Nihíhontá dóó Nihíhoneedlį́. —ndi Bee aka e’ewo’
Eldir Hugo Montoya Áyiilaa
Tsosts’idiindóó
Nihí yee’ nihíZhe’é Diyiníí ba’áłchini’ niidlį́nii biniinaa íhontá dóó íhoneedlį́bee ałká adiijáh.
Hinii’náo, nihíhontá dóó nihíhoneedlį́. Nihí ałdó’ niik’éh bee doole’é íil’į́dóó bee ałká aneiilwo’. Díí t’áa da’aanínii nihíZhe’é Diyiníí binahat’a’ nizhǫ́ni dóó hadiłt’éhii biyi’.
Naat’áanii John Taylor bina’nitin: “Shí Bá Yáłti’í Joseph konǫ́ǫ diséts’ą́ą́’, łahda Naakits’áadah yich’į’ yáłti’go: ‘Nihí íhontá ał’ąą’ at’áo ałtso bii’ ch’ídoohkah. Dóó íiyisíí nihí hodínootá t’áá Abraham dóó Diyin God hastóí neidiinil gi’at’áo, dóó (bí koní) Diyin God nihíkéé’ kodoonííł, dóó nihí doosíł dóó nihijéí bidádiiti’ ałk’íidoołgis.’”1
Nihíni’ yiłdził baa niilzą́ą di, íhontá dóó honeení biih yiidááh. Łahda yéego nihá nidaaz yilééh, ndi éí ałdó’ nihídziil ánhiił’įįh dóó ts’ída bii’ háhiikáahgo bee niilzééł.
T’áá hanééhee’, díí danidaazíí dóo t’áa sahí bił yiidáał da. Alma bina’nitin, “Nihí yee’ Diyin God bidideeshááł nohsin, dóó bidine’é bee nihi’dójí, dóó biyéél danidáázii biká ahiilyééd, akó aszólí ndahalééh.”2 Díí saad aníigo eíí nihí ałká adiijahígíí t’áa íidą́ą́’ nihąąh niheesyá. Nihąąh niheesyá’ígíí eíí Nahagha’jí neilnish, baa’ áhwiilyą́, índa nihik’is hazlį́į́ índa yá’ąąshdę́ę́’ niháádeet’ą́ǫ aniilzééł, ach’ooní niidlį́, índa hooghagi ła’ bił haijéé’—índa Diyin God ba’áłchiní niidlį́.
Shí dį́į’go bee ałká iijée’go nihiyéél nidaazíí aszolí doolééł.
1. Yisda’iinííł koní, “Háiida ła’ tsintsitą́ąjį’ shił nidíí’ash nǫ́ǫ, naakijį’ bił ndíí’ash.”3 Jó kot’áo, Ataa’ Bíghangóó t’áá ałhą́ą́h ałnanákah nihi’di’ní, nihá bóhonee’ą́ągo. Ataa’ Bíghangóó joogáałgo adilki’ dóó doole’é chojóół’į́įh, ayóí anizáágoo ałnáá daakahígíí agháo. Akot’ée ndi, díí ałtsé tsintsitą́ nizhniyá gi’at’é.
Nihí saad “bik’in nááh, yił tsos, nantin,” bik’i’diitį́įhgo índa naaki tsintsitą́ dah diidááh,4 nihí haniitá dóó nihízazí dabízhi’ hasht’éiil’į́įhgo Ataa’ Bíghandi bá naanish al’į́įh, yizhí atah náhiizóóh, Ataa’ Bíghan góne’ néiilnish, dóó haaléiit’áo Ataa’ Bíghandi nizhǫ́nii yidáhwiidooł’ááł bá hazdeez’į́į́’.
