Hɛn Nserabangya ho Gyedzi
Hɔn a wɔhwehwɛ, wɔpendo, na wɔbɔ ho bra no, ɔtɔfabi a, atseetsee ho ahotɔ bɛba anaa obotum aba bio nkakrankakra.
Enuanom adɔfo, ana ɔnnyɛ nwanwa dɛ yebenya nkɔdo nyikyerɛ fi ɔsor a odua President Russell M. Nelson na hɛn Asɔr baanodzifo do a ɔfrɛ hɛn dɛ yɛmbɔ bra wɔ akwan afofor na ɔyɛ krɔnkrɔn mbordo mu,1 wɔ fie na wɔ asɔr, a yɛdze hɛn akoma hɛn adwen, na hɛn ahoɔdzen nyina a?
Ana enya kwan da dze ayɛ biribi a nna itse nkã dɛ nnyɛ ahoboa anaa woho nnso mu naaso inyaa wo mbɔdzenbɔ ho nhyira a?
Mayɛ bi da. Mfatoho kor nye yi.
Mfe bi a abasen kɔ no, Elder Richard G. Scott, a ɔyɛ Asomafo Duebuien no hɔn Quorumba no, frɛɛ me enyidzimu ara, “Gerrit, ana ibɛpɛ dɛ dɛ enye me drɔ adze a?
Elder Scott kãa dɛ pẽnti boa no ma ɔhwɛ adze na ɔwen. Ɔakyerɛɛw dɛ: “Bɔ mbɔdzen yɛ ɔwenfo, mpo sɛ no nsunsuando no ye ara a. … Awendzeyɛ botum ayɛ ndaase suban ama abrabɔ na ama dza Ewuradze dze ehyira wo. … Sɛ isan mu yi nyansa mu a, onnyi dɛ ɔgye mber dodow.’’2
President Henry B. Eyring kã n’adrɔ ho adwendwen ho asɛm dɛ “ɔdɔ nkã-tse,’’ a Bɔadze a n’enyi da Ne mba kwan dɛ wɔbɛyɛ tse dɛ Ɔno—dɛ wɔbɔwen na wɔbɛkyekyer no dɔ,’’ ka ho.3 President Erying ne awen ndwumahorow no ma sunsum mu nhumu soronko wɔ dasegye na gyedzi ho.’’4
President Boyd K. Packer n’adrɔ no kyerɛ asɛmpa asɛm fapem bi dɛ: Nyankopɔn nye ɔsor na asaase na ndzɛmba nyina a wɔwɔ mu no Ɔbɔfo, na ɔdomankoma abɔdze nyina gye dase wɔ nyɛe nhyehyɛɛ krɔnkrɔn no ho, na dɛ koryɛ [a] odzi mu da ɔdomankoma bɔadze, abɔdze nyansapɛ, na Jesus Christ n’asɛmpa no ntamu.’’5
Alma gye dase dɛ, “Ndzɛmba kyerɛ dɛ Nyame wɔ hɔ.’’6 Hɛn Primary mbofra tow, “Berbiara a metse anoma ne ndwom anaa mohwɛ wimu bruw, bruw no, … ɔyɛm’ enyigye dɛ metse wiadze fɛɛfɛw a Ɔsor Egya bɔɔ ma me no mu.’’7 Ɔkyerɛwfo Victor Hugo kyerɛkyerɛ mu dɛ “nkitahodzi nwanwa a ɔda nyimpa na ndzɛmba ntamu; wɔ wiadze kɛse yi mu no, fi ewia dze kesi abowaba do. … Nnoma a wotu nyina wɔ Nyankopɔn ne fã bi wɔ hɔn mu. … Nebula yɛ nworaba menyamenya a wɔaboa ano tse dɛ mfɔtsedan.’’8
Na ɔno dze hɛn san ba Elder Scott ne ɔfrɛ no.
Mubuaa dɛ, “Elder Scott,’’ mebɛpɛ dɛ mohwɛ na mowen adze yie. Ɔyɛ me awɔse dɛ mosusu Ɔsor Egya repẽnti mununkum sorɛkye na wimu na nsu biara enyi. Naaso’’—motwentweɔnee—Me see dɛ, “Elder Scott,’’ “Minnyi adrɔ ho nyimdzee biara. Ɔhaw me dɛ ɔbɛtseetsee wo dɛ erebɔ mbɔdzen akyerɛ me.’’
