Mai Susamachaar ka Prakaash Apne Ghar mein Laungi
Hum susamachaar ka prakaash apne gharon, skool, aur kaam par laa sakte hai agar hum sachche cheezo ko dekhein aur auron ke saath sachche baate karein.
Bahan Linda K. Burton ke April maha sammelan ke nimantran ke jawaab mein,1 aap mein se kayi log vichaarpurwak aur daansheel kriya kiye honge dayaluta ke taaki aapke sthaaniye chetra mein sharnagatiyon ki zaroorat puri ho jaaye. Saadharan, ek-ek log ki madad se samaaj-sewa ko lekar, woh sab prem ka natija hai. Jab tum apna samay, yogyata, aur saadhanon, ko baante the, tumhare—aur sharnagatiyon ke—hriday khush huwe honge. Aasha aur vishwaas aur adhik prem ko badhana lene aur dene waale ke beech sachche dayaluta ke hi parinaam hai.
Bhavishyevakta Moroni hamein batlata hai ki dayaluta ek zaroori swabhaao hai un logon ka jo Swarg ke Pita ke saath rehte hai celestial raajye mein. Woh likhta hai, “Agar tumhare paas dayaluta nahin hai tab tum kisi bhi tarah se Parmeshwar ke raajye mein bach nahin sakte.” 2
Zaroor se, Ishu Maseeh to dayaluta ka sahi uddharan hai. Unka maransheel jiwan se pehle ka bhent Uddhaarkarta banne ka, Unke vaartalaabh Unke maransheel jiwan ke daoraan, Unke Praeshchit ka divye uphaar, aur Unke lagataar koshishein hamein hamare Swarg ke Pita tak le jaane ka dayaluta ke uddharan hai.
“Tu Parmeshwar apne Prabhu se apne saare mann, aur apne saare praan, aur apni saari buddhi ke saath prem rakh.
“Badi aur mukhye aagya to yahi hai.
“Aur usi ke samaan yeh dusri bhi hai, ki tu apne padosi se apne samaan prem rakh.” 3
Ek sabse badiya tarika apne padosi ke prati prem badhane aur dikhane ka hai apne soch aur shabdon mein uddaarta laana. Kuch saal pehle ek khaas dost ne likha, “Sabse bada dayaluta hoga anumaan lagane se khud ko rokna.” 4 Yeh aaj bhi sach hai.
Haal hi mein, jab 3-saal ki Alyssa apne bhaai bahano ke saath film dekh rahi thi, usne kuch uljhan mein kaha, “Maa, woh murgi ajeeb dikhti hai!”
Uski maa ne screen dekha aur muskuraa kar boli, “Gudiya, woh ek mor hai.”
Us anjaan 3-saal ki bachchi ki tarah, hum kabhi kabhi auron ko purn rup se nahin ya galatfehmi se samajhte hai. Hum shaayad unhe unke bhinntaaon aur soche huwe kamzoriyon ke nazariye se dekhte hai jabki hamare Swarg ke Pita Apne bachcho, jo Unke anant pratirup mein bane hai, ko shaandaar aur shresht sambhavna se dekhta hai.
Pradhaan James E. Faust ko yeh kehne se jaana jaata hai, “Mai jitna budha hota hoon, utna hi kam anumaan lagata hoon mai.” 5 Isse mujhe Devdut Paul ka kehna yaad aata hai:
“Jab mai baalak tha, to mai baalako ki tarah bolta tha, baalako ka sa mann tha, baalako ki si samajh thi: parantu jab [bada] ho gaya, to baalako ki baate chod di.
“Ab hamein darpan mein dhundla sa dikhaai deta hai; parantu us samay aamne saamne dekhenge: is samay mera gyaan adhura hai; parantu us samay aysi puri riti se pehchaanunga, jaisa mai pehchana gaya hoon.” 6
Jab hum apne khud ki trutiyaan achchi tarah dekhte hai, hum auron ko “darpan mein, dhundla” nahin dekhenge. Hum susamachaar ke prakaash ka istemaal karna chahate hai auron ko Uddhaarkarta ke tarah dekhne ke liye—sahanubhuti, aasha, aur dayaluta ke saath. Woh din aaega jab hamare paas auron ke dilon ki puri samajh hogi aur abhaari honge hum daya paakar—jis tarah se hum dayalu vichaar aur shabd is jiwan mein auron ko dete hai.
Kuch saal pehle, mai naao chalane gayi kuch jawaan mahilaaon ke saath. Gehri neel ke taalaab ke kinaare hari, pedo se bhari pahaadein aur patharo ke chattaan bahut akarshak the. Hamare paddalo par paani chamak raha tha jab hum unhe paani mein rakhte, aur suraj garmi deta raha taalaab ki saer karte samay.
