“Ko e Mana ʻo e Lotú,” Kaumeʻá, ʻEpeleli 2024, 2–3.
Mei he Kau Palesitenisī ʻUluakí
Ko e Mana ʻo e Lotú
Toʻo mei he “Sweet Power of Prayer,” Liahona, May 2003, 7–9; mo e “Fakahā maʻá e Siasí, Fakahā ki Heʻetau Moʻuí,” Liahona, Mē 2018, 93–96.
Naʻe akoʻi kitautolu ʻe he Fakamoʻuí ʻi he founga ʻo e lotú. ʻOku tau lotu ki heʻetau Tamai Hēvaní ʻi he huafa ʻo Sīsū Kalaisí. ʻOku tau fakaʻosi ʻetau lotú ʻaki ʻetau pehē, “ʻi he huafa ʻo Sīsū Kalaisí, ʻēmeni.” ʻI he taimi ʻoku tau fanongo ai ki ha lotu ʻa ha taha, ʻoku tau toe pehē foki “ʻēmeni.” ʻOku ʻuhinga ʻeni, “Ko ʻeku lotú foki ia.”
Naʻe fokotuʻu ʻe he Palōfita ko Siosefa Sāmitá ha sīpinga ke tau muimui ki ai ʻi hono fai ha ngaahi fehuʻí. Naʻá ne ʻeke fakahangatonu ʻene ngaahi fehuʻí ki he Tamai Hēvaní. Pea naʻe tali ʻene lotú.
Fakakaukau ki he mana ko ʻení! Te tau lava kotoa ʻo lotu ki heʻetau Tamai Hēvaní pea maʻu ha ngaahi tali.
Kumi ha feituʻu lōngonoa te ke lava ʻo ʻalu ki ai. Fakahā hake ho lotó ki hoʻo Tamai Hēvaní. Tafoki kiate Ia ke maʻu ha ngaahi tali mo ha fakafiemālie. Lotua ʻa e ngaahi meʻa ʻokú ke hohaʻa ki aí, ʻa hoʻo ngaahi manavasiʻí, pea mo e ngaahi fakaʻamu ho lotó. Peá ke fakafanongo leva! Tohi ʻa e ngaahi fakakaukau ʻoku haʻu ki ho ʻatamaí.
ʻI hoʻo toutou fai ʻení, te ke tupulaki mo ako ke maʻu ha fakahā.
Ko e Meʻa ʻOku Ou Lotuá
ʻI he taimi ʻoku tau lotu aí, ʻoku tau talanoa ki he Tamai Hēvaní. Tā ʻa e meʻa ʻokú ke lotuá ʻi he ngaahi puha ʻi laló. ʻOku hōifua ʻa e Tamai Hēvaní ke fanongo mai kiate koe!
-
Ngaahi meʻa ʻoku ou houngaʻia aí:
-
Kakai ʻoku ou lotuá:
-
Ngaahi meʻa ʻoku ou fiemaʻu tokoni aí:
ʻŪ tā fakatātā ʻa Shawna J. C. Tenney