9:59

Bi’ Dilni T’áa Akot’áo Diits’į́į́h

Eldir Gregory A. Schwitzer Áyiilaa

Tsosts’ídiindóó

Nihokáá’gi Christ bá nida’nitin’ígíí bahane’ t’áa’akot’éego dóó bijéídę́ę́’ yaa dahalne’íí bidin hoyéé’.

Shich’ooní dóó shi shį́į́dą́ą́’ díí nihitsóóke yazhí naakigo bił naheetą́ą nt’ę́ę́’, iidą́ą́’ biniseií ha’a’ááhdę́ę́’ daninánee áłchiní sodizin báhooghandóó yił ádayiilaa. Nihe’awéé’ be’ashiiké dóo hooghagi sikéé da ndi yilá bee béé’dilchi’ eíí yee niná’nęęh doo. Nihe’awéé’ be’ashiiké nihighagi t’óó yéiidiyooní nihwo’ní. Łah ałni’ni’ą́ągo shitsóí, 13-bi-naahaií, Andrew, bitsį́į́doo dah sedá, dóó yisinists’ą́ą́’.

Díí ashkii ayóó biineií dóó tł’óo’di t’éí bił yá’ahoot’ééh. T’óó naalzhee dóó łóó’ hayiilééh t’éí yaa naagháago bee’i’doo’ááł. Iidą́ą́ yee naanéego, tó ahánigoo ła’ nilį́ndi łóó’ hahashłééh shį́į́ nizin. T’áá na’nile’dii yee naanéego yisinists’ą́ą́’. T’áá yidadilchidíí aheełt’éego dadiits’a’ dóó t’áá ał’ą́ą́ anatįįhí, dóo bik’izhdootį́įł at’ée da. Shi bitsį́įdoo dah sedáo dóó ts’ída ał’ą́ą́’ at’áo binidadilchi’ bidishní dóó t’áadoo ahííłgha bee naninéhi. Dóo alílee binahjį’ há ał’ą́ą ayoolííł baa yéelti’. Éí t’áá nihinée’ dóó nanihíiłnaií dóó bee nizhǫ́nigo bits’ánt’i’ígíí bee ahił hwiilne’. T’áá dine’é yałti’ dóó t’áa nintł’aií saa yee yáti’, akó ts’ída nizhǫ́nigo ałkéé’ bee na’ané.

T’áá yeenítah bik’eh t’óó baa’ anéiidloh. Biniitsį’ biih hooltsáa’gi ąąkwéeniił sin t’áa akot’áo dii-tsa’ yiléełgo nihwodą́ą́’ éí t’óó baa hadzídgo diitsa’. Bá hane’íi t’áa iishją́ni silį́į́’: “Shi God be’a-wéé’ nishlį́, dóó kojį’ ashííł’a’.”¹ Andrew éí hane’ łáhgo at’áo diitsa’íísh nił bééhozin bidishní. Koníila, “Aóó’, Shimásąni, Baa’akonísin!”

Paul bá sizį́į dilni bee nida’ánehígíí t’áa ałch’į’ yájilti’ gi’at’é níigo Corinthian dine’é yich’į’ i’-íilaa:

“Dóó doole’é azhą́ dóo dahináa da ndi, tsin índa ats’id bee ályaií, t’áa’at’é áł’ąą’ at’éego dadíi-tsa’, háiit’áosh tsin índa ats’id diitsa’íí bee bééhozin doolééł?

“Dilni dóo ako t’éegoo diits’į́įhgo ga’, háii ałk’ijiijééh yiba’ hasht’e’ ádidoolnį́į́ł?”²

Christ bá naazį́nii dííshjį́įdi ni’ bikáa’goo bidinhóyée’ éí bahane’ t’áa akot’áo yaa dahalne’ dóó bijéí tł’áahdę́’ii, yee’ k’ad. Nihí dilni t’áa akot’áo diitsa’ígíí daníidzin.

