T’áá Yinitą́’
Eldir Koichi Aoyagi Áyiilaa
Tsosts’ídiinjí Atáh Dasidáa Nt’ę́ę́’
Diyin God atsé biisį́į́h, ha’íshį́į́ bee nihontá ndí. Diyin God ayóó’iini’ní. Christ yinóhdlą́, dóó t’áa’ałtsoní bilák’éejį’ ahidóh’aah.
Wóóshch’į́į́d 11, 2011 góne’, dah aztą́ą léí’ bikáá’ sezǫ́ǫ nkéí Tokyo Shinagawa kǫ’ na’ałbąąsii ninaltli’gi Japan Kobejí Nda’nitiní bich’į’ yisháalo. 2:46pm o’olkíłgo, 9.0 biigháhgo kéyah yéego hides’náá’. T’áa’awółibee naha’nángíí biniinaa dóo sezį́ biigháh da, dóó haaz’á bąąhgoo béésh ni’áhii yinishtą́’. Hodádi dadiltłi’ę́ę ni’jį’ adahinidééh. Tokyodi ałtso ntsidaatłáh.
T’áashǫǫ, shí dóo tídisdzáa da, dóó dį́į́’ ahéé’ilkid gonínda, shighandóó t’áa’at’é ch’éékaigo baa hosidéts’ą́’ii binahjį’ eíí shih náhooldoh.
Naalkidgo ałkéé’ t’óó baa hadzidgo, ch’ehélkeed. Tónteel nizáagóó ndiidzáo Sendai bił hahoodzojí yitah yinah—t’áa’atsoní biysijį’ yooził: chidí, hooghan, naalyéhe dabikinée, dóó dada’ak’éhę́ę. Shí ayóó’ahoodzáii bik’ee shitah ahasdį́į́d, dóó t’óó bik’éé yishchá. Dóó nihíZhe’é Diyiníí bi’aa’áhayą́ yéego biká sodiszin dóó dine’é akwe’é kééhat’į́nii biká anilyééd díí eíí aashinée’ bee ayóó’iinish’ní.
Honáasdi, éiyá t’áa’at’é nda’nitiní dóó Nahagha’ yihidiikáii ch’éékaii baa hane’ sheiiyít’ą́. Akondí, t’óó ahayóí da’oodlą́nii, bighandóó ła’ dóo béé dahóozin da, bighan dóó bii’ naazláii adaheez’éél. 20,000 dine’é íisdį́į́d, kintahgóó dah hóóchxǫ’, dóó dine’é t’óó’ ahayóí łeetsó bee atsiniltł’ish al’į́į sits’ilgo báá hadzidíí nikííldogo biniinaa bighan yits’ą́ą́’ dah dadiiná.
Díi gi’at’áo ni’ bikáá’góó díijį́ t’óó’ ahayóígoo ntsidahazdéél, łą́ągo dine’é adeisdįįd. Ńtsidahodoodił, ałk’iizhdoojáh, dóó ni’ bikáá’ ał’ąą’at’áo bee ach’į’ anídahazti’ doolééł.
Díi gi’at’áo t’áa hooshchį́’ nihí dahodíneestą́ą’go, haadá dii’nííł, “Ha’iísh biniiyé shił díigi áhoodzaa?” doodáii’ “Ha’iísh biká ti’hooshnííh?”
Átaa’ bahane’ bidiiyáa ndi nizáagoo t’áa’akónisht’é, dóo hazhó’ó bik’i’ diitą́ą da, “ha’iísh biká shihonitá?” yisdaa’iidééh bínahat’a’ t’áá nihí hodinóotá níngíí eíí bik’i’diitą́. Akondí, iináago, díí na’ídikid baa ha’ádzihgo, shit s’ída binahjį’ bee bik’i’dideeshtį́łígíí eíí t’áa bąąh adin. Ndi t’áá’ awółíbee she’íina’ bich’į’ hodiisnáá’.
