Amor Perfekto ta Kita tur Temor
Laga nos pone un banda nos miedu i biba ku alegria, humildat, speransa, i un konfiansa grandi ku Señor ta ku nos.
Mi kerido rumannan, kerido amigunan, ki privilegio i alegria ta pa reuní komo un Iglesia mundial uni den nos fe i amor pa Dios i Su yunan.
Mi ta agradesido espesialmente pa e presensia di nos kerido profeta, Presidente Thomas S. Monson. Presidente, semper nos ta tuma den nos kurason bo palabranan i guia, konseho, i sabiduria. Nos stima bo Presidente Monson, i nos semper lo hasi orashon p’abo.
Hopi aña pasa, tempu mi tabata sirbi komo presidente di estaka na Frankfurt, Alemania, Hermana kerido, pero no masha felis, a aserká mi na final di un di nos reunionnan di estaka.
“No ta teribel?” e la bisa. “Mester tabata tin kuater òf sinku hende profundamente drumi durante bo diskurso!”
Mi a pensa pa un momentu i kontesta, “Mi ta kasi sigur ku drumi den iglesia ta entre esnan di mas saludabel ku tin.”
Mi kerido kasa, Harriet, a skucha e interkambio kasual aki i a bisa mi despues ku esei tabata un di e kontestanan mas bunita ku mi a yega di duna.
E Gran Despertar
Algun shen aña pasa na Nort Amérika, e movementu yama “E Gran Despertar” a wòrdu hibá rònt di hinter e pais. Un di su ophetivonan primordial tabata pa landa e hendenan ku tabata aparentá di ta drumi pa loke ta trata asuntunan spiritual.
Jose Smith a wòrdu influensia dor di e kosnan ku e la skucha di predikadonan ku tabata parti di e despertar religioso aki. E ta un di e rasonnan ku e la disidí di buska sinseramente e boluntat di Señor den un orashon priva.
E predikadonan aki tabatin un estilo dramátiko i emoshonal di prediká, ku sermonnan ku tabata konosí pa nan énfasis pisa riba e terornan infernal di fièrnu ku ta warda e pekadónan. Nan diskursonan no tabata pone hende drumi – pero nan por tabata kousa algun pesadia. Nan propósito i patronchi tabata pone e hendenan arepentí pa medio di temor.
Temor komo Manipulashon
Histórikamente, temor semper a wòrdu usa komo un método pa pone hende den akshon. Mayornan a bin ta us’e ku nan yunan, doñonan di trabou ku nan empleadonan, i polítikonan ku votadónan.
Ekspertonan di merkadeo ta komprondé e poder di temor i hopi bia ta us’e. Esaki ta pakiko algun propaganda ta parse di tin mensahenan implísito ku si nos faya na keda sin kumpra nan kaha di sereal òf pèrdè na kumpra e wega di video mas resien òf e telefòn selular, nos ta kore e rísiko di biba un bida miserabel, muriendo nos so i infelis.
Nos ta hari na esaki i pensa ku nos nunka lo kai pa e tipo di manipulashonnan ei, pero tin biaha nos ta kai si. Pió, tin biaha nos ta usa métodonan similar pa laga otronan hasi loke nos ke.
Mi mensahe tin dos propósito awe: E promé ta pa urgi nos pa kontemplá i konsiderá e grado na kua nos ta usa temor pa motivá otronan – inkluso nos mes. E di dos ta sugirí un mihó manera pa hasié.
E Problema ku Temor
Promé, laga nos atendé e problema ku temor. Despues di tur kos, ken entre nos nunka no a wòrdu motivá pa medio di temor pa kome mihó, bisti un faha di seguridat, hasi mas ehersisio, spar sèn, òf hasta arepentí di pika?
Ta bèrdat ku temor por tin un influensia poderoso riba nos akshonnan i nos komportashon. Pero e influensia ei tin e tendensia di ta temporal i superfisial. Temor hopi tiki bia tin e poder pa kambia nos kurasonnan, i e nunka lo transformá nos den hendenan ku ta stima loke ta korekto i ku ke obedesé Tata Selestial.
Hendenan ku tin temor por bisa i hasi e kosnan korekto, pero nan no ta sinti e kosnan korekto. Hopi biaha nan ta sinti indefenso i ofendí, hasta rabia. Despues ku tempu e sentimentunan aki ta hiba na deskonfiansa, desafio, i rebeldia.
Afortunadamente, e enfoke ekiboká di bida i liderazgo aki no ta limitá na e mundu sekular so. E ta duna doló na ami pa skucha ku miembronan di Iglesia ta ehersé dominio inhustu – sea ta den nan hogar, yamamentu den Iglesia, na trabou, òf den nan interakshonnan diario ku otronan.
