Mme Ete, Eka ye Ndito
Akwa uduak inemesit eke Ete nnyin ke Heaven anam mbufo ediongo se mbufo edide ye sidi ntak uewm mbufo.
Ndima ndito-eka mi iban, edi ata nkpo inemesit ndinyene obufa ikpehe akwa mboho iban Ufok Abasi otongode ke isua-emana Itiaita aka iso-iso. Nnyin imekop inem etop ito mme adausung ndito-eka iban ye President Henry B.Eyring. President Eyring ye ami imema edinam utom ke idak President Russell M. Nelson, ke emi imeyom ndikop iko enye editing-de nte prophet.
I.
Ndito edi mkpon-nkan eno otode Abasi—nsinsi nkori nnyin. Edi nnyin idu ke ini emi ediwak iban miyom-ke ndiman nyung mbobok ndito. Ediwak mmo emi ekemde ndido ndo enuk emi eka iso-iso tutu mmo enye-yene se eyomde. Emi anam isua udo-ndo mbon Ufok Abasi nyin odok ke enyong ke isua iba mme akande oro do emi anamde ibat ndito ekpemanade eduk ufok Abasi akaka-iso ndisuhore. United States ye mme idut efen etongo enyene mfina ndinyene mme iwaad ekpesin-de unwam eno mmo oro ekpade mba ke mkpo uwem emi.1 Ubak esimde 40 ke otu ikie edi ndito emi emanade eto mme eka midoho ndo ke United States. Ndito oro etim enyene mfina. Nkpo kiet mme enye eken ke mme nkpo emi odomo ndinwana ye edisana uduak Ete nnyin.
II.
Iban Latter-day Saint ediongo ete ke edidi eka edi se ikponde ikan ke ubiong utom mmo, emi onyung edide ata nkpo inemesit ono mmo. President Gordon B. Hinckley ama eting ntem: “Ata ediwak iban ekop ata uyuho ye akwa inemesit ke ufok idung ye ufokemana nko. Abasi esin mme iban edisana nkpo kidem ye ndibe odudu, ke ediye usung, esin emem, mfon-mma, edinen ido, akpaniko, ye ima. Kpukpru mme nti uduak emi edi se enimde ke edidi eti eka.”
Enye aka-iso ete ke, “Utom okponde akan emi nnwan ndomo kiet akpanam-de edi ndikpeme, mkpep ye edidu uwem odot-de, edisin udong nno nyung ntim nkakama ndito esie ke edinen usung ye akpaniko. Iduhe nkpo efen ekemede ndida ndomo ye mme nkpo emi ekpededi nsuto nkpo efen enye anamde.”2
Mme eka, ndima ndito eka iban, nnyin imama mbufo ino se edide ye se enamde eno kpukpru nnyin.
Ke ata iko emi enye eketing-de ke isua 2015 emi ibuot iko edide “Se Mbenge-de Ndito-eka iban Mi” President Russell M. Nelson ete:
“Obio ubong Abasi ikemke inyung ikemeke ndikem edieke iban emi enamde enyung enenim mme ndisana ediomo, iban emi ekemede nditing iko ke unyime ye odudu Abasi, miduhe!
“Mfin, … nnyin iyom iban emi efiok-de ndinam mme nti nkpo etibe otode mbuotidem mmo, emi enyung edide mme ata nsongo-nda eti edu uwem ke ufok, mi ke ededimbot oyohode ye idiok nkpo. Nnyin iyom iban emi esongo-de eda ndikpeme ndito Abasi asanga-de ekekem usung ediomo edinyene nkong-kong uwem; iban emi efiok-de usung ndibo ediyarade, emi ediongo-de odudu ye emem endowment temple; iban emi efiok-de ndikot odudu heaven edikpeme onyung ososongo ndito ye ufok-idung mmo; iban emi ekpep-de nkpo miyung ibak-ke owo enyin.” 3
Ofuri nti ukpep emi okongo ke “The Family: A Proclamation to the World,” emi mfiak-nda-ndi ufok Abasi osongoke mme edu unam nkpo ye mme edinam emi abanga-de ubono-nkpo Andibot emi Enye ekenimde mbemiso edibot ededimbot.
III.
