“Plante Wei blong Lan,” Blong Ol Yut Oli Kam Strong., Jenuware 2024.
Plante Wei blong Lan
?Yu wantem mekem wol i gud smol? I stat taem yu stap lanem olsem wanem.
Pikja droing i kam long Dean Macadam
?Olsem wanem nao katem hea i konek wetem setemap ol laet blong stej?
“Hemia i pat blong plan blong mi,” Lisa i talem, wan yang adalt we naoia i stap long fas yia blong hem long kolej.
Lisa i bin statem stadi blong hem blong wok long hea mo fes long skul taem hem i gat 16 yia. Hem i faenem wan program we i letem hem blong go long hae skul blong sam aoa nomo blong mekem se hem i save go long trening blong wok long hea mo fes long ol aftenun. Trutok i we hem i stap naoia long kolej stadi tieta tek, hem i no minim se tingting blong ples blong tritmen blong luk naes bae i stop. Be, evri samting i stap hapen olsem we hem i bin stap hop from se bae olsem.
“Mi wantem gat wan skil we mi save yusum blong helpem mi blong pem kolej,” Lisa i talem. “Mo tu, i letem mi blong givim seves long ol narafala man mo sevem mane blong spendem blong katem ol hea blong famli blong mi blong ful laef blong mi!”
From Wanem Yumi Lan
“Papa long Heven i wantem ol pikinini gel mo boe blong Hem blong oltaem stap lanem samting.”1 Hemia i samfala wei aot long plante we i soem se blong stap lan blong ful laef i wan bigfala blesing:
-
Yu save help blong tijim gud ol fren, famli, mo ol narafala man.
-
Yu save givim gud seves insaed long Jos mo insaed long komuniti blong yu.
-
Bae yu save gat moa skil blong stap dipen long yuwan.
-
Yu save tekem save blong yu wetem yu afta we yu ded.
-
Taem yu gohed blong eksasaesem mo mekem bren blong yu i wok, i save stap moa helti.
Olsem Wanem Yumi Lan
Long olgeta skripja yumi lanem se yu mas “Lukaotem blong lanem samting, tru long stadi, mo tu, tru long fet” (Doktrin mo Ol Kavenan 88:118; luk tu long 130:18). Tedei i gat plante janis blong stap lanem samting, bitim bifo, olsem:
-
Praemeri skul, we i tekem tu kolej, yunivesiti, mo ol vokesenol skul.
-
Lukaotem ol toktok blong waes tingting “insaed long ol buk we oli moa gud” (Doktrin mo Ol Kavenan 88:118). Yu save ademap tu se, “ol gudgudfala dijitol risos”
-
Blong lanem samting stret long ol fren mo ol famli memba.
!Aktiviti aedia! Setemap wan taem blong “serem skil” blong tijing aktiviti insaed long branj o wod blong yu. Evriwan i kam oli rere blong tijim wan samting we olgeta oli save olsem wanem blong mekem.
-
Prea mo skripja stadi.
-
Blong stap fetful blong stap stret mo klin blong gat spirit i stap oltaem olsem fren blong yu, we bae i “save tijim yufala long olgeta samting” (Jon 14:26).
-
Fasin blong eksperiensem, krietem tingting, mo efot. Gudfala samting abaot save hem i we, yumi laen moa evri dei. Yu save ademap moa long, wol stoa haos blong save.
Taem Yumi Lan
Long en, weta yu stap lanem olsem wanem blong katem hea olsem Lisa o stap lanem olsem wanem blong mekem nekis jeneresen paoa teknoloji, Presiden Nelson i rimaenem yumi se oltaem i gat wan bes taem blong mekem olgeta wok ia:
“Yes, yumi sapos blong lanem samting aot long wanem we i pas, mo yes, yumi sapos blong rere from fiuja,” hem i tijim. “Be nomo se naoia yumi save mekem. Naoia hem i taem we yumi save lan. … Naoia hem i taem blong yumi save blesem ol narafala man.”2
Naoia, afta. ?Wanem nao yu wantem lanem tedei?