“Vakamalumalumutaka na Vuravura ka Kune Vakacegu,” Me iSakisaki ni iTabagone, Fepe. 2024.
Vosa mo Bula Kina
Vakamalumalumutaka na Vuravura ka Kune Vakacegu
Mai na dua na vosa ena koniferedi raraba ni Okotova 2022
Droini mai vei Bryan Beach
Ena vukui Jisu Karisito ka sa ulabaleta na vuravura lutu oqo, baleta o Koya a sorovaki keda yadua, sa rawa talega kina vei kemuni mo ni uabaleta na vuravura nunu ena ivalavala ca, nanumi koya, ka rui oca vakalevu.
Nio sa veivutuni vakaidina ka vakasaqara na Nona veivuke, e rawa nio ulabaleta na vuravura oqo ka kunea dina na vakacegu.
Na cava na ibalebale ni vakamalumalumutaki na vuravura?
Kena ibalebale:
-
Na vorata na veitemaki ni malele vakalevu kina veika ni vuravura oqo mai na veika ni Kalou.
-
Na vakararavi vakalevu cake ki na ivunau i Karisito mai na vakararavi ki na vuku ni tamata.
-
Me rekitaki na dina, vunauci na veivakacalai ka yaco mo “dau muri Karisito ena yalomalumalumu.”
-
Digitaka mo vakuwai iko mai na veika kecega e kauta tani na Yalo ka yalorawarawa me “solia tani” na noda ivalavala ca taleitaki sara mada ga.
-
Na tubu ni nomu lomana cake na Kalou kei na Luvena lomani, mai na nomu lomana edua tale na tamata se dua tale na ka.
Eda na vakamalumalumutaka vakaevei na vuravura?
-
Vakasaqara ka muria na veituberi ni Yalo Tabu.
-
Veivutunitaka e veisiga ka maroroya na veiyalayalati ka na vakalougatataki keda ena kaukauwa.
-
Mo tiko ga ena salatu ni veiyalayalati.
Na iVakabula ena laveti keda cake mai na idre ni vuravura lutu oqo, ena Nona vakalougatataki keda ena loloma e cecere cake, yalomalumalumu, lomasoli, yalololoma, bula vakaivakarau, sautu, kei na vakacegu.
Baleta ni a vakamalumalumutaka o Jisu Karisito na vuravura oqo, o na rawata talega.