“Founga ʻe 5 ke Hoko Ai ko ha Tokotaha Faʻa Fakaleleí,” Kaumeʻá, ʻEpeleli 2024, 42.
Toʻo ʻa e 5
Founga ʻe 5 ke Hoko Ai ko ha Tokotaha Faʻa Fakaleleí
Ko e hā ʻokú ke vakai ki aí ʻi hoʻo fakakaukau ki ha tokotaha faʻa fakaleleí? ʻOkú ke fakakaukau nai kiate koe? ʻOku totonu ke ke pehē! Naʻe kole mai ʻe Sīsū Kalaisi ke tau hoko ko e kau faʻa fakalelei (vakai, Mātiu 5:9). ʻOku ʻikai fiemaʻu ia ke ke tauʻi ha kau tau pe hoko ko ha taki ʻo e māmaní kae toki fai ia. Ko ha founga ʻeni ʻe nima te ke lava ai ʻo hoko ko ha tokotaha faʻa fakalelei ʻi heni, ʻi he taimí ni.
-
Fakafanongo pē neongo ʻoku ʻikai ke ke poupou ki ai. ʻI he taimi ʻokú ke fakakikihi ai mo ha tahá, tuʻu ʻo fakafanongo. ʻI he taimi ʻoku kehe ai e fakakaukau ʻa ha taha, tuʻu ʻo fakafanongo.
-
Feinga ke mahino kiate koe ʻa e ongo ʻa e niʻihi kehé. Ko e lahi ange ʻa e mahino kiate koe ha taha, ko e faingofua ange ia hoʻo angaʻofa kiate iá pea feohi lelei mo iá.
-
Akoako hono fakaleleiʻi ʻa e palopalemá. ʻOku tokolahi ha kakai ʻoku nau tuhu ki he ngaahi palopalemá. ʻOku tuhu foki mo e kau faʻa fakaleleí ki he ngaahi founga ke solova ʻaki ʻa e palopalemá. Ko e lahi ange hoʻo akoako fakakaukau ki ha ngaahi founga ke fakaleleiʻi ʻaki ha meʻá, ko hoʻo poto ange ia ʻi hono fakaleleiʻi ha palopalemá.
-
Fili ʻa e faʻa kātakí. Fakakaukau ki he taimi fakamuimuitaha naʻá ke ongoʻi he ʻikai te ke lava ai ʻo kātakí. Ko ha ongo fakafiemālie nai ia? Mahalo pē ‘ikai. ʻI hoʻo maʻu ʻa e ngaahi ongo ko ia ʻo e ʻikai lava ke kātakí, mihi lōloa ho mānavá. ʻI he taimi ʻokú ke kātakiʻi ai koe mo e niʻihi kehé, te ke lava ʻo ongoʻi ha nonga lahi ange.
-
Manatu kia Sīsū Kalaisi. Naʻe akoʻi ʻe Palesiteni Nalesoni, “Lotua ha loto-toʻa mo ha poto ke lea ʻaki pe fai ʻa e meʻa naʻá Ne mei faí. ʻI heʻetau muimui ki he ʻEiki ʻo e Melinó, te tau hoko ko ʻEne kau faʻa fakalelei.”*
ʻŪ tā fakatātā ʻa Daniel Duncan