Ke emi yak nting iko nno mme mkpri owo ke otu emi. Mme ndima mkpri ndito eka iban, otode ke ifiok enyenede ebanga gospel Jesus Christ efiak-de emen edi mfin, mbufo emeworo eda sanga-sanga. Idaha-emi nyeting nno mme ata mkpri ke eboho emi. Ifiok emi enyenede eyenam mbufo e-yoh enyung ekan mfina ndikori nka iso-iso. Otongo-de ke uyen, mbufo emebuana ke mme utom ye edinam emi anamde eno mbufo okori, oruk nte ediwewet, edi-ting, ubono nkpo ye edinyene eti edu uwem nko emi ekpep-de edikan idomo, usu nsu, edituk owo, uyip-ino mme ediwong ufofop ye ndioi ibok.
Ema ekut nworo-nda mbufo emi ke ukpep-nkpo Ufoknwed nta-ifiok eke North Carolina emi akabangade mme iwaad ke America ye mme ido ukpono. Owo Charlotte kiet ke ekpri nwed enye okotde “Mormon teens cope best: Study finds they top peers at handling adolescence.” Se enye ekewetde okodoho ntem, “Ke mbon Mormon edok eka ata enyong-enyong ke udomo, ke edinam ofon akan ke ufok nwed ye edinyene eti nka-iso nno ini iso.” Owo kiet ke otu ibon unam nduongo-de emi, nte enye okobup-de ndito nnyin mbume, ete, “Ke otu ofuri-ofuri owo emi nnyin ikesede, ima itim ikut: ke mme Mormon ekedi akpa.”4
Nsinam afo osong-ada ke otu mfina, ye edikori ke uwem? Mme mkpri iban, edi koro mbufo emefiok akwa ubono nkpo inemesit Ete nnyin ke Heaven. Enye eting ono mbufo se edide, ye se idide ntak uwem mbufo. Mme iwaad efiokde emi edidiongo se ekpenam-de ke ndimek unen. Mbufo emefiok ke eyekeme ndinyene unwam Obong edikan kpukpru nkpo mfina nkori uwem emi.
Ntak efen emi mbufo ekop-de idem edi koro efiok-de ke mmimo idi ndito Abasi Ete emi amade mbufo. Ami mmefiok ke mbufo emediongo ebanga akwa ikwo nnyin “Ata-ndima Ndito, Abasi Esik-ekpere Mbufo.” Enye emi edi akpa ufang emi nnyin ikwode inyung inimde ke akpaniko:
Ata-ndima ndito, Abasi esik-ekpere mbufo,
Ke esese mbufo uweme ye okon,
Enye enenem esit ndinyene nyung ndodiong mbufo,
Edieke eduak-de ndinam se ifonde5
Ukpep-nkpo iba esine ke ufang emi: Akpa, Ke Ete nnyin ke Heaven etim ekpere nnyin onyung osuk esese enyin abanga nnyin unweme ye okon. Ekere ebenga emi! Abasi amama nnyin, Enye etim ekpere nnyin, Enye osuk esese nkpo abanga nnyin. Oyoho Iba, Enye enenem esit abanga ndidiong nnyin “edieke inwana-de edinam se ifonde.” Nsuto nkpo ndongesit ke ufot mfina ye oyobio uwem emi!
Ihn, ediong mbufo mme iwaad ke ndiworo nda, edi yak mbufo etie nte kpukpru ndito Ete nnyin ke Heaven emi “enwanade ndinam se ifonde.”
Do, ami mmekeme ndino mbufo mme iko item mmek-de nditing ke iko iba, kpot.
Akpa iko item abanga handsets. Nduongo-de enamde mi-mi owut ete ke akwa ubak mme iwaad ke United States edoho ke mmimo imebiat ata akwa ini edifik mme handsets emi. Ibat owo akande 40 percent edoho ke ama afina mmimo kini ekesihe-de mmo ekpong handsets mmo.6 Enye emi eketim abanga iban akan iren owo. Mkpri ndito-eka mi iban—ye ikpo iban nko—eyekut edidiong edieke esuho-de ndikama ye ediyak idem mbufo nno handsets emi.
Udiana item emi, otim okpon. Enyene ima eno mmo eken. Edinyene ima edi nkpo emi mme iwaad nnyin ekade iso ndinam. Mme otu ke iwaad nnyin ke mme itie idung enam emi anwa-anwa nte uwut-nkpo eno nnyin. Nnyin imekop uyuho ibanga utom ima emi mmo enamde eno mmo oro eyomde ima ye unwam. Ke ediwak usung, mbufo emeno unwam oro enyung ewut ima emi enokiet eken. Ikpema yak kpukpru etiene enam ntre.
