“Ol Aktiviti blongKam Folem Mi Fren, Maj 2024, 28–29.

Ol Aktiviti blong Kam Folem Mi

Blong famli haos naet o skripja stadi—o blong gat wan gud taem nomo!

26 Febwari–3 Maj

Ol Pepa Tempol

Aesea i bin tijim se ol tempol oli ol spesel ples we long ples ia yumi lanem abaot Papa long Heven mo Jisas Kraes (luk long 2 Nifae 12:3). !Mekem tempol blong yuwan! Foldem wan pepa tri taem. Katem wan en long wan traeangkel. Openem pepa mo droem yuwan long medel.

4–10 Maj

Singsing Ol Testemoni

Blong 2 Nifae 20–25

Aesea i serem testemoni blong hem abaot Jisas Kraes. Hem i talem se Jisas i paoa blong hem mo singsing blong hem (luk long 2 Nifae 22:2). ?Wanem ol singsing abaot Jisas we yu laekem? Tokbaot from wanem yu laekem olgeta. !Afta singsing long olgeta tugeta!

11–17 Maj

Tijing Folem Tijing Stori Taem

Blong 2 Nifae 26–30

Papa long Heven i helpem yumi blong lanem “tijing folem tijing,” o smosmol wanwan taem (2 Nifae 28:30). Tugeta !talem wan fevret skripja stori wan tijing long wanwan taem! Evri bae i gat janis blong talem wan sentens blong stori kasem we stori i finis.

18–24 Maj

Ol Step blong Folem Jisas

Blong 2 Nifae 31–33

Nifae i bin tijim se yumi folem Jisas Kraes taem yumi gat fet long Hem, sakem sin, kasem baptaes, kasem presen ia we i Tabu Spirit mo stap strong kasem en (luk long 2 Nifae 31). Raetem wanwan step long defren pis blong pepa, afta putum olgeta long flo. Wan bae i sarem ae blong hem mo kaontem 1 kasem 10 mo evri wan bae oli stanap long wan pepa. Afta, hem we i kaont bae i talem wan step blong folem i go long Jisas. Hemia we i stanap long pepa we step ia i stap long hem, bae hem nao i nekis wan blong kaontem 1 kasem 10.

25–31 Maj

Ol Lili blong Ista

Blong Ista

From Jisas, bae yumi laef bakegen afta we yumi ded (luk long Alma 40:22–25). Mekem Ista lili aktiviti long pej 17. Putum ol lili blong yu long ples ia we ol famli blong yu oli save luk olgeta blong helpem yu blong tingbaot tingbaot Sevya long wik ia.