Eda Masu Vakacava?

Na masu sai koya na sala eda veivosaki kina kei na Tamada Vakalomalagi. E dau vinakata me rogoci iko, ka dau vakarorogo o Koya. E dau sauma na nomu masu ena vei sala e vuqa. Ena solia beka vei iko o Koya e dua na veivakauqeti, se ka o vakila, mai vua na Yalo Tabu. Se ena vakauqeta o Koya e dua tale me vukei iko.

iVakarau ni Masu

• Bobo na matamu, cuva na ulumu, ka roqota na ligamu.

• Tekivu ena nomu cavuta, “Tamai Keimami Mai Lomalagi Lomani.”

• Vosa vua na Tamada Vakalomalagi ena veidokai kei na vakarokoroko.

• Tinia ena nomu cavuta, “Ena yaca i Jisu Karisito, emeni.”

• E rawa nio masu i cake se ena nomu vakasama, ena gauna cava ga.

Oqo eso na ka e rawa ni o masulaka:

• Vakavinavinaka vua na Tamada Vakalomalagi ena vuku ni veika o marautaka.

• Tukuna Vua me baleta na veika dredre se vinaka a yaco ena nomu siga.

• Kerei Koya me veivuke mai nio rere se sega ni kila na ka mo cakava.

• Kerei Koya me vakalougatataka e dua tale ka gadreva na veivuke.

Au vakavinavinaka vei Kemuni . . .