“Go tru long Niu Samting,” Blong Ol Yut Oli Kam Strong, Jenuware 2024.
Kam Folem Mi
Go tru long Niu Samting
Hemia i wan lesen blong gat wan gud taem we yu save tijim famli o klas blong yu long hem long taem blong Kam Folem Mi stadi blong manis ia.
Taem yu traem wan niu samting, yu maet filim olsem Nifae we i stap lukaotem ol buk we oli wokem long gol, “no save yet wanem samting bae [yu] mas mekem” (1 Nifae 4:6). Be tingbaot, yu yu neva stap yuwan, speseli taem yu stap mekem wan samting we God i komandem.
1. Hem i No Save Bifo
Givim wan pis pepa long wanwan man. Be no talem long olgeta se hem i blong wanem. Be, tokbaot olsem wanem yumi stap kasem revelesen we i kam long God wan step afta narawan, olsem we Nifae i bin karem ol buk we oli wokem wetem gol (luk long 1 Nifae 3–4) o i bin bildim wan sip (luk long 1 Nifae 17–18).
2. Smol long ples ia mo Smol Longwe
!Naoia i taem blong gat wan gud taem! Ridim wanwan long ol instraksen ia laod blong helpem grup blong yu blong foldem samting ia we oli no save gud yet se i wanem. (Hem i had taem i No gat pikja! Sapos oli nidim moa help, letem oli jusum wan step long wan taem.)
3. Revelesen: Spirit i Lidim
!Famli blong yu o klas naoia i sud gat wan pepa bot! Tekem sam minit blong toktok abaot ol taem we yumi evriwan i bin nidim daereksen blong God “smol long ples ia mo smol longwe.” Yu save raetem o droem wan samting long ol bot blong yufala blong tingabaot olgeta taem ia.
Taem laef i sakem ol niu samting long yu, no fogetem blong lukaotem revelesen we i kam long God. Tingbaot, bae Hem oltaem mekem rere wan wei blong yu mekem wanem we Hem i bin askem (luk long 1 Nifae 3:7).
Ol Instraksen
-
Holem pis pepa long en blong sotfala saed blong pepa antap. Foldem long haf, stat long en blong pepa kasem nara en.
-
Foldem long haf bakegen long lef i go long raet, afta open bakegen long ples we yu bin foldem.
-
Wetem kona we yu foldem antap, tekem top blong tufala kona ia mo foldem tufala i kam joen long laen long medel. Taem we bae yu foldem finis bae yu luk i olsem traengol wetem wan rektangol long en daon.
-
Tekem wansaed en blong rektangol daon ia mo foldem i go antap. Tanem i go narasaed mo ripitim wetem nara rektangol long narasaed.
-
Pulum blong openem pepa andanit blong i luk olsem wan hat.
-
Gohed blong pulum kasem tufala en i mit mo mekem i flat olsem sep blong wan daeman.
-
Wetem en we i open andanit, holem fas en blong pepa mo foldem i go antap long top blong daeman. Tanem narasaed mo ripitim semmak samting long narasaed. Bae yu luk i olsem wan traengol.
-
Pulum i openem en pat ia mo mekem i flat olsem we yu bin mekem long step 5 mo 6, i go long sep blong wan daeman.
-
Top blong daeman blong yu i sud gat tu traengol, wan long lef mo wan long raet. Putum tufala en ia i kamaot mo mekem i flat blong yu gat wan trapesod we i lukluk i go daon. Afta pusumaot ol saed blong helpem hem i stanap hemwan.