Ripote ni Tabacakacaka ni Dikevifika ni Lotu, 2014
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Me vaka e dusimaki mai na ivakatakila ena ika 120 ni wase ni Vunau kei na Veiyalayalati, na Matabose ni Vakayagataki iKatini—ka lewena na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa—ena vakadonuya na kena vakayagataki na ilavo ni Lotu. Na veitabana ni Lotu era dau vakayagataka na ilavo sa vakadonui mai na ilavo vakarautaki ka sala vata kei na lawatu kei na kena ivakarau.
Na Tabacakacaka ni Dikevifika ni Lotu, ka ra lewena na kenadau vakaivola ka sa tu vakataki koya mai na tabacakacaka kece tale eso ni Lotu, e sa lesi me qarava na dikevifika ena inaki ni kena vakarautaki na veivakadeitaki matau me baleta na veicau e ciqomi, na vakayagataki lavo e vakayacori, kei na taqomaki ni iyau taukeni ni Lotu.
Ni yavutaki mai na dikevifika sa ra vakayacori, e sa nanuma na Tabacakacaka ni Dikevifika ni Lotu ni, ena iwalewale taucoko ni qaravitavi, veicau e ciqomi, na vakayagataki lavo e vakayacori, kei na iyau taukeni ni Lotu ena yabaki 2014 era sa volaitukutukutaki ka tutaki ena iwalewale e veiganiti kaya na ilavo vakarautaki, lawatu, kei na ivakarau ni lewa matau e vakadonuya na Lotu. Na Lotu e vakamuria na ivakarau e vakatavulici kivei ira na lewena me baleta na bula voli ena loma ni ilavo vakarautaki, levei ni dinau, kei na maroroi ilavo me sotava na gauna ni leqa.
Soli yani ena vakarokoroko,
Tabacakacaka ni Dikevifika ni Lotu
Kevin R. Jergensen
Manidia Dairekita