Shí Tsosts’ídiin bá hahoozóhdi naashnishgo, da’niłts’ą́ą́dę́ę́’ tséik ła’ Ataa’ Bíghangóó dookáhii bá ałkéé’ ndasii’nil. Da’oodlą́nii ła’ Ataa’ Bíghan yich’į’ deeskaiígíí ałts’íísí, dóó da’oodlanii dihwííshį́į, azhą́ 12 bee’ahéé alkid ndi, t’óó ahayóó ni’íisdee’ígíí biniinaa t’áadoo Ataa’ Bíghan góne’ yah ’éékai da.
Nina’íisdę́ę́’ doo lą’í yiską́ǫ, díí tséik baa niyá dóó binaat’áanii da’oodlą́nii íídaa’ t’áadoo Ataa’ Bíghan góne’ yah aheeskaiígíí ła’ bił ałhił dahodeeshní bidííniid. Hastįį ła’ bił ałch’į’ yééłti’íí koní: “Eldir, t’áa ni’diiłáhi. Shí Ataa’ Bíghandi niyá. T’óó’di hozhǫ́nigi sedáo dóó bibee’áda’ool’į́įł shíni’di baa ntsékees. Yah adeeshááł bee shá hoo’á’, ndi ła’ hastįį badi’ni’ą́, éí ts’ída índa Ataa’ Bíghan góne’ be’asdzą́ą́ yił ahíbi’diiljééh, yah aninááh bidishní. Áádoo náás oo’áałgo Ataa’ Bíghan góne’ naakidi yah ’ii’áázh. Ataa’ yee’ shééhosin, dóó shik’ijisdli’, dóó nihił t’áa akó.”
2. Nił hózhǫ́. Díí gi’ajit’áo bik’é dahodidlį́ dóó bitéél dandaazíí bee biká ’ajilwo’. T’ąąchil biyi’dą́ą́’ Diyin bibee’ádziil dah dayólełíí yah ’iijéé’, shí iidą́ą́’ ashdla niilt’éego anii Ntsáo Oholniih nihaa heesyáo atah dah naheetą́. Nihí iidą́ą́’ sáanii binaat’áanii dah naheeztą́ndę́ę́’ dah naheetą́. Shí anii naanish shaa deet’ą́nígíí baa shine’ dóó yéego bina’ánish nísin.
Nihí ata’gi sin bee dáhwiitáałgo, shí eíí haishį́į́ shinéł’į́. Niizį́į́’: “Díí kin biyi’ yee’ 20,000 biláahgo dine’é dashinéł’į́, dóó t’óó’ ahayóó woshdę́ę’go dadééz’įį’. Aoo’ haishį́į́ ninéł’į́”
Shí t’áa sin bee hashtááł, baa akó naaniisdzį́’ii eíí haiishį́į́ shinéł’į́. Shí nléí Naakits’áadah Bá naazį́ dah naheeztą́ngoo dee’į́į́’ dóó Naat’áanii Russell M. Nelson eíí hóshdę́ę́’ nihich’į’ nazgízgo dah sidáo yiiłtsą́. Shí neeł’į́į́’, dóó yéego shich’į’ ch’ídeeltł’o’. Eíí shijéí yik’éh didlį́née biyi’di hoozyéél áyiilaa.
Naadiidzá bik’ijį’, Jesus Christ ła’ bidibéhigíí yaa niyá. Hastóí dayíízhi’ dóó naakits’áadah bá naazį́ áyiilaa, dóó eíí ohólnįįh, yee dine’é ndéineeztą́ą́’. Jesus Christ nihíTaa’, t’áabí biníi’gi sizį́. bíTaa’ nitsidádinóhgeeh dóó sodádolzin bił ní. Shí hastóí ánii dayéeji’ dóó dabi’dóolzį́’ígíí daats’í naanish t’óó ahayóí dadííniidíí dóo shił bééhózin da, ndi bizaad koní, “Éí hoolzhízhgo eíí Jesus yich’į’ sodádilzingo ałkéé’ bik’í sodóólzin; dóó t’áa’at’é yaa bił hózhǫ́ǫ yinéł’į́, dóó bee bitsádi’nídį́nii bił dahóót’e’.”5 Ałtséedą́ą́’ ntsáo áłah’azlį́į’go, ła’ shích’į’ hwił hózhǫ́ǫ shiléél t’áa hodina’í aszólí silį́į́’ dóó ayóó’at’áo.