Hopi bia, hende por kondena tentamentu den otronan, pero nan no por mir’e den nan mes. Nan ta demanda di ta konforme ku nan propio reglanan arbitrario, pero ora otronan no ta sigui e reglanan sin meta aki, nan ta kastigá nan verbalmente, emoshonalmente, i hasta tin bia físikamente.
Señor a bisa ku “ora nos … ehersé kontrol òf dominio òf manda riba e almanan di e yunan di hende, den kualke grado di transgreshon, … e shelunan ta apartá nan mes [i] e Espíritu di Señor ta sinti doló.”
Por tin momentunan ku ta trata na hustifiká nos akshonnan dor di kere ku e final ta hustifiká e método. Nos por hasta pensa ku dor di kontrolá, manipulá, i ta duru lo por ta bon pa otronan. No ta bèrdat, Señor a pone bon kla, “e frutanan di e Espíritu ta amor, goso, pas, longanimidat, gentilesa, bondat, fe, humildat, [i] templansa.”
Un Mihó Manera
Mas mi bin ta konosé mi Tata Selestial, mas mi ta mira kon E ta inspirá i guia Su yunan. E no ta rabia, vengativo òf kastigá bèk. Su propio propósito – Su obra i Su gloria – ta pa siña nos, eksaltá nos, i guia nos na Su plenitut.
Dios a deskribí Su mes na Moises komo “miserikòrdioso, yen di grasia, ku pasenshi i abundante den bondat i bèrdat.”
Nos Tata den Shelu su amor pa nos, Su yunan, ta mas ku surpasá nos abilidat pa komprondé.
Esaki ta nifiká ku Dios ta akseptá òf ta bira kara pa komportashonnan ku ta kontrario na Su mandamentunan? No, definitivamente no!
Pero E ke kambia mas ku solamente nos komportashon. E ke kambia nos propio naturalesa. E ke kambia nos kurasonnan.
E ke saka man pa nos i gara firmemente na e bara di heru, konfrontá nos temornan, i sali pa dilanti ku kurashi den e kaminda stret i smal. E ke esaki pa nos pasobra E stima nos i pasobra esaki ta e kaminda pa felisidat.
Pues, kon Dios ta motivá Su yunan pa sigui E den nos dia?
E la manda Su Yu!
Dios a manda Su Yu Unigenito, Jesucristo, pa mustra nos e kaminda korekto
Dios ta motivá pa medio di persuashon, longanimidat, gentilesa, humildat, i amor sin fingi. Dios ta na nos banda. E stima nos, i ora nos kai, E ke pa nos lanta para, purba atrobe, i bira mas fuerte.
E ta nos maestro.
E ta nos gran i kerido speransa.
E ta deseá na stimulá nos ku fe.
E ta konfia den nos pa siña di nos erornan i hasi bon eskohonan.
Kiko di e Maldatnan di e Mundu?
Un di e maneranan Satanas ke pa nos manipulá otronan ta pa keda riba i eksagerá e maldatnan di mundu.
Sigur ta ku nos mundu semper tabata, i lo kontinuá di ta, imperfekto. Demasiado hende inosente ta sufri pa motibu di sirkunstansianan di naturalesa i tambe di hendenan su inhumanidat. E korupshon di maldat den nos dia ta úniko i alarmante.
Pero ounke tur e kosnan aki, lo mi no kambia mi bida den e tempu aki ku ningun otro tempu den historia di mundu. Nos tur ta bendishoná mas di loke nos ta kere pa biba den un tempu di prosperidat inkomparabel, di lus, i bentahanan. Hopi di nos, ta bendishoná di tin e plenitut di e evangelio di Jesucristo, ku ta duna nos e perspektiva úniko di e peligernan di mundu i ta mustra nos kon pa sea alehá fo’i nan òf ta atendé ku nan.
Ora mi pensa riba bendishonnan aki, mi ke kai na mi rudia i ofresé alabansa na nos Tata Selestial pa su amor infinito pa tur Su yunan.
Mi no ta kere Dios ke pa Su yunan tin temor òf keda pensa riba e maldatnan di mundu. “Paso Dios no ta duna nos un espíritu di temor, pero di poder, i di amor, i un mente sano.”
