Diyin God lá Ooł’ół
Eldir M. Russell Ballard Áyiilaa
Naakits’áadah Yilt’áo Bá Naazíidoo
Bee náhaz’ą́nii dóó bee aha’diist’ą́ ilį́ biláaho t’áada’áanii dóó nda’nitin Zion Tsinaa’ééł Są́ni bii’ hólǫ́, éí Diyin God lá ooł’ół.
Hóhoot’éédą́ą́’ Ghąąjį’ bii’ áłah siidlį́į’go, Da’íists’ą’ígíí Brigham Young shą́ą́’ Zion Tsinaa’ééł Sąni t’áá bii’ nahísootą́, jo’éí Jesus Christ Iił-káajį’ Dabóodla bíSodizin Bá Hooghan, t’áá áłah yilá bee yinóhtą’.1 Áádoo kóji’, yaa akóniizį̨’ii eíí shighandóó ła’ dóó dine’é deidiizts’ą́’ii dóó díí yindáshidééłkid: “ Ha’íish Zion Tsinaa’ééł Są́ni biyi’go eíí ts’ída deiyíniitą́’ doo?” Shí Naat’áanii Brigham Young ninę́ę bee biyííłnii’: “Nihí Zion Tsinaa’ééł Są́ni bii’ dah naheetą́. ... [Diyin God] lá Ooł’ół dóó dóo adadóógaał da. ... Bí bik’égo, kójigo, áajoo ní. Diné ts’ída Diyin God yá da’olíigo, bi’ahádiistą́ índa dabiDiyin God doo yits’ákaah da, Bí yá’at’ééh góne’ nihwoo’ísh.”2
T’áá íishjąní, nihiZhe’é Diyinii dóó Átaa’ Jesus Christ yee’ Zion Tsinaa’ééł Są́ni yiih yiilá eehózin dóó hool’áo t’áa’aanii dóo ndantł’ágoo eíí nihe’íina’ bich’į’ tó naadadiidáah ndi yii’ yi’ół. Kwǫ́ǫ́ t’áa dikwihí yee’.
Jesus Christ biNahagha’ t’áá nléídą́ą́’ bá yadaałti’í dóó bá naazíi dayééłyeed. Ats’íís yinahjį’ dóó t’áá da’doosíih ndi, Átaa’ bá ndaalnishíí baa hástł’adiikáh dayóo’į́įgo yee nihiká adahájeehígíí eíí ts’ída nihii’sizį́į deidoołchǫ́ǫ́ł dóó nihits’íís táadoo haadeinehí są́ biih hidiikáhgo, yá’ąąsh, biká iit’į́įdi nihidiikáh.
40jį’ shił yikáh konighą́noo bił ndáashnishgo, t’áá shi yiiłtsą́ t’áa’ałah ii’sizį́į yee ajeeyí’aah dóó yit’į́ alyaií bá yadaałti’í dóó bá naazį́į, dóó łahgóó á dah naazdáii, dóó ał’ąągóó yaa’ádahalyą́nii yee ch’ídaalnish. T’óó diné danilį́ akó dóo hadadiłt’áo, díí hastoi dóó sáanii t’áa’ awółibee Átaa’ binaanish adadoołííł ninéé alą́ąjį’ yideiyílniish.
Dóó éí bee’oosíih lágo: Átaa’ bá yadaałti’í dóó bá naazį́į yinahjį’ biNahagha’ yiyóołwoł. Díigi at’áo nléídę́ę́’ binaanish áyiilaa. Akot’áo, Yisda’iinííł na’eeztą́ą́’, “Ts’ída, ts’ída, Ánhidishní, t’áá háiida baa nił’a’go yáhooł’a’ii Shí shá hooł’a’.”3 Nihí Christ índa bá nidáal’a’ t’áa ałts’-éii’nilí. Atsé bá naazį́į t’áageed, t’óó’ahayóí yina’neestą́ą́’, Yí naashnish, Gethsemanegi t’i’-hooznii’, dóó tsin ałnáosdzohgi daaztsą́, dayiiłtsąǫ ndayiizoh dóo nihee dahólǫ́ǫ. T’áa dayiiłtsą́ą-goo, bá naazį́į t’áa tse’ą́ą́n dóo sitį́į́goo dóó Naadiidza’ niheeh hazlį́į’ da nt’ę́ę́’.
