava,” iTokani, Okosita 2023, 12–13.

Au Papitaiso Vakacava

Bula! O au o Aranoarii. Au vakaitikotiko e Taiti. Au sa yabaki 11, kau cibitaka me’u kaya ni’u lewena Na Lotu i Jisu Karisito ni Yalododonu Edaidai.

O vulica vakacava na veika me baleta na Lotu?

Eso na itokani era a sureta na noqu matavuvale kina itaviqaravi ni Lotu. Keitou a sureti talega ki na nona papitaiso e dua na gone. Au a tarogi tinaqu ke’u rawa niu sota vata kei rau na daukaulotu baleta niu vinakata dina me’u vulica eso tale na ka baleti Jisu Karisito.

E vakacava tu na sota vata kei rau na daukaulotu?

E rau totoka dina na daukaulotu! Au dau marautaka me’u tauri lesoni vei rau me baleti Jisu Karisito kei na Nona kosipeli. Au taleitaka na italanoa erau dau tukuna vei au kei na qito keitou a qitotaka me vukei au me’u vuli.

A vakacava na nomu papitaiso?

E papitaiso taki au kei tinaqu o tamadu ena ika 11 ni noqu siganisucu. Au a marau sara ga! Keirau a sureta e vuqa na tamata keirau dau lomana. Era lako mai noqu lewe ni kalasi kei na qasenivuli me tokoni au.

Niu cabe mai wai, au a vakasinaiti ena reki. Noqu matadredredre a yaco ki daligaqu! Au marau vakalevu ni rawa meu muria na ivakaraitaki i Jisu Karisito.

Ea vakabeka evei na lako kina Lalai ena imatai ni gauna?

Taumada, au taqaya vakalevu ka voleka niu tagi. Oti au a qai gole kina dua na itaviqaravi ni Lalai. A yaco meu kilai ira kece, kau rawata eso noqui tokani.

Kevaka o ka vou, sa noqu ivakasala mo gole mai kina nomu kalasi ni Lalai, kevaka mada ga o rere taumada. Keimami lomani ira na tamata vou!

O na muri Jisu beka vakacava?

Au dau masu ka lako i lotu ena vei Sigatabu. Au veitalanoa kei na noqu matavuvale me baleta na kosipeli i Jisu Karisito.

Au dau tovolea meu vaqarai ira era gadreva tu na veivuke. E vale, au dau vukei tinaqu ena cakacaka. Au vukei tamaqu ena teitei, musu kau, kei na tara na veika eso. Ena vica na vula sa oti, a caka kina ena neitou tabanalevu e dua na vakaraitaki taledi. O au e dua na dauvakatagi, au mani qiri dramu kina ena bogi taucoko!