Haalaanki, achanak kaale baadal aaye aur tez hawa chalne lagi. Aage badhne ke liye, hamein paane mein paddal ko zyaada dubona padta tha, bina strokes ko rokte huwe. Kuch ghanto ke kathin parikshram ke baad, hum ab bade taalaab mein aaye aur achambha aur khush huwe yeh dekh kar ki hawa hamare jaane ke hi disha mein ja raha tha.
Jaldi se, humne is uphaar ka faeda uthaya. Humne ek chota tarplin liya uske do kono ko baandha paddle ke laathi se aur anye kono ko mere pati ke paero se, jo usne naao ke kinaro par faelaaya hua tha. Hawa ne hamare naye sail par asar daala, aur hum chal pade!
Jab anye naao ke jawaan mahilaaon ne dekha hum kaise paani par aasaani se jaa rahe hai, unhonne jaldi se apne bhi sail banaye. Hamare hriday ab shaant huwe hasi aur chaen paakar, abhaari the hum ki din bhar ke chunaotiyon se chutkara mila.
Usi shresht hawa ki tarah ho sakta hai ek dost ka badhaai, ki maa/baap ka hasmukh shubhkaamna, ek bhaai/bahan ka swikriti bhara ishara, ya kisi saathi karamchaari ya dost ka madadgaar muskaan, sabhi “taaza hawa dete huwe hamare sails ko” jab hum jiwan ke chunaotiyon se guzarte hai! Pradhaan Thomas S. Monson ne is tarah kaha: “Hum hawa ko disha nahin bata sakte, magar hum sail ko theek kar sakte hai. Sabse zyaada khushiyaali, shaanti, aur santushti ke liye, hum ek aashawaadi rawaiya chune.”7
Shabdon mein ashcharyejanak shakti hai, banane aur todne dono ke liye. Hum sab shaayad niraasha ke shabdon ko yaad rakhte hai jo hamein udaas karta hai aur kuch shabd jisse hum protsaahit huwe the. Sirf wahi kehne ko chunna jo auron ke baare mein—aur auron ko—jo ashawadi hai aur logon ko badhanti deta aur madad karta hai Uddhaarkarta ke tarike se jine mein.
Jab mai Praathmik mein thi, maine bahut mehnat se ek cross-stitch kiya kapde par jis mein likha tha, “Mai susamachaar ka prakaash apne ghar mein laaungi.” Beech hafte ke ek shaam ko jab hum ladkiyon ne apne suiyon ko nikala aur bhoka kapde mein, hamari shikshak ne hamein ek ladki ki kahani batayi jo do pahaadon ke beech pahaad par rehti thi. Har shaam ko use dusri or ke pahaad par ek ghar ki chamakti hui, sone ki khidkiyaan dikhti. Uska apna ghar chota aur bahut sundar nahin tha, aur ladki sochti kabhi woh us sone ke khidkiyon waale sundar ghar mein rahegi.
Ek din us ladki ko ijazat mili apna bike dusre pahaad par le jaane ki. Woh jaldi chalate huwe gayi jab tak woh sone ke khidki waale ghar par na pahunchi jo use bahut pasand tha. Par jab woh apne bike se utri, usne dekha wahan koi nahin rehta aur woh khandar hai, aangan mein bade ped hai aur khidkiyaan saadharan aur maele hai. Udaas, woh ladki apne ghar ki or mudi. Use achambha hua, usne ek ghar dekha jiski chamakti, sone ki khidkiyaan thi dusre pahaad par aur woh turant jaan gayi ki woh usi ka ghar hai! 8
Kabhi kabhi is jawaan ladki ki tarah, hum auron ke paas kya hai dekhenge ya khud ko auron ki tulna mein kamzor mehsoos karenge. Hum Pinterest ya Instagram ka jiwan par dhyaan denge ya apne paathshaala ya kaam par mukaabla karenge. Haalaanki, jab hum thoda samay nikaal kar soche “[hamare] kayi ashirvaad gino,” 9 hum ek sachcha nazariye se dekhte hai aur Parmeshwar ke achchaai ko pehchaante hai Apne sabhi bachchon ke prati.
Chaahe hum 8 ya 108 ke ho, hum susamachaar ke prakaash ko apne vatavaran mein la sakte hai, chaahe woh Manhattan ka uncha apartment ho, Malaysia ka ek baans par khada ghar, ya Mongolia ka ek chaatrawaas(yurt). Hum auron mein aur paristhitiyon mein achchaai dhoondhne ka nirchay kar sakte hai. Jawaan aur utne-bhi-jawaan-nahin mahilaaon har jagah dayaluta ka pradarshan kar sakte hai jab woh waise shabd istemaal karein jisse auron mein saahas aur vishwaas badhta hai.