Bí íídą́ą́ Ałtsé Bá naazį́į ayidííniid:
“Eíí bąą akwǫ́ǫ́ wohkah, dóó ał’ąą dine’é ndanóhtin, aZhe’é, dóó aYe’, dóó Diyin Ii’siź̨į bizhí’ binahjį’ tó bee ndahosį́į́h:
“Shí doole’é t’áa ałtsoni bee ndanóhtin nihidííniidę́ę́ yik’é dahoł’į́.”4
Nihił yoołkááł bii’ díí bee háá’oodzíi’go Ataa’ yee Joseph Smith yiyíízhi’ígíí Nahagha’ nineiit’ą́, Bá naazį́į dayíísį́į’go bá hane’ t’áałahidi yaa náádaho’níilne’ áadoo Bí nidoodááł.
Ał’ą́ą́ dine’é nléídę́ę́’ bá yadaałti’í dóó bá naazį́į yikéé’ dah didookáh bá ndantł’á, ndi ts’ída ahwiidzaago t’éiyá Nina’ídlahíí ałtso bik’i’didiitį́į́ł dóó Jesus Christ binda’niyin dóó bibee ádziil be’ak’ihójidlíi ałtso nihaa dahídoo’niłgo eíí Bí dayíizhi’ígíí baa dahidit’ááh.
Diné t’óó ahayóí Nahagha’ yilą́ąjį’ naazį́nii dóó yihidiikaií k’asdą́ą́’ hadaałt’é danízin. Yaa dayóonahíí eíí Átaa’ be’ájooba’ yinahjį’ diné Bínaanish yee yidaneel’ą́. Nihá alą́ąjį’ naazį́nii ya’ at’éhii adeił’į́, ndi łahda nída’iilziih. Díí dóo Nahagha’jí t’éí akót’ée da, t’áá akóhoonííł nihik’is, dah hooghangóó, dóó bił k’é dabinii’níí, dóó bił nideilnishíí bitahgóó dóó azhą́ ałheskaií dóó dahooghangóó.
Háiishį́į́ dóo yich’į’ ha’olniníí t’áá bee dahoziní. Akóndi, nihí ts’ída bee íilziih t’áá haishį́į́ bee bich’į’ anáhoot’i’ haiígal dóó Diyin God nayiizla’ígíí bila’ yee yilnishíí áadoo yiiltsą́ǫ.
Átaa’ hait’áo dayiisį́’ígíí yidaneedlį́nii niil’į́ dóó Hait’a’o dabóodlą́nii ayóó łah deiil’e’ dóó bits’ii yee doole’é ayóí’ at’eií adeił’ǫ́ǫ eíí nihí Jesus Christ bá hane’ bee deiyíniitą́ dóó Zion Tsinaa’ééł Są́ni bii’ dah naheetą́.
Naaki lá yisdaa’iideeh binahast’ą́ bina’nitin t’áá’aanii at’é. Bá yałtiłí Joseph Smith yinahjį’, Diyin God Mormon biNaaltsoos, Na’nitin dóó Aha’diist’a yeininil, dóó t’óó ahayóí Nahagha’ bina’nitin yíyiinil. Díí Yisdaa’iildééh binahast’ą́ bee hóozin, jo’éí niidzaadę́ę́’ bee bééhozin, nihokáá’ ha’ii biká iidzáh, dóó adin yiidléehgo haagóó dah diidááh. Nahast’ą́ ałdó’ binahjį’, ahool’á niil’į́įgo eíí nihii’naazį́į Diyin God yá’áłchiní danilį́. NihiZe’é Diyin nilį́įgo bik’i’diidiitą́ dóó hait’áo bee hóniilzin dóó BiYé’ Ayóó ayó’nii, Jesus Christ, nihiBíbee nahaz’áanii deidiiltsół dóó Bíł ahada’didiit’ááłgo eíí hool’áo Bíł dahoniidlǫ́ yiká yaa nánihidoo’ísh.
T’áá awéé’ ła’ yichííh ndiishtéeh, baa nitsídiiskos: “Haísh ant’į́, anił ts’íisii? Christ Nina’ídlá binahjį’ ha’íísh diideeł?”
Nihí ayóó’ii’nii ła’ nihą́ą́h adį́įgo nina’idíilkidgo siidáa łih: Háadiísh naakai? Ha’íísh dayoo’į́ dóó yaa naakai? Náás’ shish iiná? Ts’ída bił ahéé dahóniilzin anáheeskaií ii’naazį́į bikéyah ha’íísh bindaanish doo?”
Eíí kéyah bii’, nihighadóó naaki nihitsóí áadi, Sara Dóó Emily, dóó Nathan, nihitsóí. T’áá ła’ nihą́ą́h adįįh, nihíghadóó hane’ t’áá da’áaninii nihíla’ t’áá’ałah bee deiyíniitą́. Nihí na’ídikid Yisda’iinííł Nina’ídla binahjį’ chána daniidlį́ dóó behódoolnííł yit’ą́. T’áá’ akondi bidah hwiil-yááh, dahinánii beehózin, dóó nináá deidiiltsééł. Díí diyin k’ehgo ak’i’diitą́ ayóó baa ahééh hasin índa t’áá hwí dóó hooghaií bich’į’ hodii’áahgo.
