Semati

Nelina N.

12, Sofia, Bulagaria

iTaba mai vei Christina Smith

E sega ni levu na lewe ni Lotu i Jisu Karisito ni Yalododonu Edaidai ena vanua au tiko kina. Au a waraka na veivakadonui nei tamaqu me‘u papitaiso, ia au vinakata sara ga vakalevu. E veisiga, au masuta me na vakatarai au o koya.

Ena dua na siga a kacivi au ka tukuna vei au niu sa rawa ni papitaiso! Au a marau sara ga! Au kila ni noqu digidigi ena vukei au meu muria na mawe ni yava i Karisito.

Niu se qai lewena vou na Lotu, au a vinakata saraga meu veiqaravi baleta ni‘u dau raici ira na tamata era veiqaravi tiko. Au a masu vakalevu me solia vei au na Kalou e dua meu qarava. Ena dua na bogi ena tadra, au a raica e dua na marama ena vanua ni wawa ni tereni ka a gadreva na veivuke ni oti na nona lutu mai na nona idabedabe. E muri, ni keirau lako kei tamaqu me keirau lako i vodo ena vanua ni vodo tereni, au a raica e dua na marama ni lutu mai na nona idabedabe. Sa marama vata ga mai na noqu tadra! Sa dua dina na gauna vakalou vei au me‘u rawa ni vukei koya.

“Au a masuta vakalevu na Kalou me solia vei au e dua meu qarava. Ena dua na bogi ena tadra, au a raica e dua na marama ena vanua ni wawa ni tereni.”

Wasea na nomu italanoa ka wilika na nodra italanoa na itabagone tale e so ena @StrivetoBe Instagram.