iToko ni iTabagone ni 2024

Mai na Dua na Tisaipeli ki na Dua Tale Tisaipeli

E Rawa Vakacava Mo Dua na iVakadinadina kei Jisu Karisito? E rawarawa sara mai na nomu nanuma. Dikeva na ivakaraitaki eso oqo era wasea na itabagone me baleti ira na tisaipeli ena nodra bula.

Kyler C., yabaki 13

Mai Guayas, Ecuador. Taleitaka na qito basiketepolo kei na vaiolini.

E rua na noqu itokani mai na lotu, o Arick kei Mike, e rau a vakavulica vei au na bibi ni bula vaka tisaipeli i Jisu Karisito. Na nodrau ivakaraitaki e sa vukei au me‘u gadreva vakalevu cake me‘u lako i kaulotu. Ia oqo au sa malaude sara me‘u wasea na veika me baleti Jisu Karisito vei ira era vakaleqai tu.

E rau sa ivakaraitaki vinaka talega i Karisito na noqu itokani ena ivakarau ni nodra vosa. E rau sa wasea vei au e vuqa sara na ka me baleta na nodrau muri Jisu Karisito, ka sa vakayaloqaqataki au meu toro voleka yani Vua. Me ivakaraitaki, sa vakavulica vei au na noqu itokani ni gauna e tiko kina e dua na noda taro, e rawa ni da taroga na Kalou. Ka da na kila vakacava ni sa sauma mai o Koya? Eda na kila e yaloda. Oqori na Yalo ka sa tukuna tiko vei keda ni sa vosa tiko vei keda na Kalou ka ni da sa digitaka tiko na sala dodonu. 

Ayotunde Raphael A., yabaki 15

Mai Oyo, Nigeria. Taleitaka na danisi, qito, kei na veivakatavulici kei ira na daukaulotu.

Na noqu itokani o Ewa (lekaleka o Ewaoluwa) sa ivakaraitaki ni dua na tisaipeli i Karisito vei au. A cudruvi au o koya ena dua na gauna, ka‘u a cudruvi koya talega. A qai kerea na noqu veivosoti. Mai na iwalewale oya, au a vulica kina na yalomalumalumu kei na veivosoti mai vua. A yalomalumalumu o koya ni a kere veivosoti, ka‘u a vosoti koya.

Vei au, na tisaipeli i Jisu Karisito sa ikoya me da muria na ivakaro ni Tamada Vakalomalagi, me da lomana na Kalou kei na Luvena, o Jisu Karisito, ka kauwaitaki ira vakalevu cake na tani.

Keperieli A., yabaki 12

Mai Oyo, Nigeria. Taleitaka na qito polo (soka).

Au kila e dua na gonetagane mai na lotu ka dauveivakatotogani e liu, ia ena dua na siga a veisau vakasauri o koya. Au a mani tarogi koya, “Na cava o veisau kina?” A tukuna vei au o koya ni a masu, wilika na nona ivolanikalou, vakabauta, ka cakacaka vakaukauwa me veisautaka na nona itovo. A vukei au baleta ena gauna oqo ni‘u vinakata me‘u vakatulewa, vakavuli se vakayalo, au dau masulaka na Kalou me dusimaki au.

Ena sega beka ni vinaka sara na noqu itokani, ia e tara na yaloqu na nona itovo. Ia oqo au sa dau wilika na ivolanikalou ni bera ni‘u kalawa yani ena noqu bula. Na ivakaraitaki nei noqu itokani sa kauti au vakavoleka sara vei Karisito baleta na gauna au ivalavala ca kina, au rawa ni lesu tale vua na Turaga ena masumasu kei na veivutuni. Na lako vua na Turaga sa vukei au meu biuta vakatikitiki na noqu icolacola.