Ndisana Unana-uyuho
Ndisana nnana-uyuho ekeme ndinam nnyin inam nkpo ke mbuotidem, itiene ikoot Andinyanga man inam sifon, inyung isuhore uwem nnyin ino Enye
Ini nkodude ke ufok-nwed elementary, ima isanga ke usung itai onwongode aka edem ye iso idok mben obot kiet. Ama odu afang-ukot efen, itai ikiduokde, ekotde afang “ndito iren.” Afang ndito-iren ekedi usung emi akasangade nnen-nnen odok enyong emi. Enye ekedi ibio-ibio edi otuongo eti. Nte ekpri eyen-anwan, mma ndiongo ke mekeme ndisanga ndok afang ekededi ndiot-iren edokde. Akapn-akpan, mma ndiongo ke main du ke ukperedem usen ndien ama nnam nkposong nkpo—nte mme ebemiso ekennamde—ndien mma nyon nditim idem. Ndien ke ofuri ini, nyesanga ke edem mme ufan mmi ke usung itai oro, nsiongo ikpa-ukot mi, nyung nsanga ukpok-ukot ndok afan ndito-iren oro. Nkanwana ndinam ikpat mi osong.
Nte ekpri eyen-anawan primary, nkekere ke se nkemede nam edi oro nda ntim-idem. Idahaemi mmodiongo ukpuhore nkpo. Nduke nsanga ndono-ikpat ndok afang mbot oro, mmodiongo ke mmekeme nditim ikpat mi adasanga kea fang ediomi ke ndiyere ikot Edisana Spirt. Koro Abasi adada Prophet Esie, kokot kpukpru nnyin inim inyung ise-ibanga “usung okongde young asanade” inyung “idok ebiet okongde esisit.”1
Mme ikoot prophet emi oyom utom, adiana ye ifiok inyenede ke iyenam inyung idi uwak nkpo, ndusuk esin ke idem nnyin se Elder Neal A. Maxwell okotde “ndisana unana-uyuho.”2 Ndisana unana-uyuho oduk edi ke ini nnyin idomode se nnyin idide [kesim] “se nnyin inyenede odudu ndidi.”3 Nnyin kiet-kiet, edieke inamde akpaniko, ikere ufang abahade ebiet ye owo nnyin idide, ye ebiet ye owo nnyin iyomde ndidi. Imenyene mme ekikere emi koro idi ndito iban ye ndito iren Abasi, imana ye Unwana Christ edi idu ke idiok ererimbot. Mme ekikere emi edi eno otode Abasi ndien ono udong ndibumere nnam nkpo.
Yak inyime mme udong edisana unana-uyuho oro adade nnyin aka nkong-nkong usung, ke ini idiongde inyung ikponde idiok Satan—enyenede ndik mba. Emi edi ediye ukpe emi Satan oyomde ndifro nduk. Nnyin imekeme ndimek ndisanga ke nkong-nkong afang oro lead nnyin aka ndiyom Abasi ye emem Esie ye Ukeme, mme idige imekeme ndikop nno Satan, emi otongde nnyin ye etop oro odohode ke ikemeke ndiyuho: inyeneke ikem, isopke ikem, iyehe uyai ikem, se dedi ekemde. Unana-uyuho nnyin ekeme ndidi edisana—e mme oro abiatde.
Nnam Nkpo ke Mbuotidem
Usung kiet nditing ukpuho edisana unana-uyuho ye abianga Satan edi ke ndisana unana-uyuho ada owo eti edinam. Ndisana unana-uyuho idige ikoot ndidu ke ebiet ikopde inem, mme edinam nnyin iduok idorenyin. Mmekpeb nte ke ini nkerede okposong mbanga kpukpru se ami mmedighe, ami nkorike, ndien mmesinyene akamba mfina ndikop ntuk nyung ntiene Spirit.4
Nte ekpri eren, Joseph Smith ama enehede odiongo ndudue esie onyung ekere abanga “ufon uwem ukpong [esie].” Ke iko esie ete, “esit mi enehede ofuho, koro mme ndudue mi ebiom mi ikpe, ndien … otuk mi nditua mbanga ndudue mi ye ndudue ofuri ererimbot.”5 emi anam enye esin “ke okposong ekikere ye akamba nyomonsia.”6 ndi mmodiongo nkpo ntem? Ndi mbufo emeyomo-nsia mme efuho etiene ndudue mbufo?