Elder Scott yerɛww n’ano na ɔhyehyɛɛ dɛ yenhyia. Da no soe no, osiesiee krataa, mpẽnti na brɔsoo no. Ɔdrɔɔ biribi na ɔboae fɔɔw krataa no maa me.
Yɛdze n’adrɔ fɛɛfɛw no a dzin no dze Nserabangya wɔ Witɔree no yɛɛ nhwɛdo. Ber a yɛrepẽnti no, yɛkãa gyedzi ho asɛm—mbrɛ sɛ hɛn enyim dzi hwɛ nserabangya ne kan na ne hyew no a, yegya hɛn haw na hɛn atseetsee wɔ hɛn ekyir—mbrɛ ɔtɔfabia wɔ hɛn nkodzen ber mu no, hɛn nserabangya ho gyedzi besi botum ama enyidado na awerɛhyɛmu. Na atseetsee no bɔ adze. Hɛn nserabangya ho gyedzi—hɛn nkaadze, sũahu horow, na gyedzi ho egyapadze wɔ Nyankopɔn ne papayɛ na n’adɔyɛ ehumbɔbɔr wɔ hɛn abrabɔ mu—no ahyɛ hɛn dzen wɔ atseetsee no nyina mu.
Me dasegye nye yi—hɔn a wɔhwehwɛ, wɔpendo, na wɔbɔ ho bra no,—ɔtɔfabia, atseetsee ho ahotɔ bɛba anaa obotum asan bio nkakrankakra. Sɛ yɛpɛ na yɛhwehwɛ, sɛ yenya abotar na yedzi Nyankopɔn ne mbrasɛm do, sɛ yɛyɛ krado gye Nyankopɔn n’adom, n’ayarsa, na n’ahyɛmudzi horow a, kan no bɛba.
Ber a yɛhyɛɛ ase pẽntii no, Elder Scott hyɛɛ nkuran dɛ, “Gerrit, idze adzesũa kor mpo no ibepẽnti biribi a ibɛpɛ dɛ idze sie na ikaa.’’ Nna Elder Scott n’asɛm yɛ nokwar. Hɛn nserabangya ho gyedzi no a Elder Scott boaa me ma me pẽnti no som me bo. Nna m’adrɔ ahoɔdzen suar na ɔdaho so suar, naaso hɛn nserabangya ho gyedzi ho nkaa no botum ahyɛ hɛn nkuran wɔ akwan enum mu.
Odzi kan, hɛn nserabangya ho gyedzi botum ahyɛ hɛn nkuran ma yenya dɛwdzi wɔ awenyɛ a odzi mu mu.
Dɛwdzi wɔ nsusui, erosua, na ereyɛ ndzɛmba afofor a mfaso wɔ ho mu. Iyi yɛ nokwar tsitsir ara ber a yɛhyɛ hɛn gyedzi na awerɛhyɛmu dzen wɔ Ɔsor Egya na Ne Ba, Jesus Christ mu. Yennkotum adɔ hɛnho yie dze agye hɛnho. Naaso Ɔsor Egya dɔ hɛn mbordo na onyim hɛn yie kyɛn dza yɛdze dɔ hɛnho anaa yenyim hɛnho. Yebotum dze hɛn werɛ ahyɛ Ewuradze mu na yɛnntwer hɛnankasa hɛn ntseasee.9
Ana ɔwo nko na ayɛ obi a ɔannto nsa ammfrɛ wo wɔ obi n’aponto ase da a?
Ana ɔwo nko na ayɛ obi a eka ekyir a woyi wo, anaa oennyi wo, ber a nna woriyi ekuwekuw da a?
Ana ayɛ skuul nsɔhwɛ, edwuma ho mpɛnsapɛnsamu, na kwan bi a ipɛ ankasa, ho ahoboa—na itsee nkã dɛ edzi nkogu a?
Ana abɔ nkitahodzi ho mpaa a siantsir bi ntsi, ɔannyɛ edwuma a?
Ana kɔannkɔ yarba ato wo, ɔhokafo apow wo, ma ebusua edzi yaw a?
