Go Stret long Poen

?Afta long Josef Smit, huia moa i bin luk ol buk we oli wokem long gol?

Meri Witma i bin luk ol buk we oli wokem long gol

Pikja droing i kam long Steve Nethercott

Afta long Josef Smit, 12 pipol ia oli bin luk ol buk we oli wokem long gol:

Olgeta Tri Witnes: Oliva Kaodri, Deved Witma, mo Martin Haris. Enjel Moronae i bin soem long olgeta ol buk we oli wokem long gol, i testifae long olgeta, mo komandem trifala blong serem witnes blong olgeta abaot buk ia.¹

Olgeta Eit Witnes: Kristian Witma, Jekob Witma, Pita Witma Junia, Jon Witma, Haeram Pej, Josef Smit Senia, Haeram Smit, Samuel H.Smit Josef Smit i soem long olgeta ol buk ia we oli wokem long gol mo letem olgeta oli holem.²

Meri Witma Enjel Moronae i bin soem long hem ol buk we oli wokem long gol mo kamfotem hem long ol hevi samting blong hem we hem i mas go tru long hem blong lukaotem eit pikinini mo tri haos ges taem Buk blong Momon oli bin stap transletem long hom blong hem.³

Josaea Stowell i bin luk smol kona blong ol buk ia we oli wokem wetem gol. Mo i bin gat nara fo we oli bin leftemap ol buk we oli wokem long gol taem i bin stap insaed long kontena o insaed long kaliko we oli kavremap gud: Lusi Mak Smit, Ema Smit, Wiliam Smit mo Katrin Smit c.⁴

I no gat wan long ol 17 pipol ia i giaman long wanem we oli bin luk mo eksperiens.

Ol Not

1. Luk long “Testemoni blong Olgeta Tri WitnesBuk blong Momon.

2. Luk long “Testemoni blong Olgeta Eit Witnes,” Buk blong Momon.

3. Luk long Saints, vol. 1, The Standard of Truth, 1815–1846 [2018], 70–71.

4. Luk long Church History Topics, “Witnesses of the Book of Mormon,” ChurchofJesusChrist.org/study/ history/topics; mo tu long witnessesofthebookofmormon.org/witnesses-of-the-plates.