« E tāmatara’a i te fa’aro’o », Nō te Pūai o te Feiā ’Āpi, Tetepa. 2021, 18–19.
Mai, pe’e mai
E tāmatara’a i te fa’aro’o
Matahiti 1833. I Jackson County, i Missouri (Fenua Marite). E naho’a ta’ata tei fa’ahepo i te feiā mo’a e ora ra i reira ’ia fa’aru’e i tō rātou fare.
’Ua uiui noa Iosepha Semita e aha ra te rave. ’Aita i maoro roa ’ua tae mai te heheura’a. ’Ua parauhia ia Iosepha ’ia tihepu i te mau ta’ata nō te rātere i Missouri nō te tauturu i te feiā mo’a ’ia ho’i fa’ahou i roto i tō rātou mau fare.
’Ua fa’aru’e Iosepha i Missouri ’e te tahi pupu ta’ata. ’Ua parauhia te pupu i muri a’e, te Pūhapa nō Ziona.
E mea fifi roa te tere i te tahi taime, e rave rahi rā tei ’oa’oa i te reira.
I muri a’e hō’ē ’āva’e i te haerera’a nā raro, ’ua fa’aea te pūhapa i pīha’i iho i te hō’ē ’ānāvai.
’Ua fa’aro’o rātou ē, tē tīa’i mai ra te mau ta’ata i te tahi pae mai o te ’ānāvai, nō te ’aro ia rātou.
E aha ra tā tātou e rave ?
’A fa’aea noa
[…] ’e e hi’o i te fa’aorara’a a te Atua.
’Aita i maoro ’ua tae mai te vero.
Tei roto te Atua i teie vero !
’Ua fa’atupu te ua i te vai pu’e i ’ore ai i ti’a i te mau ’enemi o te pūhapa e haere i te tahi a’e pae.
Tau mahana i muri mai, ’ua fāri’i Iosepha i te heheura’a ē, ’ua tae i te taime nō te ho’i i te fare, noa atu ā ’aita rātou i tauturu i te feiā mo’a i Missouri ’ia ho’i i tō rātou fare.
’Ua fāri’i te Fatu i tā tātou mau tauto’ora’a.
’Ua arata’ihia mai tātou i teie vāhi ātea nō te tāmata i tō tātou fa’aro’o. (Hi’o Te Parau Ha’api’ira’a ’e te mau Parau Fafau 105:19).
’Ua mana’o te tahi pae, ’aita te tere i manuia.
’Ua haere mai tātou nā te ātea ma te faufa’a ’ore !
Nō te aha tātou e ho’i ai i te fare ’aita ā tātou i tauturu i te feiā mo’a i’ō nei ?
’Ua hi’o te rahira’a i te reira mai te hō’ē ha’amaita’ira’a ’ia haere nā muri i te peropheta ’e ’ia ha’api’i mai nā roto mai iāna.
’Ua tauturuhia te pūhapa nō Ziona ’ia fa’aineine i te feiā fa’atere o te ’Ēkālesia nō ananahi. E va’u tāne tei haere atu ’e te pūhapa nō Ziona tei pi’ihia i roto i te pupu nō te Tino ’Ahuru ma Piti ’āpōsetolo.