Hɛn Agyenkwa nyim hɛn gyinabew ahorow. Ber a yɛdze pɛ a Nyankopɔn dze ama hɛn no dzi dwuma na yɛdze hɛn ahoɔdzen nyina wɔ ahobrɛadze na gyedzi mu yɛ edwuma a, hɛn Agyenkwa, Jesus Christ, botum aboa hɛn ma hɛn nsa aka abrabɔ mu taferbanyinmbɔmu na dɛwdzi horow. Pɛ na nsan mu dɛ ibɛgye edzi ka gyedi ho. Yeridzi Nyankopɔn ne mbrasɛm do no so dze gyedzi ba, a wɔdze ma dze hyira hɛn, ber a yedzi N’anamɔn kwan no do.
Sɛ yɛatse, anaa yɛtse, ekyingye ankonamyɛ, atseetsee, ebufuw, ndaadaa, abagura anaa yɛtsew hɛnho fi Nyankopɔn na N’Asɔr a wɔdze asanananmu no ho nkã a, ɔbɛgye mbɔdzembɔ na gyedzi dodow ma yɛdze asan akɛhɛn N’ahyɛmu anamɔn kwan no do bio. Naaso mfaso wɔ ho! Meserɛ bra, anaa bra Ewuradze Jesus Christ hɔ bio! Nyankopɔn no dɔ yɛ dzen kyɛn owu ntampehoma—honandua anaa sunsum mu o.10 Hɛn Agyenkwa no Werdambɔ no yɛ daapem na onnyiewiei. Hɛn mu kor biara man na ɔtɔ sin. Ebia, mber kakra mu no, yɛbɔfom hɛn kwan. Nyankopɔn ma hɛn awerɛhyɛmu ɔdɔ mu ara dɛ, bea a yeedu anaa dza yɛayɛ mmfa ho no, yebotum asan akɔ No hɔ. Ɔayɛ krado dɛ obotu efua hɛn.11
Otsĩa ebien, hɛn nserabangya ho gyedzi botum ahyɛ hɛn nkuran ma yɛasom wɔ akwan afofor, a ɔkrɔn, na ɔyɛ krɔnkrɔn mbordo mu a Sunsum no ekenyan.
Hɛn ahyɛmudzi horow no dze hɛn mu kor biara na Nyankopɔn bɔmu wɔ akwan bi mu a—yɛtse Nyankopɔn no dɔ nkã na yɛdze dɛm sunsum no hwehwɛ som binom.
Ɔnnkyɛree, na emi na Akyerɛbaa Gong nye egya na ebusua bi a onuabanyin nokwafo a okitsa asɔfodzi a ɔbaa hɔn bishop hɔ na ɔserɛɛ sɛ ɔno (onuabanyin a okitsa asɔfodzi) no botum nye egya no ayɛ ne home teaching nyɛnko dze hyiraa hɔn nyaa nkitahodzi. Nna egya no mmbɔ hyew na n’enyi so nngye home teaching ho. Naaso ber a egya no n’akoma sesae no, ɔno na onuabanyin dɔfo a okitsa asɔfodzi no hyɛɛ ase dɛ wɔreserɛ “hɔn’’ ebusua ebusua. Ɔsera kor a ɔtse dɛm n’ekyir no, ne yer—ɔnoara nna ɔnnkɔ asɔr—bisaa no kun mbrɛ ndzɛmba esi akɔ. Egya no gyee to mu dɛ, “ebia metsee biribi’’—afei ɔkɔr gyaadze kɔnoom beer.12
Mbom ndzɛmba toatoaa do: adɔyɛ sũahu horow, erosom, akoma sesa, temple ahosiesie adzesũa, wɔreba asɔr, wɔrosɔw hɔn ano dɛ ebusua wɔ temple krɔnkrɔn no mu. Dwendwen mbrɛ mbofra na nananom hɔn enyi esi asɔ hɔn egya na hɔn enã na onuabanyin a ɔsomee a ɔbaa dɛ hɔn egya ne fɛfo na nyɛnko dze som binom na wɔdɔ hɔn ho.
Nkuranhyɛ nserabangya ho gyedzi a otsia ebiasa: sɛ yɛhwehwɛ dze hɛn akoma na hɛn akra nyina dɔ Ewuradze na binom a awenyɛ dɛwdzi na nhyira horow ba.