Naaná ła’ Nahagha’ bii’ t’áá’aanii at’éii eíí aZhe’é Diyiníí lá Adam dóó Eve ayóó at’éii iidoolííł yiniiyé ayiiláa. Díí Be’doołííł—dóó, díí naa’ałdó’, niha’ áłchiní hódoolééł—Diyin God ba’áłchiní t’ah ii’sizį́į dan lį́į nihokáa’gi bits’íís dahodóóleeł biniiyé. Díi ahoonííł bee, aZhe’é Diyinii ba’áłchiní ii’sizį́į nohokáa’jį’ iyíis’a’ íhwiidooł’ááł dóó dinóoseeł ni’gi hináo. Ba’áłchiní Áyoó’ayó’ní biniinaa, Diyin God diyingo bá nidaal’a’ dóó Bá naazį́į yee’ Jesus Christ ts’ída Yis-da’iiniił nilį́nii yee ndábinitin.
Neeznadii ałkéé’ ndáakai, bá yadaałti’í bąąh ndaasya’íí ał’ąą dine’é náásdi ntsidáhodoodíł yił ch’ídeiz’ą́. Átaa’ bá naazį́į bąąh naazláhii ha’alzííd, yíiyá, dóó iiná yinda’ídiłkidíí yee yił ńda-halne.
Naadiin náakaidą́ą́’, Ałtsé Naat’áanii dóó Naakits’áadah yilt’ó bá naazį́į hadeiz’áh “Hooghadóó: Nihokáá’goo bich’į’ bee ha’óódzii’.” Eíí hane’ diyiníí bii’, nihí bee ałch’į’ kódeilyaa: “Nihí iłtólí be’aha’deet’ą́ t’áá k’izhniti’íí eíí yííyá, éí achooní índa a’áłchiní atííł’į́į, doodáii’ éí hooghan t’óó yits’ą́ą́’ dah diiyaií lá honáasdi Diyin God bich’į’ bee ádaa hozhdoolní. Naa’ałdó’, ła’ hajiijéé’ ałtso ałtsá’iisdee’go biniinaa t’ááła’i jinizį́, kid hadaas’áo, dóó dadine’é bitahgóó ałk’i’dą́ą́’ dóó diijį́ bá yadaałti’í náásdi hahodóóchxǫǫł daaní.”5
Bá nisiizǫ́ǫ, nihí díishjį́į́di baa yííyá naadánii’ní. T’áá shǫǫ bénałniihíí eíí bibee nahaźą́ dóó be’a-ha’deet’ą́ aláadi ilį́ bit’áa’aanii dóó biná’nitin Zion Tsinaa’eeł Są́ní bii’ dahólǫ́, áadi Diyin God ooł’ół.
Naaná ła’ na’nitin agháago eíí Damǫ́ǫ bijį́ dadíniilzin ga’ bąąh dah shiijéé’. Díí nihokáá’ bichį́ dóo nihąąh da, binahjį’ haneiilyį́, dóó binahjį’ t’áá Damǫ́ǫ bik’éh nihíZhe’é dóó biYe’ bá hodi-níilzingo nihii’sizį́į hanalyį́.6 Damǫ́ǫ baa nihił hozhǫ́ǫ, éí ayóó’iinii’níi bee béého-zin.7
Áko Damǫ́ǫ baa nihił hózhǫ́ bee akódoonííłgo, nihí áadi nihá naazį́į dóó Nahagha’ yihidóóhkaii béé daałniihíí eíí Átaa’ damǫ́ǫgo bił yah ajiháh dóó ts’ída bikétłool dóó Bí na’nitin bee ńdaz’-nitin. Damǫ́ǫ be’o’oo’į́įł yilzį́įhígíí bee Yisda’iiniił ayóó’ii’nǫ́ǫ be’aha’deet’ą́ dóó íishjį’ anii aneiil’į́į́h dóó Yisda’ííniił ayóó’ii’ní anii’iil’į́į́h dóó ti’ooznii’íí benéiilniih dóó nina’ídaií.
Díí t’áá ninádizi’ t’áa iidą́ni dóó t’áa’aanii baa hane’go ts’ída ii’sizį́į bee hodílzin bee ałhíneiikah. Díí ałhííkahgo baa ahééh niizin, ayóó’íi’ni, dóó háiiniláii aZhe’é Diyinii, Jesus Christ, bee hadzidzí dóó hane’ ninalyá dóó whí jizį́į́doo bik’izh’diitą́nii. T’áa iidą́ni dóó t’áa’aa-nii baa ałhíikai góne’ bee chána niidlį́į ch’ídiit’ááł dóó nihił t’áá aanínii. Ágohgo dóo dine bich’į’ hadzidzí da.