Ke ntre, Joseph ama anam nkpo. Enye ama abuana, “Nma nsikop ndoho idem mi: nso ke ndinam?”7 Joseph ama anam nkpo ke Mboutidem. Enye ama onwongore aka ken nwed iko –Abasi, okot iko odude ke James1:5, onyung aka ebine Abasi oyom unwam. Iboro nkukut oro ama ada Restoration edi. Mmenem esit nte ke eti unana-uyuho Joseph, ini nyomonsia ye unana-ifiok, onuk enye akanam eti nkpo.
Etiene Ntuuk Eda Enam Ufon
Ererimbot esida ntuk ndisana unana-uyuho nte mkpe-ubok eno, nduokidem, ke ndida ekikere nnyin nka esit ye edem nyung ntie nkere owo amindide, nso keami mme ndighe, ye nso keami nyom. Ndisana unana-uyuho anam nnyin itiene uwut-nkpo Andinyanga, emi “akasangade anam ufon.”8Nte nnyin isangade ke usung anditiene, nnyin iyebo ntuk spirit ndinyanade ntuk mbon efen.
Mbuk nkokopde mme isua ebede anam mi ndiongo ndien nyung nam nkpo ntiene ntuk otode Edisana Spirit. Sister Bonnie D.Parkin, akani General President Relief Society, akabuana nka-iso nneme emi:
“Susan … ekedi ata eti ekim-ofong. President [Spencer W.] Kimball okodu ke ward [esie]. Usen Sunday kiet, Susan ama okut ke President Kimball enyene obufa suit. Ete esie, ibihike … ekedep mme ndiye ndodono mkpri offong ono enye. Susan ama ekere ndida ofong oro nkini tie ada asanga kiet ye obufa suit President Kimball. Ndien ke Monday ekim tie oro. Onyoungb awing enye ke paper emen aka ufok President Kimball.
“Nte enye asangade aka inua-otop, enye ama osong ada ini-kiet onyung ekere, “Ami ndi anie ndikim tie nno prophet” Enye ekeme ndinyene ediwak tie ke ini ekerede ke imanam ndudue enye ama onwongede ndinyong.
“Ata ini oro, Sister Kimball Sister Kimball eberede inua-otop onyung odoho , ‘O, Susan!’
“Ke nyek-idem, Susan ama odoho, ‘Mma nkut President Kimball ke obufa suit esie ke Sunday. Ete mi ekedep nkpri ndodono ofong osok mi oto New York … ndien nkanam tie nno enye.’
“Mbemiso Susan, aka-iso, Sister Kimball etre enye, omum enye ke afara onyung odoho: Susan, ku ukpan ekikere mfon ido.’”9
Mnama oro! “Kukpan ekikere mfon-ido.” Ndusuk ini mma nyene ntuk ndinam nkpo nno owo, ami nyekere edieke nkpono ntuk mme onyung edi ekikere mi. edi mmeti, Edi eti mi ete “ke nkpo Abasi okot onyung ekpek ndinam eti kpukpru ini; mmodo, kpukpru nkpo eke ekotde onyung ekpekde ndinam eti ye ndima Abasi, nyung nnam nkpo nno enye, oto Abasi”10
Mme mmo edi nnen-nnen ntuk mme udong man anwam, ndinam eti edinam itakke, koro “akananam ima ibiangake”,11—inyung idige idiok iboro.
Ediwak ini, ubonokpo isifonke, ndien nnyin isopke ndidiongo ufon mkpri unwan isinamde. Edi kpukpru ini nnyin iyediongo ite ke nnyin idi nkpo-utom ke ubok Abasi iyeyung inem esit ndidiongo ke Edisana Spirit adade nnyin usung edi ndiwut unyime Abasi.
Ndito-eka iban, mbufo ye ami iyebenge iyom edisana spirit ada inam, owut nnyin. “Kpukpru mme nkpo anade [nnyin] nte inam,”12 okposuk edi nte nwed ibat utom nnyin etiede nte oyoho. Adangante ikopde ntuuk, iyekpong usan ke basin mme oyoho etop asangade ye mfina oyomde ebe ebuana man oto ke ekot nwed eno ekpri eyen, edikut ufan, editie ye ndito mbohidung, mme ndinwam ke temple. Kuda nte anam idiok se nnamde edi emem edi ke idiongode ite ndidi nkan idihe ukem ye ndinam nkan. Ndise mbanga unana-uyuho ke ibierede nditiene ntuk eyekpuhore nte nkerede mbanga “ini ni”, edi nkut owo, idige nte ubiongo, edi nte ntak uwem mi.