3. Dine’é ne’ájooba’ bee bił hólne’. Bee ádziil neehólį́įgo, t’áa shǫǫdí Diyin God yee bídziilígíí ba’áłchiní bee bá chooníł’į́, bik’í bee sodádílzin. Dine’é kánaakáii dóó ti’dáhooníhígíí saad yee hada’ólní dóó yee chána nilį́į dooígíí bich’į’ bee yániłti’.
4. Diyin God bínahat’a’ yee’ Jesus Christ nihíTaa’ Nina’ídláhígíí bee łayídzaa, t’áa damǫ́ǫ bik’éh, nihí ts’ída Naat’áanii Joseph F. Smith gi’at’áo baa ntsííkees doolééł “aZhe’é dóó aYe’ ayóó’at’áo dóó ayóó’anóolnin be’ayóó’o’o’ní yit’į́ áyiiláo nihokáá’ dine’é yá Nina’doodlééł silį́į́’.”6 Sodizin bá hooghandí niháádiinááł dóó niłtóloo yilzį́’ígíí yidooyį́įł dóó yidoodlį́į́ł akó aZhe’é Diyiníí ba’áłchiní bá Nina’ílyáhígíí yéego yaa ntsídáakees doo. Dóó dóo niłtólóo, ádaana’íidiiką́ą́ł. Ayóó’at’éii bíYe’ ałtsoní yii’ hooltsą́nígíí eíí béédaałniih dóó bik’ijį’ bee asíílzííhnę́ę, nihíbąąhí, beehaz’ą́k’íniiti’, kánijigáh, jidinííh, ach’į’ náhwiil’ná, dóó óhojisááh ałtso ák’iidiit’ą́h. Bízaad yee nanihínitinígíí eíí Christ “Dégo ’iiyá, bí ałdó’ ałtsoní yitłááh hoołtsą́, eíí yinahjį’ ałtsoní bił bééhózin.”7
Ts’ída haishį́į́ biyi’ yiidááł—doole’é nihídóolna’ índa nizáágóó íhwiilzááh índa azáhon’ááh baa ti’hoo’nííh dóó ach’į’ náhwiił’ná hwintáh—Na’níłkaad Yá’at’éhii áánaagáh. Nihízhi’ yee nihózhí dóó ánihił ní, “Shaa nóhkááh, ałtso eíí ndááłnishíí dóó nihíyéél dandáazii, dóó bee háádoołyį́ niháá dideesh’ááł.”8
Shí dį́į’go ch’éédeesh’ááł:
Atséii—naaki tsintsítą́ąjį’ ni’ít’aash.
Naakíi—t’áá shǫ́ǫdí nihił hózhǫ́. Diné ła’ bee biká adiilwół.
Tá’ii—ne’ájooba’ bee yániłti’.
Dį́’ii—dine’é sodizin bíghandí níghaadíínaał bidíní.
Shí t’áa’aaníí baa yáshti’ Yisda’iinííł, Jesus éí Christ nilį́, Diyin God hinánii yíYe’ nilį́ dóó hiná. Shił bééhózinii eíí nihiká ahilyéed, bítse’ dóó be’ádziil ałtso yee, aZhe’é bínahat’a’. Naat’áanii Thomas S. Monson eíí bá yáłti’í hináo shił bééhózin. Nihokáa’gi Diyin God bínaanish hazhó’ó ładóóniiłgo bibee’ąąníditį́hí néiijaah. T’áa ła’ íniidzį́nǫ́ǫ aZhe’é Diyiníí ba’áłchiní daniidlį́nii binahjį’ nihínitáh dóó azáhoni’ááh eíí bee ałká adiijáhígíí shił bééhózin. Jesus Christ bízhi’ binahjį’, áámen.