Ողջույն Ինդոնեզիայից

Իմացեք Երկնային Հոր զավակների մասին, որոնք ապրում են ամբողջ աշխարհում:

alt text here

Ինդոնեզիան պետություն է Հարավարևելյան Ասիայում։ Այն ունի ավելի քան 17000 կղզի։ Այնտեղ բնակվում է շուրջ 280 միլիոն մարդ։

Աճող Եկեղեցի

alt text here

2019 թ.-ին նախագահ Ռասսել Մ. Նելսոնն այցելեց անդամներին մայրաքաղաք Ջակարտայում: 2023 թվականի ապրիլի գերագույն համաժողովում նա հայտարարեց, որ այնտեղ տաճար է կառուցվելու:

Երկրպագության վայրեր

alt text here

Ինդոնեզիան ունի ամենամեծ իսլամական մզկիթը Հարավարևելյան Ասիայում: Այնտեղ է գտնվում նաև ամենամեծ Բուդդայական տաճարն աշխարհում։

Կապույտ հրաբուխ

alt text here

Ինդոնեզիան ունի ավելի շատ գործող հրաբուխներ, քան որևէ այլ երկիր: Կավահ Այջեն հրաբուխը կապույտ բոցեր ունի, որոնք կարելի է տեսնել գիշերը:

Դուք խոսո՞ւմ եք իմ լեզվով

alt text here

Ինդոնեզերենը պաշտոնական լեզուն է։ Բայց Ինդոնեզիայում խոսում են ավելի քան 700 լեզուներով: Նրանց երկրի կարգախոսը նշանակում է՝ «Շատ, սակայն մեկ»՝ ցույց տալու համար, որ նրանք միասնական են։

Վիշապների հայրենիքը

alt text here

Կոմոդո վիշապները ամենամեծ մողեսներն են աշխարհում: Նրանք կարող են աճել ու հասնել 3 մ երկարության

Վարժություն

Բատիկ նկարչություն

alt text here

Բատիկը արվեստի մի տեսակ է, որը գույն է հաղորդում գործվածքին: Դուք նույնպես կարող եք անել նման մի բան։

Թղթի վրա հեղուկ սոսնձով նախշ պատրաստեք: Երբ այն չորանա, սոսնձի գծերի միջև ներկեք ջրաներկով:

Բաղադրատոմս

Նասի Յուդուք

alt text here

1. Լվացեք 2 բաժակ սպիտակ բրինձ: Թրջեք բրինձը ջրով 1 ժամ, հետո քամեք:

2. Առանձին կաթսայի մեջ լցրեք 2 բաժակ կոկոսի կրեմ: Այնուհետև ավելացրեք 2 ամբողջական մեխակ, 1 դարչինի ձողիկ, և 1 թեյի գդալ աղ: Խառնեք և հասցրեք եռման աստիճանի:

3. Բրինձը ավելացրեք սոուսին: Ծածկեք կափարիչը և եփեք 15–20 րոպե մինչև բրինձը եփվի:

4. Վերցրեք կրակից և ծածկած պահեք 10 րոպե : Մատուցեք պինդ խաշած ձվով, տապակած սոխով կամ այլ լցոններով:

Անպայման դիմեք մեծերի օգնությանը:

Օգտակար խորհուրդներ

Գիշերային լավ քուն

Մենք կարիք ունենք քնի, որպեսզի էներգիա ունենանք վազելու, խաղալու և աշխատելու համար: Փորձեք անկողին մտնել ամեն օր նույն ժամին։ Ինչ-որ բան արեք, որը կօգնի ձեզ հանգստանալ քնելուց առաջ:

alt text here

Նկարները` Քոներ Ժիլետի