Edisana Unana-uyuho Ada Owo Ebine Jesus Christ.
Edisana unana-uyuho anam inyene nsuhore-idem, idige useme-idem mme mmem-idem emi otode ndomo-idem, emi kpukpru ini nnyin misiyeneke ekem. Iban emi enamde ediomo eduke ofuri ndaha ye ubom-idem; ufokemana mmo, uwem ifiok-ukpeb mmo, ndien ndaha mmo esikpuho.
Nte ededi, ofuri nnyin idisimke edisana ndaha nnyin, nien ubak akpaniko odu ke ndifiok ete nnyin ikpongidikemeke ndinam oro nkure. Edi eti mbuk iko Abasi edi ye mfon Abasi, nnyin iyekem. Ye unwam Christ, nnyin iyekeme ndinam kpukpru nkpo.13 Nwed Abasi eting ete ke nnyin “iyekut mfon kini unana.”14
Mkpaidem akpaniko edi ke mmem-idem nnyin ekeme ndidi edidiong ke ini mmo esuhore enyung ewongore nnyin etiene Christ.15 Unana-uyuho akabare asana ke ini nnyin isuhore idem itiene Jesus Christ ye unana nnyin, akan ndifiak edem ke idioknkpo.
Ke akpaniko, utibe-nkpo Jesus esiwak nditongo ye ndifiok se eyomde, unana, ndudue, mme unana-edikem. Emetii uyo ye iyak? Mme andiwet Iko Abasi kiet-kiet ekewet nte Jesus okonode ediwak tosin owo emi eketienede Enye udia.16 Edi mbuk oro okotongo ke mme mbet edikut se ikedi unana mmo; mmo edifiok ete ke mmimo inyene “mbak barley-uyo ition, ye mkpri iyak iba: edi esisit emi oworo-so ono oruk ibat owo emi?” 17 Mme mbet ema enen: mmoikenyenekeediwak udia, edi mmo ekeyak se mmo enyenede eno Jesus, ndien Enye ama anam utibe-nkpo.
Akananam ndi mbufo emekere ke eno mbufo enehede ekpri ekan utom se anade enam? Ami ntre. Edi mbufo ye ami imekeme ndiyak se nnyin inyenede ino Christ, ndien Enye eyenam ukeme nnyin okpon. Se mbufo enyenede ndino awawak akan—kpa ye mmem-idem ye ndudue mbufo nte owo—edieke mbufo eyiride ke mfon Abasi.
Se idi akpaniko edi ke emana nnyin kiet-kiet ekpong Abasi—kiet-kiet edi eyen Abasi.18 Ndien ke ukem nte Enye akanamde ye prophet mbiba ye iren ye iban ke ofuri emana, ntem Ete ke Heaven oyom ndikpuho nnyin.
C. S. Lewis anam anwanga odudu Abasi ke ndikpuho ntem: “Eda nte mbufo edi edidung ufok. Abasi oduk edi ndifiak mbop ufok oro. Ke akpa ifet, ndusuk, omofiok se Enye anamde. Enye enehede uduoho mmong enim, onyung esiri ndudu ke okom ye mme nkpo efen; mbufo ema ediongo ke akpanam mme utom oro, ndien mbufo iduhe ke mkpaidem. Edi idahaemi Enye otongo ndibom ufok oro nkanare ke usung mifonke. … [Emekut,] Enye edibop ufok enyenede ukpuhode okpong enye oro mbufo ekerede ebanga. … Mbufo ekekere ke [eke] nam mbufo esin ke ekpri ediye ufok: edi Enye obop ediye ufok-edidem. Enye oyom ndidi man edidung do ke Idemesie.”19
Ke ntak Erisio-isop nwa-idem eke Andinyanga nnyin, ekeme ndinam nnyin ikem ye ubiong emi anade ke iso. Mme prophet ekpeb nnyin ete ke nte nnyin idokde usung-isang owo-mbet, eyenam nnyin isana oto ke mfon Christ. Ndisana unana-uyuho eyenam nnyin idu uwem ke mbuotidem, itiene ikoot Andinyanga odohode inam nti nkpo, inyung iyak uwem nnyin ke nsuhore-idem ino Enye. Ke enying Jesus Christ, amen.