Ne Ke Na Kuht Sifilpac Ohsun

Sel Prestuhn Thomas S. Monson

Lwelah kuht in ahkkahlwemye kuhlwacng yohk nuh sin sie sin sie, ac lwelah kuht in kwacna sukokyak oruh orekma luhn Leum.

Tamuhlwel ac tahmtahel wiyuck, insiyuhk sesseslah ke kuht kaliyac toeni luhlahp wolacna se inge luhn Alu uh. Kuht kihteyuck in nguhn ke kuht lohng kahs in kahsruh ac kahs in luhlahlfongi lalos suc wi oruh kais sie toeni uh.

Kuht ahkinsewowoyeyuck in toeni ke Conference Center wolacna ke mihs ac ohiyac wo. Arulacna wo sulkackihnyacn toeni uh, osrwaclihk muhtuhntacl nuh yurun mwet fin acn nuhkwewa. Finne kuht loesuhllah liki kowos, kuht puhlakihn nguhn lowos an.

Nuh sin Mwet Lili suc fihliyucklac ke toeni se inge, nga ke ahkkahlwemye kuloh yohk luhn Alu uh nohfohn nuh suwos ke lusen yac ma kowos insacnweacng in kuhlwacnsap. Mwet pucspucs ahkinsewowoyeyuck ke mwe sang lowos nuh ke orekma luhn Leum.

Nga ahkkahlwemye kuloh nuh sin Tabernacle Choir ac nuh sin choir sahyac ma wi ke toeni se inge. On ah kahto ac sang ahkyohkye Nguhn ma kuht puhlakihn ke kais sie toeni ah.

Nga fahk kuloh nuh suwos ke pruhe lowos keik ac ke mwet nuh kwewa ke General Authority ac mwet ke office luhlahp luhn Alu uh. Kuht ahkkweyeyuck ke pruhe an.

Lwelah mwe insewowo inkuhsrao in wi kowos. Lwelah lohm suwohs an in sesseslah ke luhngse ac suhnak ac ke Nguhn luhn Leum. Lwelah kowos in kwacna ahkkweye kahs in luhlahlfongi lowos ke wosasuc, tuh in fah sie mwe karuhnguhnwacng nuh suwos in lain sringihlyuck luhn mwet lokoalok.

Toeni uh ingena sahflah. Ke kuht fohlohk nuh lohm sesr an, lwelah kuht in oruh in wo ohiyac. Lwelah Nguhn ma kuht puhlakihn inge in wi kuht ke kuht som oruh ma kuht kahfofo kac ke kais sie lwen. Lwelah kuht in ahkkahlwemye kuhlwacng yohk nuh sin sie sin sie, ac lwelah kuht in kwacna sukokyak oruh orekma luhn Leum.

Tamuhlwel ac tahmtahel wiyuck, lwelah God Elan ahkinsewowoye kowos. Lwelah mislac uliyuck Lal in wi kowos ingena ac ke pacl nuh kwewa. Nga wihlkacs nuh suwos ne ke na kuht sifilpac ohsun ke mahlwem ohnkohsr fahsruh uh. Ke inen Mwet Lahngo lasr, finne Jisus Kraist suc Leum, amen.