Elder Jeffrey R. Holland ne ek jawaan ladke ke baare mein bataya jise uske saathi chidhaya karte the skool mein. Kuch saal baad woh wahan se chala gaya, sena mein bharti hua, padhaai ki, aur Girjaghar mein sakriye hua. Uske jiwan ke is samay mein bahut safal anubhavein thi.
Kayi saalon baad woh apna puraana shahar lauta. Haalaanki, log wahan uske badhanti aur safalta ko nahin maanyeta dena chahate the. Unke liye, woh ab bhi “wohi” puraana ladka tha, aur woh usse usi tarah pesh aate the. Phir, yeh achcha aadmi apni sab pragati bhool kar wohi puraana insaan ban gaya yuva dino ka aur un logon ko uske gunon se koi faeda na hua. 10 Uske aur samaaj ke liye, kitna bhari nuksaan!
Devdut Peter ne sikhaya, “Sab se shrest baat yeh hai ki ek dusre se adhik prem rakho: kyunki prem anek paapon ko dhaak deta hai.” 11 Joshila dayaluta, yaane ki “pure dil se,” tab hota hai jab hum kisi ke galtiyon aur bhool-chook ko bhool jaana ya khud ko aur auron ko pehle ke apraadh ko yaad dilaye.
Hamara kartavvye aur saobhaagye hai sabke pragati ko apnaana Uddhaarkarta, Ishu Maseeh ke jaisa banne ke liye. Kitne khushi ki baat hai kisi ke aankhon mein woh chamak dekhna jisne Ishu Maseeh ke Praeshchit ko samajh liya hai aur apne jiwan mein vaastavik badlaao laa raha hai! Jin prachaarakon ne ek badle huwe vyakti ko baptisma ke paani mein daakhil hone ke anand ko anubhav kiya hai aur phir unhe mandir mein jaate dekha hai woh gawaah hai us ashirvaad ke auron ko mauka dene ka—aur protsaahit—karne ka. Woh sadasye jinhonne kisi ko amantrit kiya par woh is raajye ko nahin apnaaye the ko bahut santushti milegi unhe Prabhu ka prem mehsoos karne mein madad karke. Ishu Maseeh ke susamachaar ki sabse badi sundarta hai anant pragati ki vaastavikta mein—hamein sirf achchaai ke liye badalne kamauka nahin milta par protsaahan milta hai, aur aagyabhi, pragati ki khoj karne mein aur, ant mein, sampurnata paaye.
Pradhaan Thomas S. Monson ne salaah diya: “Kayi sao chote tariko se, tum sab dayaluta dikhate ho. … Bina [ek] dusre ke prati zyaada alochna kiye [ya] naazuk stithi laaye, hum mein Maseeh ka shudh prem rahe apne saathiyon ke liye jiwan ke yaatra mein. Hum sab pehchaan paaye ki hum sab apna bharpur koshish kar rahi [ya raha] hai un chunaotiyon ka mukaabla karne mein jo saamne [aaegi ya aaega], aur hum bharpur koshish karke madad karne mein haath bataye.”12
Dayaluta, achche waakyon mein, sabar karta, daya dikhata, aur santusht rehta. Dayaluta auron ko pehla darja deta, vineet hota hai, aatma-niyantran rakhta, auron mein achchaai dekhta, aur kisi ki khushi se khush hota hai. 13
Zion mein bahanon (aur bhaaiyon) ke naate, hum “sab kaam saath karna chaahenge … woh karna jo shaant aur maanavi swabhaao ka hai, [Uddhaarkarta] ke naam mein khush hona aur ashish dena”?14 Kya hum, prem aur unche aashaaon ke saath, auron mein sundarta dekh sakte hai, pragati ko mauka aur protsaahan dete huwe? Kya hum auron ke safalta se khush ho sakte hai aur apne sudhaar ki or bhi badhe?
Hum susamachaar ka prakaash apne gharon, skool, aur kaam par laa sakte hai agar hum sachche cheezo ko dekhein aur auron ke saath sachche baate karein aur kam-safal baate na yaad rakhe. Uddhaarkarta, Ishu Maseeh ke pashchataap paane ke mauke ke baare mein soch kar mera dil abhaar se bhar jaata hai, jo mumkin hua hum sab ke liye jinse paap hua is asampurn aur kabhi kabhi mushkil duniya mein!
Mai apni gawahi deta hoon ki jab hum Unke sampurn uddharan par chalenge, hum dayaluta ka uphaar paaenge, jo hamein mahaan anand dega is jiwan mein aur anant jiwan mein vaada kiye ashirvaad hamare Swarg ke Pita ke saath. Ishu Maseeh ke naam se, amen.