“O Jisu A Vakaraitaka vei Keda na Sala,” iTokani, Okosita 2023, 4–5.
O Jisu A Vakaraitaka Vei Keda na Sala
Droini mai vei Dan Burr
O Jisu Karisito e Luve i Tamada Valomalagi. A lako mai ki vuravura me vakaraitaka vei keda na sala eda na rawa ni lesu tale kina vei Tamada Vakalomalagi ena dua na siga. O Jisu a papitaisotaki. A vakatavulica o Koya ni dodonu meda papitaiso talega.
A vakaraitaka vei keda o Jisu na ivalavala meda bula kina. E a lomani ira ka vukei ira na tamata kecega. E vinakata o Koya meda muri Koya.
O Jisu a vakila kece na noda mosi ka vakararawataki ena vuku ni noda ivalavala ca. A mate o Koya ena vukuda. Oqo e vakatokai na Veisorovaki i Jisu Karisito. E tucake tale o Koya. E kena ibalebale oya ni bula tiko nikua o Koya! Ena vuku i Jisu, eda na bula kece tale ni oti noda mate.
A cakava o Jisu na veika kece oqo ena vukuda baleta o Koya e lomani keda. Ena Vukuna ga, eda na rawa ni bula mai lomalagi kei na noda matavuvale ena dua na siga.
E da rawa ni muri Jisu e na noda papitaisotaki. E rawa talega nida muri Koya e veisiga nida lomani ka vukei ira na tani ka talairawarawa kina Nona ivakaro.