Áłchiní yazhí éí Primary góne’ háiit’áo al’į́į yidahooł’ááh dóó hooghadí bizhe’é ída bimá yił ałhinéiikahgi nléí táá’aanii baa hane’ bił béé dahoozinjį’.
T’áa’anii Damǫ́ǫ aláago baa nihił hózhǫ́ éiyá Átaa’ biNahagha’ bá dayiyéełyeed yichííni’ą́ǫ. bishib bił ahinóohkahíí dikwiishį́į́ dimǫ́ǫ hadzíihgo sin dóó baa yádadootihíí ałkéé’ ninádaahnił.
Táa’ániit’é Damǫ́ǫgo Átaa’ ayóó’ii’níi’nǫǫ nihighą́ii dóó bíkingi nihik’ídajodlį́. Niha’ áłchiní Ataa’ bina’nítin bee ndántingo, dabinííłnááh dóó bi’Íi’sizį́į yik’éh dandiikáh. Nihí t’áa Damǫ́ǫ néiikaah bááh índa tó yil zį́’ígíí Átaa’ be’ayí’sizį́į diniidzį́įł. Dóo ałtso, ánii dóó są́ danlį́į́, be’ayí’ sizį́į́ bihéél aszólí dóó chána abidoolíiłígíí eíí aZhe’é dóó Átaa’ Jesus Christ dimǫ́ǫgo yidóhsiníí yee náiidiilééh.
T’áa shǫǫ, Christ ahą́ąnoo naaghá, shiká i’doowół bee sodíilzį́įhgo yee nihiká iilwó’ dóó asdziih nahjį’ kwiil’į́įh dóó baa yiidááh.
K’ad, Díí ałch’į́įdoo t’áa’aanii niil’į́įgo eíí Zion Tsinaa’eeł Są́ní bii’ hólǫ́, T’áa ii’nahéétą́ dóó eíí bee déilniih, dii ááłha’ní, tsinaa’eeł bee na’ádah, dóó bee na’ádahígíí bee jideeyáajį’ jigháág.
Nihí tsinaa’eeł bee hane’ ałtso bibéé ak’idahojidlį́ baa nihíł doo’oł, yá’ąąsh bił haz’ą́ądi, atsídi haz’ą́ǫ, dóó Diyin God bighan góne’!
Diyin God binahát’a’ niilyá. Bí ooł’oł, dóó bitsinaa’eeł ayóó’at’éii dóó bidzíilgo yisdaa’iildééh dóó ha’diłt’é yiidléiijoo yi’oł. Bénałniihígíí eíí tsinaa’eeł biyi’dę́ę́’ adáh yajiiltáalgo éí dóo bííghah da dóó dóo t’áa hwi baazh’doołk’ǫ́ǫł da.
Díí nihíts’íís náasdi hadiłt’é dooleełíí biká naadzá, dóó Jesus Christ bahane’ dóó t’áágééd áadi jidoogáał da: Nina’ídlá, be’ída’ool’įįł, dóó na’nitin dóó ałtsé woodlą́ąh bee oodááł eíí Nahagha’ bii’ dahólǫ́.
Nahagha’ góne’ Diyin God binaanish bóhoo’ááh dóó Átaa’ Jesus Christ be’ájooba yiidlą́ąhgo eíí bee yisdáhooti’. Nahagha’ góne’ eíí haghandóó hool’áo jookahíí baa azh’dit’áah dóó aha’diist’ą́ adajiił’į́įhgo eíí bee ha’diłt’éejį’ ch’í’jiikah. Nahagha’ eíí bee’ádziil bitse’ígíí binahjį’ ats’íís yich’į’ nahwiił’nánii bii’ hajiká.
Zion Tsinaa’eeł Są́ní nizhǫnii ayóó baa’ ahééh niizin, t’áagéedgo t’óó danéii’eeł, t’áasahí dóó dóó nihitsé’goo, ooł’ołíí índa tó biih yi’áii adíngo, ch’įįdii t’óó biníyol dóó tó néiidiilááh nihíł naanáyooł báł.
Yéégo yinóhtą’, shik’is dóó shilá nóhlį́į, dóó tsinaa’eeł náás nihił yi’oł, Jesus Christ biNahagha’ Íił-kaahdi Dabóodlą́ǫ, dóó ahool’á baa diikáh. Díí shił t’ááaanii dóó Bí binahjį’ Zion Tsinaa’eeł Są́ní yeeji’íí bee t’áá’anółtso nihá sodiszin, azhą́ nihiTaa’ dóó Yisda’iinííł, Jesus Christ, bizhi bee, áamin.