« ’A ti’aturi fa’ahou », Nō te Pūai o te Feiā ’Āpī, Novema 2021.
Tuhaʼa pureraʼa nō te avatea sābati
’A ti’aturi fa’ahou
Fa’ahitira’a parau
Two Prodigal Sons [Piti tamaiti pūhura tao’a], nā Jorge Cocco
’Aita ānei ’outou i mana’o a’enei ē, tē fa’aru’e ra ’outou i te fare ? Pinepine, te aura’a nō te fa’aru’era’a i te fare ē, ’ua mutumutu ’aore rā ’ua mou te ti’aturira’a—ti’aturira’a ia tātou iho ’e i te tahi ’e te tahi, ’e i te Atua. ’Ia fifi ana’e te ti’aturira’a, e uiui tātou ē, nāhea ’ia ti’aturi fa’ahou.
Tā’u parau poro’i i teie mahana ’oia ho’i, tē ho’i mai nei tātou i te fare, ’aore rā tē ho’i nei tātou i te fare, e haere mai te Atua e fārerei ia tātou. I roto iāna e ’itehia ai ia tātou te fa’aro’o ’e te itoito, te pa’ari ’e te ’ite mana’o, nō te ti’aturi fa’ahou. E ani mai ’oia ia tātou ’ia fa’a’ama noa i te māramarama nō te tahi ’e te tahi, ’ia rahi a’e te fa’a’ore i te hapa ’e ’ia iti i te fa’a’ino ia tātou iho ’e ia vetahi ’ē, ’ia ti’a i tāna ’Ēkālesia ’ia riro ’ei vāhi i reira tātou e fāri’i ai tei te fare tātou, noa atu te haere mai nei tātou nō te taime mātāmua ’aore rā te ho’i fa’ahou mai nei.
Te ti’aturi e ’ohipa ïa nō te fa’aro’o […]
’Ua ’ite tātou ē, te ’oa’oa i ni’a i te ’ē’a o te fafaura’a a te Fatu, ’e te mau pi’ira’a ’ia tāvini i roto i tāna ’Ēkālesia o te hō’ē ïa anira’a ’ia ’ite i te ti’aturi ’e te here o te Atua nō tātou ’e nō te tahi ’e te tahi […]
E riro mai te ti’aturira’a ’ei mea mau ’ia rave ana’e tātou i te mau ’ohipa fifi ma te fa’aro’o. E fa’arahi te tāvinira’a ’e te fa’atūsiara’a i te ’aravihi ’e e tāmā i te mau ’ā’au […]
Noa atu tō tātou iho huru orara’a e nō tātou iho, e nehenehe te mau parau tumu o te ’evanelia ’e te Vārua Maita’i e tauturu ia tātou ’ia ’ite ē, e ti’aturi fa’ahou ānei ia vetahi ’ē, e nāhea ’e e afea […]
’A ti’aturi i te Atua ’e i tāna mau temeio. E nehenehe tātou ’e tō tātou mau autā’atira’a e taui […]
E tere ta’ata hō’ē tō tātou tere i te orara’a nei, e nehenehe rā tā tātou e ho’i fa’ahou mai i te Atua ra tō tātou Metua ’e tāna Tamaiti here nā roto i te ti’aturira’a i te Atua, i te tahi ’e te tahi, ’e ia tātou iho.