Christ yee’ nihínaał yee yiizį́. Bí t’áa nilyési t’áa akot’éhígíí yá ałahjį’ néiidzįįh. Bízaa dikwíí-shį́į́ neeznádiin naakaidę́ę́’ yee nihííłnííh hwoshdę́ę́’ Diyin God ayóó’adeinóh’ní dóó ał’ą́ą́ dine’é, Diyin God bibee nahaz’ą́ ałtso dadíniilzin, dóó ni’ bikáa’ adinídiin bá daníidlį́. Bí iidą́ą́’ ni’ bikáa’ dabidzíílii índa báá dahadzídii t’áa yináldzidí yik’ijį’ hahaasdzíí’, azhą́ biZhe’é Diyiníí naanish beidini’ą́nii yik’ijį’ yádaałti’ ndi. Bízaa dóo ił hodóółąął biniiyée da ndi dine’é bijéí yidíyooł’nááł biká. Bí yee’ BíZhe’é yinizínii ałtso yee haadzíí’ dóó ayiilaií bił bééhozin.

Peter ádzáii ałdó’ ayóó ii’nish’ní, éí ni’ bikáa’ t’áa nilyési dine’é yich’į’ yiizį́’ dóó Atis adéesdzá bijį́ yit’į́ áyiilaa. Eíí bijį́į góne’ t’óó ahayóí kédaayahdę́ę́’ dine’é ałhíikaigo iidą́ą́’ da’oodlą́ni azaa ał’ą́ą at’áo yee yádaalti’go deidiiztsą́ą́’ dóó bił dahonéezdoh danízingo yąąh nidayiiłhááł. Peter, Áyi’sizį́į bii’ hwóóle’, yiizį́’go Nahagha’ dóó idiikaií yichijí haadzíí’. Bí díí t’áa’aaníí bizáadgo: “Judah bídine’é nóhłį́į, dóó t’áa’anóht’e eíí Jerusalemgi kééhot’į́į́, díí bą́ą nihił ééhozįįh, dóó shizaad deisíńołts’ą́ą́’.”³

Bí áádoo God bizaad bii’ Christ bee báá dahóone’ígíí yee haadzíí’ dóó díí t’áa’aaníí k’ehaz-dóngo haadzíí’: “Díí bąą Israel bighadóó t’áa’at’é ts’ída bił bééhoozįįh, God eíí áyiilaa eíí Jesus nilį́į, nihí éí bił ada’sółkaal, t’áa ałah Átaa’ dóó Christ nilį́.”⁴

Łą́ǫ bizaa deidiizts’ą́ą́’, dóó Ii’sizį́į bii’ dahóole’, dóó 3,000 iidą́ą́’ Nahagha’ yidííkai. Díí bee’éé-hoziníí eíí hastįį índa asdzą́ą, éí ni’ bikáa’ dine’é t’óó t’ą́ąjoonáákah ndi t’áa’aanínii yee nidéii-nitíngo, ga’ be’íina’ łáhgo ándayiil’įįh.

Nihí Diyin God bina’nitin dóó BiNahagha’ bá yidíídzįįł dóó t’áa’aanínii bidzíilgo bee yéilti’go, nihíyi’di łáhgo át’įįh. Nihí beníilnin yiidééł. Nihí be’Ii’sizį́į bich’į’go yiidááł. Bí aadóó nihítsijį’ yigáałdoo “[nihí] nish’áájí dóó [nihí] nishtł’ájí dóó [Be’] Ii’sizį́į shį́į́ [nihí] jéí yii’di dahólǫ́, dóó [Bá] bidáahdę́ę́’ nidaal’a’íí [nihí] náakahgo, chána [ádan] hwósin.”⁵

Christ t’áa’aaníí bá naazį́į daats’í bina’nitin dóo akót’é daaníi da, dóoni’ éí ni’ bikáa’ akót’áo nitséhakées da. Paul bá sizį́į yéego naashnish, t’áa nilyési eíí “Christ bahane’ dóo baa yásizín da” ní: éí t’áa’ániit’é God be’ádziil bee yisdáádiidááł biniiyé alyaií eíí deiiniidlą́.”⁶ Átaa’ t’áa’aaníí bá naazį́į dóo bá ła dahóót’ée da. T’áa’aaníí bá naazį́į dine’é bijéí ha’olní adéiile’, dóo t’óó yáah danízin da.

T’áá Christ bá yiidzį́įhí dóo bá hoo’áah da dóó dóo bił adáaníi da. Shi eíí Paul akodzáa nisin nléí anant’a’í Ágrippa yidáádę́ę́’ nibi’deedlóoz dóó ha’íí bik’éh íinidzaa dóó adáa nahólne’. Paul t’áa niltési, yoodlą́nii bidzíilgo yaa hóólne’ígíí eíí díí anant’a’í báá hadzidíí “k’asdą́ą́’” oodlą́ní selį́į́’ niilá.

