Wan Disaepol blong Jisas Kraes

Luk olsem wanem stori blong Momon abaot hemwan i aplae long yu tu.

Pikja

profet Momon

disaepol blong Jisas Kraes

Toktok ia disaepol i minim wan we i lan aot long wan tija o masta (olsem wan studen o wan man we i stap kasem trening).

Ol disaepol blong Jisas Kraes oli lan aot long Hem, folem ol tijing blong Hem, mo traem blong kam olsem Hem.

Hem i singaotem yu blong serem toktok blong hem

Sam pipol oli gat ol spesel koling blong serem toktok blong Kraes, olsem ol misinari. Be tru long ol kavenan blong yumi, yumi promes blong kipim ol komanmen blong Hem, we i tekem tu komanmen blong stap wan laet blong wol ia (luk long Matiu 5:14–16). Mo yumi talemaot se yumi wiling blong “stanap olsem ol witnes blong God long evri taem mo long evri samting, mo long evri ples” (Mosaea 18:9).

Evri memba blong Jos Ia blong Jisas Kraes blong Ol Lata-dei Sent oli kasem koling ia blong help blong mekem wok blong Lod mo serem gospel blong Hem (luk long Doktrin mo Ol Kavenan 38:40–41).

laef we i no save finis

Laef we i no save finis i minim laef long selestial kingdom wetem Papa long Heven mo Jisas Kraes. Hemia hem i presen blong ol pipol we oli gat fet long Jisas Kraes, sakem sin, mekem mo kipim ol kavenan, mo stap strong kasem en.

Lod i talem se, “From luk, hemia i wok mo glori blong mi—blong mekem man i nomo save ded mo i kasem laef we i no save finis” (Moses 1:39). Ol disaepol oli helpem Hem blong kasem wok blong Hem.