Wan Gud Eksampol

I kam long Elda Mathias Held

Blong Olgeta Seventi

I kamaot long wan intaviu wetem Haley Yancey.

Mi no bin wan memba blong jos taem mi wan pikinini. Hem i olsem kasem taem we i kam wan adalt mo wan bisnis man, mo bin kasem baptaes.

Papa blong mi tu i wan bisnis man. Hem i bin wari tumas taem we mi bin joenem Jos. Hem i talem, “Yu nomo stap drink alkol. Hemia bae i had long taem blong ol miting we long ples ia bae evriwan oli stap drink tugeta.”

Be mi no bin wari. Mi bin disaed se taem wan i givim alkol long mi, bae mi talem, “No, tangkyu.” Afta, bae mi save mekem oda blong wan narafala samting.

Ol yia i pas, mo mi bin mekem olsem plante taem. Afta sam dei, olgeta we mifala i wok oli luksave wan samting. Sapos oli pasem alkol long mi, oli talem, “Mathias i no drink. Karem wan narafala dring blong hem.” Plante mo plante long olgeta oli stop blong mekem oda blong alkol tu. “Mi no wantem tu,” Oli talem

Wan taem, sam visita oli kam long wan miting. Olgeta nomo oli drink alkol.

Oli askem long mi, “?from wanem i no gat wan i drink alkol? ?Evri wan oli memba blong jos blong yu?”

“No,” mi talem.

Mi no prij long olgeta we mifala i wok tugeta abaot Tok blong Waes. Mi bin stap strong long bilif blong mi, mo oli bin luksave eksampol blong mi.

Yu save stap wan gud eksampol tu. Ol narawan bae oli luksave taem yu jusum raet samting blong mekem. I simpol nomo, yu save helpem olgeta blong laef folem gospel.