Kyerɛwsɛm no frɛ hɛn dɛ yɛmfa hɛn mbɔdzenbɔ nyina nto ɔdɔ na som afɔrmbukyia no do. Ahyɛmu Dadaw mu no, Deutronomy tu hɛn fo dɛ “fa w’akoma nyinara, na ɔnye wo kra nyinara, na w’ahoɔdzen nyinara dɔ wo Nyankopɔn.13 Joshua tufo dɛ, “hom ndɔ Ewuradze hom Nyankopɔn, … na wɔnantsew n’akwan nyinara mu, … na wondzi ne mbrasɛm nyinara do, … na wɔntakyer no ho, na … na wɔmfa hom akoma nyinara nye hom kra nyinara nsom no.’’14
Ahyɛmu Fofor mu no, hɛn Agyenkwa kã mbrasɛm akɛse ebien no: “Dɔ Ewuradze wo Nyankopɔn wɔ w’akoma nyina mu, nye wo kra nyina mu, nye w’ahoɔdzen nyina mu, nye w’adwen nyina mu, … na wo nyɛnko dɛ wankasa woho.’’15
Mormon Nwoma: Jesus Christ N’Ahyɛmu Kor So mu no, Ɔhen Benjamin dze “ne nyimpadua nye ne kra na n’ahoɔdzen nyinara yɛɛ edwuma’’ na ɔmaa asomdwee baa asaase no do.16 Nkyerɛkyerɛ na Ahyɛmudzi mu no, dɛ mbrɛ asɛmpasomafo biara nyim no, Ewuradze serɛ hɛn dɛ yɛmfa hɛn “akoma, ahom, adwen, nye ahoɔdzen nyina nsom No.’’17 Mber a Ahotseweefo no kɛhɛɛn Jackson County no, Ewuradze maa hɔn mbrasɛm dɛ wonsie Ahomgyeda no krɔnkrɔn a “hom mfa hom akoma nyina, nye hom ahom, hom adwen, nye hom ahoɔdzen nyina ndɔ Ewuradze hom Nyankopɔn, na hom nsom no wɔ Jesus Christ ne dzin mu ‘’18
Yedzi ehurusi wɔ ɔfrɛ no mu dɛ yɛmfa hɛn akra nyina nhwehwɛ akwan a ɔkrɔn na ɔyɛ krɔnkrɔn mbordo mu dze adɔ Nyankopɔn nye hɔn a woetwa hɛn ho ehyia na yɛdze ahyɛ hɛn gyedzi dzen wɔ Ɔsor Egya na Jesus Christ mu wɔ hɛn akoma mu na wɔ hɛn efiefie na wɔ asɔr.
Otsĩa anan, hɛn nserabangya ho gyedzi hyɛ hɛn nkuran dɛ yɛnkyekyer tsenenee abrabɔ nhwɛdo a ɔhyɛ gyedzi na sunsum dzen.
Suban krɔnkrɔn yinom, tsenenee nhyehyɛɛ, anaa mpaabɔ nhwɛdo botum ayɛ mpaabɔ; kyerɛwsɛm nsũae; akɔnkye; yɛnam sacrament ayɛdze do rekaa hɛn Agyenkwa na ahyɛmudzi horow; yerudua asɛmpasomafo, temple na ebusua abakɔsɛm, na som bi do rekyɛ asɛmpa nhyira horow; yerekyerɛw hɛnankasa hɛn nsɛm wɔ journal mu; na dza ɔkeka ho ka ho.
Sɛ tsenenee nhwɛdo horow na sunsum mu akɔndɔdze horow bɔmu a, mber na mfesantsen ka bɔmu. Sɛ daadaa nyamesom asɛdze twe hɛn bɛn hɛn Ɔsor Egya na hɛn Agyenkwa, Jesus Christ a, sunsum mu kan na nkwa ba. Sɛ yɛdɔ sunsum no na ayɛdze horow no a, mfesantsen ho ndzɛmba botum asosɔ hɛn akra do tse dɛ bɔw a ofi sor.19 Yɛdze daadaa setsie na nkwa nsu a ɔma ahoɔdzen no, yenya nyiano, gyedzi, na ahoɔdzen dze gyina dabiara taferbanyinmbɔmu horow na akwan horow eyim a yɛdze asɛmpa abotar, nhumu, na dɛwdzi.
