Diyin God Bizaad Baa Hózhǫ́

Eldir Francisco J. Viñas Áyiilaa

Tsosts’idiindóó

Diyin God bizaad baa hózhǫ́ binahjį’ nihé’íina’ łahgo iiniilzinígíí bee Diyin Ii’sizį́į t’áá náás nihił hólǫ́.

T’óó ahonii’yóí díí ałah’eleehgi “Diyin God bizaad baa hózhǫ́ dadidiits’į́į́ł biniiyé neheekai, aoo’, jo’éí saad ayeel tidit’į́įgo néiiłdzih” (Jacob 2:8). Eíí Diyin God Bizaad bii’ bik’izh- nitááh dóó nihilą́ąjį’ naazíi yee hadaheesdzíí’ bii’, chahałheeł bii’ kaneikaiígíí binahjį’ laanaa dóó chána anihił’į́h.

Iiná bii’ yiidááłgoo, díí nihokáa’gi eíí dóo ayóó at’éego ił hózhǫ́ nididiilyéeł da, ndi Jesus Christ binahjį’ t’éiyá (noł’į́ D&C 101:36). Bí adziil ńhaiidoolééł ako dóo ach’į’ nihwii’ná bee ti’hwii’nííh da t’áá hazho’ó bi’ił hózhǫ́ nihił holǫ́ǫ t’éiyá (noł’į́ Alma 31:38).

Nihijéí t’áá íiyisíí ti’hooníí łeh t’áá háiida ayóó iinii’ninígíí bąąh dahoo’áahgo yik’ée kanaagháo.

T’áá háiida ayóó iinii’níí naadiilyéego nihiyeel bii’ dóo siláhi da yiidlééh.

Niha’áłchiní ła’ hane’ yá’at’éhígíí yits’á hakáhgo, ak’ijį’ dah siil’ą́ dóó hool’áágoo iidoolíłę́ę baa nihini’ łeh.

Ahool’áo ałhe’aské dóó díí iiná bii’ áłchiní bee hodooleełę́ę honáásii’ t’óó baa hoyoo’ná.

Ayóó adanihwo’ní niidzinę́ę at́hdanihił’į́įgo biniinaa nihiyeel bii’dí dadinííh.

Ach’ooní ła’ aa’diléego biniinaa ahool’áágoo bił iináa dooyę́ę táayoołchxǫ́ǫ́h.

Díidi dóó t’óó ahayóí ał’ąą’at’áo díí nihokáa’gi ach’į’ ndahwiił’nánigíí bąą Bá Yałti’í Joseph Smith nahalingo eíí łahda na’ídiilki’: “O Diyin God, haají lá íinayá?” (D&C 121:1).

Kot’áo nihe’íina’ bii’ hodii’áahgo, Diyin God bizaad baa hózhǫ́ eíí ayeel tidit’į́įgo néiiłdzihígíí nihijéí dóó nihini’ yee ha’olní anáyiil’į́į́h:

“Niyeel bich’į’ hoozyéél; nii’nahwii’ná dóó baa yinį́į́ł nanineií t’óó hwonizahijį’ akot’ée doo;

“Áádoo, bił ha’iinilníi nt’ę́ę̨’go, Diyin God atsídi hanidoolóós” (D&C 121:7–8).

Diyin God bizaad baa hózhǫ́ biha’oní ii’ha’dibiih, nihił béé dahózingo eíí t’áá háiida ti’hoonííh ndí ak’e hoł’į́nígíí lá ayóó at’éii yá’ąąshdi baa doolyééł dóó “ach’į’ nahwiis’náá’ bikéédoo eíí ak’ihozhdóódliił” (noł’į́ D&C 58:3–4).

Diyin God bizaad baa hózhǫ́, bá yadaałti’í yee yádaałti’íí, hool’áo ałhiho’diiljee’ eíí t’áa baa hani’í, diyingo ałha’deet’ą́ dolzinígíí ha’jolniǫ́ǫ eíí t’áá aaníínii biniiyé nihidzíilgo nishíilnishgo, bee nihik’ihozhdoodlííł dóó niha’áłchiní (noł’į́ Orson F. Whitney, in Conference Report, Apr. 1929, 110).

Éí ałdó’ binahjį’ bee ha’óniníí eíí, iiniidlą́ǫ niidzáhigii bikéédoo, t’áadoo ła’ íilyaií biniinaa yee nihik’ihojisdli’ yę́ę dóo nihigha neiídidoot’áał da t’áa nléidę́ę́’ t’áá bee nihá hoo’a’í. T’áá nléí naanihi’diilyáajį’ iiniidlą́ągo, nihí “ałtso yee nihik’izhdoodlííł, alool’áo iiná, dóó ayóó e’ét’eh eíí hastįį índa asdząą [éí ga’eíí bee bá hoo’a’go] baa doolyééł.” (Noł’į The Teachings of Lorenzo Snow, ed. Clyde J. Williams [1984], 138.)

