Ushinde Ulimwengu na Upate Pumziko
Dondoo
Ananiongoza, na Yongsung Kim
Inamaanisha nini kuushinda ulimwengu? Inamaanisha kushinda vishawishi vya kujali zaidi kuhusu mambo ya ulimwengu kuliko mambo ya Mungu. Inamaanisha kutumaini mafundisho ya Kristo zaidi kuliko falsafa za wanadamu. … Inamaanisha kuchagua kujiepusha na kitu chochote kinachomfukuzia mbali Roho. …
Je, ni kwa jinsi gani, tunaushinda ulimwengu?… Kila wakati unapotafuta na kufuata ushawishi wa Roho, kila wakati unapofanya kitu chochote kizuri —mambo ambayo “mwanadamu wa tabia ya asili” asingefanya, wewe unaushinda ulimwengu. …
Sasa, ni kwa namna gani kuushinda ulimwengu kunabariki maisha yetu? Jibu liko wazi: Kuingia katika uhusiano wa agano na Mungu kunatuunganisha sisi Kwake katika njia ambayo inafanya kila kitu kuhusu maisha kiwe rahisi zaidi. Tafadhali msinielewe vibaya: sijasema kwamba kufanya maagano kunafanya maisha kuwa rahisi. Ukweli ni kwamba, tegemea upinzani, kwa sababu adui anataka wewe usigundue uweza wa Yesu Kristo. Lakini kujifunga mwenyewe nira na Mwokozi humaanisha unapata kuzifikia nguvu Zake na uweza Wake wa kukomboa. …
… ninawasihi ninyi sasa—kubeba jukumu la ushuhuda wenu wa Yesu Kristo na injili Yake. Utafute. Utunze ili ukue. Ulishe ukweli. …
… Unapoacha Mungu ashinde katika maisha yako, ninakuahidi amani kuu, kujiamini, shangwe na ndiyo, pumziko.