Jisas Kraes I Stap Laef

I Kam long Presiden Henry B. Eyring

Seken Kaonsela long Fas Presidensi

Oli karemaot long “Blong Spirit blong Hem I Stap Wetem Yu,” Liahona, Mei 2018, 86–89; mo “He Is Risen,” Liahona, Epril 2013, 4–5.

Taem olsem blong yia i stap helpem yumi blong tingbaot sakrifaes blong Sevya mo taem we Hem i girap mo i aot long tumb,

Wan taem mi bin stanap wetem waef blong mi aotsaed long wan hol blong ston long Jerusalem. Insaed, mifala i luk wan ston stul i stap long saed blong wan stonwol.

Be i gat wan narafala pikja i kam long maen blong mi. Mi tingting long Meri long emti tumb. Hem i stap krae from se Sevya i bin ded. Hem i no save weaples oli putum bodi blong Hem i stap.

“Hem i tanem hem mo i luk Jisas i stap stanap long ples ya. Be hem i no save se Jisas” (John 20:14). Meri i ting se hem i man we i lukaotem ples ia.

“Nao Jisas i talem se, Meri” (Jon 20:16). Naoia Meri i harem save Hem. Hem i save se Jisas i laef bakegen long ded.

From se Jisas Kraes i winim ded, evri long ol pikinini blong Papa long Heven bae oli laef bakegen long ded wetem wan bodi we bae i neva ded.

Mi talem tangkyu long Papa blong yumi long Heven from presen ia we i Pikinini Ia we Hem i Lavem Tumas. Mi glad tumas blong save se Hem i bin pemaot praes from ol sin blong yumi mo i bin girap long Laef Bakegen long Ded. Mi testifae se Jisas ia we i bin girap bakegen, Sevya blong yumi, mo eksampol blong yumi we i stret evriwan.

Ista Stori Wil

Katemaot tufala sekol ia mo putum fas sekol antap long narawan. Mekem wan hol long medel mo holem tufala tugeta wetem wan pin o wan smol nil. Afta, tanem hemia antap blong talem stori blong Ista.

Stori blong Ista

Jisas i kam long Jerusalem long Pam Sandei (luk long Mak 11:7–11).
Jisas i givim sakramen long ol disaepol blong Hem (luk long Matiu 26:26–28).
Jisas i prea insaed long Garen blong Getsemane (luk long Mak 14:32–36).
Jisas i bin ded long kros from yumi (luk long Luk 23:46).
Bodi blong Hem i stap insaed long tumb blong tri dei (luk long Matiu 27:59–64).
Jisas i bin laef bakegen. Mo Hem i stap laef tedei. (Luk long Matiu 28:6–9.)