“Mi nidim advaes blong planem ol aktiviti blong ol yut. ?Wanem sam gudfala tingting?,” Blong Ol Yut Oli Kam Strong, Jenuware 2024.”
Ol Kwestin mo Ol Ansa
“Mi nidim advaes blong planem ol aktiviti blong ol yut. ?Wanem samfala gudfala tingting?
Tekem Pat mo Plan Tugeta
“Mifala i tekem pat evri wik blong planem ol aktiviti. Hemia i mekem wan i no wari tumas, mo mifala kasem plante kaen tingting. Gat wan aktiviti we yufala evriwan i planem tugeta i help tu plante. Mifala i laekem blong plei ol gem, laflaf tugeta, mo givim seves.”
Adelynne S., 17, Utah, USA
Tekem Ol Narafala Man i kam long Sevya
“Askem ol memba blong klas o kworom blong yu abaot wanem nao oli laekem blong mekem. Pikimap ol aktiviti we bae i tekem ol yut oli kam tugeta moa kolosap long Sevya, mo gat wan gud taem tugeta! Ol seves aktiviti oli oltaem sam long ol fevret samting blong mi. Mi oltaem mekem ol niu fren!”
Katie G., 18, Washington, USA
Traem blong Gat Evriwan
“Ol aktiviti we evriwan i save pat long hem i save mekem ol narawan oli filim moa welkam. Askem grup blong yu wanem samting nao oli laekem blong mekem o nara samting we oli gat wan gud taem wetem bae i help plante.”
Lily D., 13, Arizona, USA
Tri Kwestin
“Klas blong mi plante taem oli planem ol aktiviti folem tri kwestin : ?Wanem nao yumi nidim blong kam antap gud long hem? ?Hu nao yumi nid blong sapotem? ?Hem i taem blong wan aktiviti we bae tekem smol taem mo eneji bitim ol narafala aktiviti? Wetem ol tingting ia long maen, prea, tingting hevi mo kaonsel tugeta. !Yu save mekem hemia!”
Isabella R., 14, Oregon, USA
Foto frem long Saed blong Spirit
“Bae yu nidim sam magasin blong Jos blong yu save katemaot ol pikja long saed blong spirit o ol mesej we oli givim insperesen long yu. Afta, putum wanem we yu katemaot insaed long wan foto frem folem wan arenjmen blong yuwan. Yu save putum long wanples we yu save luk.”
Florence M., 14, British Columbia, Canada