E la duna nos un abundansia di rason pa ta felis. Djis nos tin ku haña i rekonosé nan. Señor hopi biaha ta rekordá nos pa “No tene miedu,” òf pa “ta kontentu,” i pa “no teme, mi rebaño,”
Señor Lo Bringa Nos Batayanan
Rumannan, nos ta Señor su “karnénan chikitu.” Nos ta Santunan di Delaster dianan. E herensia den nos nòmber ta e kompromiso pa wak pa dilanti na Señor su binida i prepará nos mes i e mundu pa risibié. P’esei laga nos sirbi Dios i stima nos próhimo. Laga nos hasi esaki ku konfiansa natural, ku humildat, i nunka wak abou na ningun otro religion òf grupo di hende. Rumannan, nos ta enkargá ku studia e palabra di Dios i kumpli ku e bos di e Espíritu, pa nos por “konosé e señalnan di tempu, i e señalnan di e binida di e Yu di Hende.”
P’esei, nos no ta ignorante na e desafionan di mundu, tampoko nos falta konosementu di e difikultatnan di nos tempu. Pero esei no ta nifiká ku nos mester karga nos mes òf otronan konstantemente ku temor. En bes di keda riba e inmensidat di nos desafionan, lo no ta mihó pa enfoká riba e poder infinito, grandi, bondadoso i apsoluto di Dios, konfia den dje, i prepará ku un kurason kontentu pa e regreso di Jesucristo?
Komo Su pueblo di konvenio, nos no mester wòrdu paralisá pa temor pasobra kosnan malu por pasa. Na su lugá, nos mester move pa dilanti ku fe, kurashon, determinashon, i konfiansa den Dios ora nos ta aserkando e desafionan i oportunidatnan nos dilanti
Nos no ta kana e kaminda di disípulado nos so. “Señor bo Dios … ta bai ku bo; e lo no faya abo, tampoko bandoná bo.”
“Señor lo bringa p’abo, e lo duna bo, bo pas.”
Den temor, laga nos haña kurason, buska nos fe, i tin konfiansa den e promesa ku “ningun arma ku ta forma kontra nos lo prosperá.”
Nos ta biba den un tempu di peliger i agitashon? Klaro ku si.
Dios mes a bisa, “Den e mundu lo bo tin tribulashon: pero ta di bon aliento; Mi a superá e mundu.”
Nos por ehersé e fe pa kere i aktua di akuerdo ku esaki? Nos por biba konforme nos kompromiso i kombenionan sagrado? Nos por warda e mandamentunan di Dios den e sirkunstansianan di desafio? Di mes ku nos por!
Nos por pasobra Dios a primintí, “Tur kos lo funshoná huntu pa bo propio bienestar, si [abo] kana den rektitut.” P’esei, laga nos pone temor un banda i bida na su lugá ku goso, humildat, speransa, i ku un konfiansa grandi ku Señor ta ku nos.
Amor Perfekto Ta Kita Tur Temor
Mi kerido amigunan, mi kerido rumannan den Kristu, si nos yega di haña nos mes ta biba ku temor i ansiedat, òf si nos yega di haña ku nos palabranan, aktitutnan, òf akshonnan ta kousa temor den otronan, laga nos konsiderá e remedi divinamente apuntá kontra temor: e amor puru di Kristu, pasobra “amor perfekto ta kita tur temor.”
Kristu amor perfekto ta surpasá tur tentashon pa hasi daño, forsa, tenta, òf oprimí.
E amor perfekto di Kristu ta permití nos pa kana ku humildat, dignidat, i un konfiansa grandi komo disípulonan di nos Salbador stima. E amor perfekto di Kristu ta duna nos e gran konfiansa pa sigui pa dilanti pasando dor di nos temornan i pone nos konfiansa kompletu den e poder i bondat di nos Tata Selestial, nos Maestro, nos Speransa.
Den nos hogarnan, den nos lugánan di negoshi, den nos yamamentunan di Iglesia, den nos kurasonnan, laga nos remplasá temor ku e amor perfekto di Kristu. Kristu su amor lo remplasá temor pa fe!
Su amor lo laga nos rekonosé, konfia, i tin fe den nos Tata Selestial su bondat, Su plan divino, Su evangelio, i Su mandamentunan. Stimando Dios i nos próhimo lo kambia nos obediensia na Dios su mandamentunan den un bendishon en bes di un karga. Kristu su amor lo yuda nos ta mas amabel, mas deseo pa pordoná, i mas empatia, i mas dediká na Su obra.
Ora nos ta yena nos kurason ku e amor di Kristu, nos lo lanta ku un freskura spiritual renobá i nos lo kana ku alegria, ku konfiansa, i ku bida den e lus i gloria den nos Salbador stima, Jesucristo.
Mi ta testifiká, huntu ku e Apòstel Juan, “No tin temor den [Kristu] su amor. E konosé bo perfektamente, i E stima bo perfektamente. E sa kiko bo futuro tin aden, i E ke pa bo “no tin temor, solamente kere” i pa “permanesé den su amor [perfekto]. Esaki ta mi orashon i mi bendishon den nòmber di Jesucristo, amèn.