Shí 30 shinááhaigo, Nagiyagi na’nitiní bił hahoodzóo niyá, shinaanish binahjį’. Ałah siidlį́į́’ bik’ijį’, na’nitiní binanta’í éí nléí chidí naata’í yich’į’ nił adoołbąs shił ní. Ákogoh, dayiskid biyáadi ałna’óóztįįnjį’ bił ni’íltłah, chidí tsoh yéego yilwół léí’ nihine’dę́ę́’. Éí yídeezgoh dóó chidí nihił yilwólę́ę náas 20 adees’eezgóó ayiyííłhan. Dóo ła’ yoołbąsii yee’ bááhadzid. Chidí bine’dę́ę́’ éí ałnii’góó biih yits’ǫ́ǫ́d, nani’tiní t’áa’ałah dóó shí ch’ííkai.
Akondí, biiską́ní, shik’os dóó shiwósbiih dadíínii’ dóó shitsiitsiin yéego neezgai. Aadóó hoshdę́ę́’ dóo ashwósh da, dóó t’áa’akwiijį́ shits’íís dóó shini’ biyi’ naaná honǫ́ǫghá. Diyin God t’áa shǫ́ǫdí niłk’e’ bidishníigo bich’į’ sodiszin, ndi t’áa’ akónish t’éego 10 shinááhai.
Díigi anisht’áo, shíni’ biyi’dí ałdó’ shídiits’a’ísh neesį́į́ł, dóó haashdeeshnííł, “shiísh hait’áo ayóó danéshgai?” Akondí, azhą́ dóó yinishkee dígi’at’áo nasdzíi da ndí, shí éí Diyin God bibeenahaz’ą́ąnii yinishdlą́ągo bik’éh hónish’į́. T’áá náas baa sodiszin akó eíí dah shinítahígíí bee hasht’é doonííł shił íidoo’áał nísin.
Hónaasii’ doole’é ła’ shich’į’ nááhodiisnaa’, dóó shi díí anii bee shíhonitáahii ch’ééh bik’i’diishtį́įhgo t’óó shi’diił’á selį́į́’. Ch’ééh shił hodooní biká sodiszin. Ndi dóó t’áá hodina’í bee shił hóóne’ da. Akó shi Nahagha’jí naat’áanii ła’ baa niyá dóó bich’į’ yéiiłti’.
Yéiilti’go, biinéé yee ayóó’asho’nǫ́ǫ, koní, “shík’is Aoyagi, niiyísh díí ni’gi bee nich’į’ nahwiidoo’nááł biniiyé yiniyá? Díí hinii’náosh ałtso bee nihich’į’ ndahodi-yoo’naał niidzį́į́’ dóó łahjį’ éí Átaa’ baa didiit’ááł? Niiyísh díí bee nich’į’ anáhoot’i’ nléí naadinidzáo éí hadaałt’é ndoodlééł ninízin?
Díí saad diséts’ą́ą’go, Átaa’ be’Áyi’sizį́į ayóó bídziilgo baa akóniizį́į́’. Díí bina’nitin dikwiidí shį́į́ ndiséts’ą́ą́’, ndi ts’ída t’ahdoo kónizahjį’ shini’dí dóo bee bik’i’diishtįįh da. Shí Zhe’é Diyiníí biniiyé bich’į’ baa sodiszinée eíí díí baa hane’ shéiiyit’ą́ągo baa’akóniizį́į́’.
Abraham biyi’, Átaa’ Diyin God koní, “Dóó nihí bee wódiniitá, t’áa daats’í biTaa’ Diyin God ałtso abídiiniidíí adéiidoolííł ya’.”1
Diyin God eíí yá’ąąsh dóó nahasdzą́ą́ áyiiláo ga’ biniiyáii bił bééhózin, bí yee’ eíí yá’ąąsh dóó nahasdzą́ą́ biyi’di dahólǫ́nígíí yik’i bóholnííh, dóó yisdaa’ádááh binahat’a’ eíí akót’áo behodoolnííł, Bí t’óó’ ahayóó ał’ąą’at’éiigo binahjį’ ídahwi-yiil’ááh—eíí aałdishníi, díí nihokáá’—nihí bee nihíhonitááh.