Otsĩa enum, sɛ yesie nhwɛdo horow a yenyim ber a yɛrohwehwɛ akwan afofor na ɔyɛ krɔnkrɔn mbordo dze adɔ Nyankopɔn ma wɔaboa hɛn na binom ma yɛayɛ ahoboa ehyia No a, hɛn nserabangya ho gyedzi botum ahyɛ hɛn nkuran ma yɛakaa dɛ emudzi wɔ Christ mu, onnyi hɛnankasa hɛn mu anaa wiadze ne gyinapɛn mu bi.
Ɔdɔ na botum ayɛ ahyɛ Nyankopɔn ne ɔfrɛ mu mã osiandɛ Jesus Christ nye “ɔkwan no, nye nokwar no, nye nkwa no.’’20 Hɔn a adzesoa da hom do no, Ɔfrɛ hom, “Hom mbra mo hɔ,’’ na hɔn a wɔba No hɔ, Ɔbɔ anohoba dɛ, “Mebɛma hom ahomgye.’’21 “Hom mbra Christ hɔ, na hom ndzi mu wɔ no mu, … na hom dze hom ahom, nye hom adwen nye hom ahoɔdzen nyina dɔ Nyankopɔn a, nna n’adom bɔdɔɔ sõ wɔ hom do, na ɔnam n’adom no do hom edzi mu wɔ Christ mu.’’22
Awerɛhyɛmu yi mu, “na ɔnam n’adom do hom edzi mu wɔ Christ mu’’ no so nye awerɛkyekyer, asomdwee, na anohoba dɛ yebotum dze gyedzi na awerɛhyɛmu wɔ Ewuradze mu akɔ kan mpo sɛ ndzɛmba nnkɔ dɛ mbrɛ hɛn enyidado, hɛn enyi da ho kwan, anaa ebia odzi wɔ hɛn no, a ɔnnyɛ hɛnara hɛn mfom, mpo dɛ yɛayɛ hɛn dze no yie koraa n’ekyir no.
Mber na akwan horow mu no, hɛn nyina tse dɛ hɛnho nso mu, ekyingye, ebia yenndzi mu nkã. Naaso wɔ hɛn anokwa mbɔdzembɔ mu dɛ yɛdɔ Nyankopɔn na yɛsom hɛn fipamfo no, yɛbɛtse Nyankopɔn no dɔ na nkenyan a yehia ama hɔn na hɛn abrabɔ wɔ akwan fofor na krɔnkrɔn mbordo mu.
Yɛdze ayamuhyehye no, hɛn Agyenkwa hyɛ nkuran na ɔbɔ anohoba dɛ yebotum “per kɔ kan gyina pintsinn wɔ Christ mu, nya enyidado a ɔhyerɛn na odzi mu, na hom nya Nyankopɔn nye nyimpa nyina ho dɔ.’’23 Christ ne nkyerɛkyerɛ, hɛn Agyenkwa no Werdambɔ, na yɛdze hɛn kra nyina ridzi N’ahyɛmu anamɔn kwan do no botum aboa hɛn ma yeehu No nokwar na yɛayɛ adehye.24
Megye dase dɛ wɔdze N’asɛmpa ne mãhyɛ na N’enyigye ho nhyehyɛɛ no asanananmu na wɔkyerɛkyerɛɛ wɔ Jesus Christ N’asɔr a ɔwɔ hɔ ma Nda a Odzi Ekyir Ahotseweefo mu, wɔ kyerɛwsɛm krɔnkrɔn mu, na nkɔnhyɛfo fi Nkɔnhyɛnyi Joseph Smith do dze besi President Russell M. Nelson do ndɛ. Megye dase dɛ N’anamɔn kwan no kɔ akyɛdze kɛsenara a hɛn Ɔsor Egya dɔfo bɔ anohoba dɛ: “Hom benya onnyiewiei nkwa.’’25
Ne nhyira horow na dɛwdzi a ɔmmbɔ adze da nyɛ hɛn dze ber a yɛka hɛn akoma na psi hyew wɔ hɛn nserabangya ho gyedzi ho, mobɔ mpaa wɔ Jesus Christ ne dzin krɔnkrɔn na ɔsom bo no mu, amen.