K’ad, éí ts’ída bik’i’didootį́łii eíí dóo hazhó’ó nihe’íina’ łahgo aneilyáagoo ałdó’ bikéé nihich’į’ nahwii’na dóó ti’hoo’niih diidlééł. Naat’áanii Marion G. Romney koní: “Nihokáá’ dine’é dóó be’íina’ łahgo ándeedle’ dóo bąąhí ninádeidee’áah dagóó ti’dahoonííh dóó bił dahalą́h. …Bąąhí ti’hoo’nííh dóó yinííł t’áá booltą́’, akó bąąhí ndeet’ą́ǫ baa honeení dóó ił hózhǫ́ t’áá booltą́’” (in Conference Report, Apr. 1959, 11).

Hait’áosh iiná dóo łahgo iilnéégoo bąą ti’hwii’nííh dóó neeghaí?

T’áá ła’óo bee ha’doodzihíí eíí “bąą hilį́į [yee’] bestłǫh, dóó bee haz’ą́ hadilyaa, jo’éí [bąą] yinííł hani’dí halééh” (Alma 42:18; noł’į́ ałdó’ verse 16). Bá yałti’í Joseph Smith eíí koní t’áá nihí bee ak’íhwiit’áh dóó nihíni’ bii’di éí yaa ti’hoonííhigii eíí kǫ’ dóó tsé dook’ą́ą́ł gi’at’áo(noł’į́ Teachings of Presidents of the Church: Joseph Smith [2007], 224).

Nihíni’ t’áá baah nine’í “bididii’nííł [t’áa nihí] lá [nihí] bąąhí yee’ ałts’íisi” (Alma 42:30) índa dadiniil’į́į́h, nihí Ii’sizį́į t’éiyá dóo yaa bił hódoozhǫ́ǫł da (see D&C 121:37) dóó iiná t’áa łahgo iilyáagoo. Díí bee ak’iháldoh, yee’ t’óo hozhahjį’, honáasii’ nihe’íina’ yéego dinííh dóó yinííł niidzin dóó nihíbąąhí yee’ nahjį’ kodoolníłę́ę yinóotłah.

Kot’éego ti’hoo’nííh, Diyin God bizaad baa hózhǫ́ ałdó’ ił’ídlį́ dóó laanáa ahooł’į́į́h; éí yee nihił halne’ii eíí bąąhí biniinaa diniihée nook’éeł. Díí Jesus Christ nihá nina’ídláhígíí binahjį’ nook’éeł dóó yiniidlą́nii binahjį’ bididiilnish, iiná łahgo adiilnííł, dóó bibéé haz’áanii bee hinii’ná.

Éí agháago baa akódiniidzįįłígii eíí t’áá iiná łahgo álneeh nahalingo, ałkéé’ bi’óónish dóó eíí t’áa hooshch’į́’ há yóó’ahidit’áah da. Éí ałkéé’ honi’ą́nii t’aa’at’é be’al’į́į́h.

Kot’áo bééhozin, dimǫ́ǫgo yilzíí’ chol’į́įgo, Átaa’ bil yit’į́ iil’į́įhgo eíí nihí ałahjį’ Bí be’neiílniih dóó Bí beehaz’á bik’ehóniil’į́. Eíí binahjį’ nihí t’aa’aaníí adii’ní.

Nihí t’óó Bí beneiilniihí dóó t’áa’akwiijį́ Bí beehaz’á bik’ehoniil’į́ni—dóó t’óo Dimǫ́ǫgo t’éiyá da—akokó t’áá hazhooígo áadoo habąąhí yę́ę yoo’ayiidiyii’ááh dóó Be’Ayi’sizį́į nihił holǫ́ǫdoo ninée ye’iił’į́į́h.

Dóo akot’áo ak’ehóniil’ǫ́ǫ eíí ts’ída bee bídidiilnishée, bąąhí yóó adidoot’alée t’óó adįįh dóó Ii’sizį́į dóo hił hólǫ́ǫ da yilééh. Nihí t’óó nihidáá’ t’éiyá bee baahwii’nííh agógo Bí nihijéí bits’-ą́ąjoo kwíilyaa (see 2 Nephi 27:25).

Chána niidzin t’áá bił, Diyin God bizaad baa hózhǫ́ yíí nihił nínii eíí bąąhí yoo’adíít’aah bi’óonish łahda “nihokáá’ binaadééł háiit’ǫ́ǫ” yił iisííh, dóó t’áa’aaníí ats’ádiniit’ą́ dóó hajooba’ i’diilyáo náás konáádoo’nííł (see D&C 20:5–6).

Ha’íísh nidaadéełígii eíí bąąhí yóó’ adiit’áagi bi’óonishígíí yił nida’dóosiih dóó eíi adaat’éii yee’ Dimǫ́ǫgo hodílzinée yich’ą́ą ahikááh?