Paul t’áa’aaníí yaa hóóne’íí dine’é yee ak’ida’didootį́į́ł bí ha’íí ts’ída ááyiłní. Bí anant’a’í Agrippa yił ch’ííni’ą́nii eíí bí éí yá yinízinii eíí ałtso dabidiizts’ą́’ii dóo “t’óó kasdą́ą́’” oodlą́ni selį́į́’, ndi “t’áa’at’é” yee’ Christ yá ndáazį́ dadoolééł nízin.⁷ Háiida díí bééhozínígo yaa halne’íí binahjį’ akóhodoonííł.

Mormon,⁸ shí t’áa nléídę́ę́’ kin nitsáa dóó łą́ągo bii’ nahaz’ą́ą góne’ ts’ída ak’ijį’ danlį́į kéedahat’į́ nísin. Dine’é kin yii’ ha’déezbin, da’oodlą́nii béésh ni’áo dayótą’ígíí yaadáadloh dóó yich’į’ dah dadilní, jo’éí Diyin God bizaad áah yił ní, dóó iiná bitsin t’áa yaa héekai, jo’éí Diyin God be’ayóó’o’ní áah yił ní. Ła’éí dine’é bąąh nidayiiłhaalíí bił dahodíiłk’ąąh dóó ats’á hakááh. Ła’ éiyá kin yii’dę́ę́’ ąąh nidayiiłhaalíí t’óó yihidiikááh. Dooísh ni’ bikáa’doo ak’ijį’ yádaałti’íí

Shí ni’ bikáa’goo Diyin God yits’ą́ąjoo yikáhígíí nesh’į́, Shí éí bikin kee’ąą nootsééł níson. T’óó ahojiyóí éí bikin nitsáa dóó łą́ągo bii’ nahaz’ą́nii t’áa hwoł béédahóziní bii’ ndajíkai, bii’ baa na’aldééhígíí baa hahóokai. Łahda bideinił’ááh dóó saad ideiłį’nígíí yee azádahoni’a’. nihí yee áádaadloh dóó yee ak’ijį’ yádaałti’íí yił da’áhiiltsó’.

Lą’í shinááhai da’oodlą́ni hait’áo dahinánígíí yee yaa dáadloh nísingo, ndi dííjį́ bikin yii’dę́ę́’ biinee’ łahgo at’é dóó ada’ał’į́. Áá daadlohígíí hane’ yá’at’e’ehii t’óó ayóó yaa dáadlohgo Nahagha bikéé’ nahane’ inda bá yádaałti’í índa alą́ąjį’ naazį́į yá ndayíízees. Aadóó Diyin God ts’ída bina’nitin dóó bibee nahza’ą́ yéhaakáh, éí hodeeyáadę́ę́’ ádayiiláayę́ę. Nihí Jesus Christ bikéé’ yiikáh dóó Bí Nahagha’ bidííkai, Béésh ni’áhigii ts’ída bidadóóhchiid. Nihí yeel ts’ída t’áa akot’áo dilni diits’į́į́h.

Hane’ dóo nanitł’aiígíí eíí Diyin God éiyá nihíZhe’é diyiníí dóó Jesus Christ biYe’ nilį́į yee’ ayóó anihó’ní. Bá hane’ dííshjį́įdi bá yádaałti’í yinahjį’ ninéiidláh, dóó Mormon biNaaltsoos yee’ bee ééhózin. Háhooghandóó haajéé’ nihíZhe’é Diyiníí háidiilaa dóó íishją́ áyiilaa yinahjį́ bił dahódoozhǫ́ǫł, Díí hane’ eíí t’óó ahayóí yaa akódanizin, T’áhdoo dabi’dichí hę́ędę́ę́’ deidiizts’ą́’ígíí biniinaa.

Éí ga’ baa’íkid, Niił-kaahjį’ Da’íiniidlą́nii, deidoosį́į́ł dóó t’áa’aaníí bee yáłti’. Ni’ bikáa’goo bee háhoo’aií biláago t’áa akót’áo hane’ baa dahółné beiniłką́nii Bí hiná! Bá hane’ ninályá, dóó ił hózhǫ́ dóó ił hóozyeel be’ak’ihojídlį́ Bí bee nahaz’ą dóó bikéé yiikáhgo t’áh dahinii’náo nihaa dadóólyeeł. Díí t’áa’aaníí Jesus Christ bizhí’ binahjį’ akódoonííł. Áámen.