“Ngaahi ʻEkitivitī ʻo e Haʻu, ʻo Muimui ʻIate Aú,” Kaumeʻá, ʻEpeleli 2024, 28–29.

Ngaahi ʻEkitivitī ʻo e Haʻu, ʻo Muimui ʻIate Aú

Maʻá e efiafi ʻi ʻapí pe ako folofolá—pe ke maʻu pē ha fiefia!

1–7 ʻEpeleli

Ko e Fevahevaheʻaki Fakatahá

Naʻe akoʻi ʻe Sēkope ʻoku totonu ke tau “fie foaki mei [heʻetau] koloá” (Sēkope 2:17). ʻOku ʻuhinga ia ke vahevahe ʻa e meʻa ʻoku tau maʻú mo e niʻihi kehé. Ngaohi ha kiʻi fakaneifua ke vahevahe mo ha niʻihi ʻi he kaungāʻapí pe ngaahi kaungāmeʻá!

8–14 ʻEpeleli

Taufetuli ʻi ha Timi

Ki he Sēkope 5–7

Naʻe kole mai ʻe Sēkope ke tau “pīkitai,” pe ofi ki he ʻOtuá ʻaki hotau lotó kotoa (Sēkope 6:5). Fai ha kiʻi vaʻinga fekauʻaki mo e nofo fakataha ko ha timí! Fili ha toko taha ke hoko ko e tokotaha ke ne fai ʻa e tulí. ʻI he taimi ʻoku pā ai ʻa e tokotaha tulí ki ha taha, ʻokú na pikinima leva ʻo tuli ʻa e toenga ʻo e kau vaʻingá. ʻI he mate ʻa e tokotaha hokó, ʻokú ne pikinima leva mo ha taha ʻo e ongo tama tulí. Hokohoko atu pē ʻa e vaʻingá kae ʻoua kuo pikinima ʻa e taha kotoa.

15–21 ʻEpeleli

Ngaahi Fehokotakiʻanga Fakafāmilí

Ki he ʻĪnosi–Ngaahi Lea ʻa Molomoná

Naʻe hiki ʻe he kakai ʻi he Tohi ʻa Molomoná honau hisitōlia fakafāmilí ʻi ha ʻū lauʻi peleti (vakai, ʻAmenai 1:1). Te ke lava foki mo koe ʻo tohi ho hisitōlia fakafāmilí! Tohiʻi ho hingoá ʻi ha laʻipepa. Tepiʻi pe fakapipiki fakataha ʻa e ongo muiʻi pepá ke faʻu ha foʻi mama. Pea tohiʻi leva ʻa e hingoa ʻo ha mēmipa ʻo e fāmilí ʻi ha laʻipepa ʻe taha pea fakahū atu ia ki he foʻi mamá. Tepiʻi pe fakapipiki fakataha ʻa e ongo muiʻi pepá. Tānaki atu ki he lahi tahá ʻa e ngaahi fehokotakiʻanga fakafāmilí!

22–28 ʻEpeleli

Tafoki ki he Palōfitá

Ki he Mōsaia 1–3

Naʻe fakahanga ʻe he kau Nīfaí honau ngaahi fale fehikitakí ki he Tuʻi ko Penisimaní koeʻuhí ke nau lava ʻo fanongo ki heʻene ngaahi leá (vakai, Mōsaia 2:6). Ngaohi haʻo tēniti ʻaki ha sipi kafu, pilo, mo ha naunau fale. Pea sio pe lau fakataha ha taha ʻo e ngaahi lea ʻa e palōfitá ʻi loto he tēnití!