Dóó aTaa’ kot’áo Joseph Smith yich’į’ haadzíí’:
Nił bééhodoozįįł, shíye’, díí t’áa’ałtsoní binahjį’ eíí íhwiidiił́ááł, dóó bee yá’anit’ééh diilééł. …
“Díí bąą, t’áá yinitą́ …, Diyin God ga’ nił hólǫ́ náas, ahool’áo.”2
Díí ni’gi ídanitáh—ła i’da’diłna’ dóó ła’ na’altsééd—yee’ yisdaa’adááh bina-hat’a’ yiiyilyá dóó ałtsoní yii’ ch’ídookah. T’áa hanéehee’ “t’áá [yini] tą́’” dóó oodlą’ bee ídanitáh bii’ hahidiinááh.
Akondí, dóo íhwinita’ah t’éiyá biniiyé hinii’náa da. NihiZhe’é Diyiníí bíYe’ ayóó’ayo’níí, Jesus Christ, nihíYisda’iinííł dóó nihá Nina’ídláii nilį́, akó díí nihokáá’gi bee nihí honitáhígíí bii’ hahididíídaał; kot’éego, doole’é dóo bich’į’ nihídziil yee’ yich’į’ nihídziil anihííł’įįh,3 nihíbąąhí dóó nihít’óo baa’í nihá yik’éh ni’doolééł, dóó dóo danáádiitsáał da dóó hool’áo hinii’ná bóhoneedzą́ áyiilaa.
Naat’áanii Henry B. Eyring aní: “Ndi Diyin God binahat’a’ ayóó’iinii’ní nihítsijį’ niilyáii yee’ kána’adá t’éí bii’ chídiidáał biká da. Nihí eíí hait’áo yá’at’éehgo bii’ ch’ídiidááł éí biká. Nihí béneiilnííh dóó bibeenahaz’ą́ąnii niháa yiisnilígíí eíí bik’é yiidáałgo be’íil’į́.”4
“T’áá Yinitą́’” yee’ nihích’į’ hwidii’náahgo niidzį́į́h. Ajéí yee’ Diyin God bich’į’ kwíil’į̨įh, ts’ída daneezgháí yiidléehgo. Jíiniiba’óo Diyin God bibeenahaz’ą́ąnii bik’éh hóniil’į́. Akó niidzį́nii óodlą’ bee bił t’áa ła’í yiidlééh.
K’ad éí Nagoyadí chidí nihíne’dę́ę’ yideezgóh nániil’į́. Shídah nhídeezgóhgo datsetsą́ą nt’ę́ę́’. Akóhoot’įįd ndí, Átaa’ bił hadléé’ii binahjį’, dóo íisdzaaí da. Dóó shił bééhóziníí eíí kánda’adá yee’ shí bee íhwiideesh’ááł dóó bee dineesééł biniiyé.5 shí éí aZhe’é Diyiníí bidinilkáál yee nashineeztą́ą́’, shee aajóóba’ hódooleeł, dóó kánaakáii ha’ólníigo ándeeshdlííł. Díí baa’ ákoniizíi’go, Díí bee shíhonitáhii shíZhée’ Diyiníí ahéhee’ shijéí biyi’dę́ę́’ bich’į’ ha’déébįįd.
Diyin God nihítsijį’ biilzįįh, ha’íshį́į́ nihích’į’ nahwiił’náa ndí. Christ yiníidlą́, dóó nihí doole’é ałtso biyáajį’ adíi’nił. Moroni dine’é akódaadzáii yee yił aha’deet’ą́: “Dóó Diyin God bee diidléełígíí ałtso yóó’ ahididíít’ááł, dóó táa’ ałtsoní bee Diyin God ayóó’iinii’ní, nihíni’, nihe’ádziil, be’ajooba’ áádi índa nihábóhonee’ą́ǫ, eíí binahjį’ Christ gi’at’áo hadíniilt’é diidlééł.” 6
Shí eíí Diyin God nihíZhe’é nilį́į dóó bíYe’ ayóó’ayo’níí, Jesus Christ, yee’ t’áa’aaníí hiná dishní dóó Diyin God eíí haishį́į́ “T’áá [da]Yinóhtą́’” dóó azhą́ kánaagháo yiníí’dę́ę́’ ayóó’abó’nii yik’ijidlį́, Jesus Christ bízhi’ baa hasti’íí binahjį’, áámen.