Ła’ bee’éé’dit’į́įh t’óó na’áhozh’dilziidgo Dimǫ́ǫ akéédi nijidááh; t’áadoo nihiyi’di niil’į́ní, yah iidááh, bááh yiidį́į́h dóó tó yiidlį́į́h nihą́ąchingo (see 1 Corinthians 11:28); dóó as-ziih t’áa baa hwiilne’é dóó t’áa Diyin God nihá yóó iidi’áhí.

Ałdó’ bee’éé’dit’į́įh: doole’é binahjį’ sáá ałch’į’ al’į́įgo dóo bee hódilzin da, dimǫ́ǫgo yilzį́į́ chojos’į́įd bik’ijį’ t’óó dashdiigháah, dóó nihíghadi eíí dóo dimǫ́ǫ bee diníilzinígíí t’áa baa néiidahí.

Ha’iísh biniiyé akíit’į́, díí doole’é ałtso nihíł bééhozin ndi, t’áa’aghąąh dóo dimǫ́ǫgo hodiníilzin da łeh?

Isaiah binaatsoos bii’, nihí ha’óodzii’ bik’ídiidaał, eíí ga’ Dimǫ́ǫ bidééti’, ła’ beenahaz’ą́ ałdó’ bidadéét’i’go eíí nihí ts’ída diníílzin: “Nikee’ bee dimǫ́ǫgo ch’iinyá, bidánoonį́nii shidiyingo jį́ bii’ íinilaa” (Isaiah 58:13).

Saad bééhozǫ́ǫ “bich’į’ niinyá … bidánoolnį́nii bits’ą́ąjį’,” índa kot’áo, Diyin God yinízin’íí. Áłahjį’, niizin—kodóó halééh niléii, deeshį́į́ł, dóó hats’íís bee idázhnoolniih—yee’ Diyin God yinizin bił ałch’į’ nanidééh. Bá yałti’í Brigham Young yee na’nitiníí eíí “Diné nilį́į yinizin, yidááh nilį́, dóó nabiiłnéii nizhǫ́nigo Diyin God yéiidi’áah dóó yee’ ida’ał’į́į, eíí dine’ nilį́į hazhdíłt’e aho’díílyaa.—éí yee’, nisinígíí t’áá Diyin God yiniziníí’ at’é, eíí ałtso yá’at’éhii yaa shidoolóós, dóó nahiidii’nááł dóó Diyin God bił hi’iiná nihaa didoot’ááł” (Deseret News, Sept. 7, 1854, 1).

Diyin God bizaad baa hózhǫ́ yee’ Christ nihá nina’ídláhígíí be’adziil adá choodiil’įįł dóó Bí yiniziníí bik’eh yiidááł—dóó t’áa ch’įįdii dóó ats’íís yinízinii bikéé’—akó nihí, Bé ajooba’ binahjį’, dah yisdaadiidááł (see 2 Nephi 10:24–25).

Diyin God bizaad baa hózhǫ́ eíí diijį́ baa hane’go nihí ałahjį’ nihe’íina’ łahgo iiniilzin akó Diyin Ii’sizį́į t’áa nihił holǫ́ǫ nizaagóó ahodóolzhizh.

Ii’sizį́į nihił dahólǫ́ǫgo lá dine’é yá’at’éhigii bee dadiidlééł. “Éí hoozléél didóoniił dóó [nihi] yéél bił hódoozhǫ́ǫł, … éí adilááh, ajoodlá, jole’, hachį́į́h, dóó [nihi] jéídę́ę́’ ałtso dóo ya’ashǫ́nii; dóó [nihi] yá’at’éhii t’éí niizin, hodiyinjį’ diné ahiit’éésh, dóó Diyin God bił haz’ą́ągi ąą hwéé-niił” (see Teachings: Joseph Smith, 98).

Diyin Ii’sizį́į hwił hólǫ́ǫ, nihi dóo nihi’diil’áhi da, dóoni’ háiida bi’diil’áhi da; nihił lá hózhǫ́, dóó nihini’ bii’di chin adin. Dine’é bee ayóó’i’íi’ni nooséél. Nihi dóo nihił hasóh da yiidlééł dóó nihináágoo dine’é bił hózhǫ́ǫ adéiilne’.

Diné náás deiyikaihígíí ayóó baa nihił dahózhǫ́, dóó bii’ yá’at’éhíí hadaniitá.

Éí shisodizin at’éego eíí nihił hodoozhǫ́ǫło eíí hodiyingo hinii’náo nihee halééh dóó hinii’náo t’áa’aaníí dóó t’áa ahąąh iiná łahgo iiniilzingo Diyin Ii’sizį́į dah nihił hólǫ́ǫ yiidááł. Dine’é yá’at’éhii dadiidlééł, dóó niha’áłchiní bik’ihozhdoodlííł. Shí díí be’al’į́nii Jesus Christ bizhi’ binahjį’ t’áada’aaníí dishní, áámen.