Գրված է ձեր կողմից

Կոկոսներ և տասանորդ

Ավեհեյ Մ․, 11 տարեկան (Թաիթի), Ֆրանսիական Պոլինեզիա

alt text

Ողջույն։ Իմ անունը Ավեհեյ է։ Ապրում եմ Թաիթիում։ Կղզում ինձ դուր է գալիս լինել դրսում: Ես արշավի եմ գնում և լողում գետում կամ օվկիանոսում: Հաճույք եմ ստանում նաև ընտանիքիս հետ որոշ գործեր անելուց: Ես սիրում եմ ճաշ պատրաստել, թղթախաղ խաղալ և արշավի գնալ: Ես սիրում եմ խաղալ գնդակով և մագլցել ծառերը իմ եղբոր ու զարմիկների հետ:

Ամառային արձակուրդներին եղբորս հետ աշխատում եմ կոկոսի այգում։ Մենք կոկոս ենք հավաքում և մի մեծ կույտ դիզում: Մենք նաև հավաքում ենք թափված տերևները, որպեսզի այգին մաքուր մնա:

alt text

Մեր մեծ պապը վճարում է մեզ, երբ մենք աշխատում ենք այգում: Ես միշտ տասանորդ եմ վճարում իմ ստացած գումարից: Ես իմ ընտանիքից և Երեխաների միության ուսուցիչներից եմ սովորել, թե ինչպես տասանորդ վճարել:

Ես տասանորդ եմ վճարում, որովհետև գիտեմ, որ ես և ընտանիքս օրհնվում ենք, երբ ես հնազանդվում եմ: Ես օրհնված եմ իմ ընտանիքով, տնով և ինձ շրջապատող գեղեցիկ աշխարհով:

Ես գիտեմ, որ Աստված ապրում է, և Նա սիրում է ինձ: Շնորհակալ եմ Երկնային Հորից ընտանիքիս համար, որ տվել է ինձ:

alt text

Ի՞նչ է տասանորդը։

Հիսուս Քրիստոսի Վերջին Օրերի Սրբերի Եկեղեցու անդամները իրենց եկամուտի մեկ տասներորդը տալիս են Աստծո Եկեղեցուն։ Մեր տասանորդի փողն օգնում է տաճարներ և եկեղեցիներ կառուցել, նաև օգնում է կարիքավոր մարդկանց: Տասանորդը մի եղանակ է, որով մենք ենք մեր օրհնություններով կիսվում ենք մյուսների հետ: Աստված տվել է մեզ այս պատվիրանը շատ վաղուց` Հին Կտակարանի ժամանակներում (տես Ծննդոց 14.18–20): Տասանորդ վճարելը Երկնային Հոր հանդեպ մեր սերը ցույց տալու միջոց է:

alt text here