Kpa ke ini emi ifiok-de ke andidiok ke esin idomo man mbufo ekpesua mbon efen, ye ediwak nnam-nwut abanga-de emi, ekpededi ke ufot ndito-owong ye mme iwaad. Ediongo, edisua owo, ke ediwak enying, edide, edima-mia owo ye edikokot mbon efen nsin enam ntre, ye edidiana ye mbon efen nsua owo. Uto uwut-nkpo emi ada unomo ono mmo oro ibuanade class ye mme ufan nnyin. Mme mkpri ndito eka iban, inemke Obong esit edieke isuade, mme, edibabat mmo eken nte mbio.
Emi edi uwut-nkpo kiet. Mmefiok mbanga akparawa kiet, ekefehede edidibe mi ke Utah, emi ekesak-de enye sia edide isio-isio, nko ke edi-ting iko emana esie. Nsahi eke nka mkparawa emi akanam enye osio mmo usiene tutu ekesim nte ekopde enye ke usen Ata-ye-duop kini emi esuk eyomde usung ndisio enye uyong afiak onyong idut esie. Ndiongo-ke se ikeyat-de otu owo emi esit, emi ediwak mmo ekedide mbon Latter-day Saints nte mbufo mi, edi ami mmeda nkut idiok ido mmo, unomo ye ntuanga emi oro akadade osok kiet ke otu ndito Abasi. Ata ekpri ido usua ekeme ndida ata akwa mfina edi.
Kini nkekop-de iko emi, ami mma mmen enye ndomo ye iko prophet nnyin, President Nelson, eketing ke worldwide youth devotional. Ke edidoho mbufo ye mme iwaad efen ekpesin unwam editang ndito Israel mbok, enye ama eting ntem: “Eworo eda; enyung eworo-ekpong ededimbot. Afo ye ami imefiok ete ke ana nte nnyin idi unwana ke ededimbot. Ke ntak oro, Obong oyom yak mbufo ekpetie nte, mme eting-iko, nte, mme anam eeti nkpo, nte, mme andisine offong nte mme ata mbet Jesus Christ.”7
Battalion iwaad President Nelson okotde mbufo edidukidibat-ke owo ndomo kiet ke mbio. Mmo edisanga ke usung ukpep Andinyanga enimde ke edidiana ye eken, nyung mmama ye edinyene udong nno mmo efen, tutu ekesim edinwongo-de mbang eken, edieke ikut-de ete ke owo efen edue nnyin.
Ke iko enye eketing-de ke general conference ekperede ini mbufo ekemana-de, President Gordon B. Hinckley ama otoro “ndiye iban emi enwanade ndinam se gospel emi eteme-de.” Enye eketing ye mmo nte ami mmade nditing ye mbufo:
“Mmo enyene ima eno kiet eken. Mmo eyeyom usung ndisongo enye eken idem. Mmo edi mkpo uto eno mme ete, eka ye ufok emana emi mmo etode. Mmo ke esik ekpere ndidi mme eka, ndien emi eyenam mmo emen se ekpep-de emi edu uwem otimde ofon.8
Nte isung-utom Abasi, ami ndoho mbufo mkpri iban nte, ke ededimbot emi oyom ufon ye ima oto mbufo. Enyene ima eno kiet eken. Jesus ekpep nnyin ndima kiet eken ke edinam ye owo se iyomde yak enam ye nnyin. Nte nnyin inwanade ndinyene ima, emi eyenam nnyin isik ikpere Enye ye odudu Esie.
Ndima ndito-eka mi iban, edieke idade kiet ye mmo oro ebat-de owo ke mbio mme ke unyim—ke idem nnyin mme idiana ke otu—enyime ndikpuho idahaemi enyung enam mbon eken ekpuho. Item nnode edi oro, ndien nno mbufo nte isung-utom eke Obong Jesus Christ koro Spirit Esie eteme mi ete nting ntem nno mbufo ke akpan ibuot-ukpeb emi. Ami mmetie ntiense mbanga Jesus Christ, Andinyanga nnyin, emi ekekpebde nnyin ete ima kiet eken nte Enye akamade nnyin. Ami mbenge yak nnyin inam ntre, ke enying Jesus Christ, amen.