2010-2019
Ishu Masih ki Or Dekho
April 2019 Maha Sammelan
2:3

Ishu Masih ki Or Dekho

Elder Kim B. Clark dwara

Sattar ke

Agar hum Ishu Masih ki or dekhein, Woh hamein madad karega apne vachano ko nibhaane me aur apne niyukti ko pura karne me jaise Israel ke elders karte hai.

Jab Ishu Capernaum ke paas ek raaste pe chal raha tha1 ek bheed Uske aas paas ghere huwe thi, ek aurat jisko ek gambheer bimaari thi 12 saalo se uske haath badhakar aur Unke kapde ke modh ko chu liya. Turant hi use changaai mil gayi.2

Skripchas me likha hai ki Ishu, jaan gaya “ki [Unke] andar se [shakti] chali gayi hai,”3 “bheed me woh ghuma”4 aur “dekha … kisne yeh kiya tha.”5 “Jab u aurat dekhis ki woh chip nahi sakti thi,”6 woh “uske saamne jhuk gayi, aur apan pura haal use bataya.”7

Ishu ne usse kaha “Beti, tu sukhi rahe: tere vishwaas ne tujhe changa kiya hai; kushal se chali ja.”8

Ishu Masih ne us aurat ka uddhaar kiya. Woh sharirik rup se changi ho gayi thi, par jab Ishu ghum ke uske dekhis, u Unme apan biswaas zaahir karis aur Usne use changa kar diya.9 Usne usse pyaar se baat kiya, Apni swikriti ka ashuwaasan diya use, aur Apne shaanti ka ashish diya.10

Bhaaiyo, pavitra pristhud ke rakhnewaale hone se, hum uddhaar ke kaam me shaamil hai. Beete saal me, Prabhu i kaam ke aguwaai ke zimmedaari Israel ke elders ke dees raha.11 Prabhu hum long ke ek prerit aagya dees hai—girja ke bahano ke sange kaam kare ke, hum long ke ek zyaada pavitra tarika se dekhrekh kare ke hai, Israel ke ikattha kare la kaam veil ke duno taraf zyaada kare ke hai, apan ghar ke biswaas aur susamachaar seekhe la mandir ke rakam aayojit karo, aur duniya ke Ishu Masih ke Dusra Aagman ke liye taeyaar karo.12

Jaise ki sabhi cheezon me Uddhaarkarta ne tarika dikhaya hai: hum long ke chaahi Ishu Masih ke or dekho aur sewa karo jaise Usne Apne Pita ki or dhyaan diya aur sewa kiya.13 Uddhaarkarta Profat Joseph se i rakam bolis:

“Har scho mein meri or dekho; daaut nahi karo, daro nahi.

“Mere bagal ke ghao ko dekho, aur mere haathon aur paer ke neela ke nishaan ke dekho; biswaasi raho, hamaar aagya ke paalan karo, aur aap swarg ke raajye paaega”14

Maransheel jiwan se pehle, Ishu Apan Pita se waada karis raha ki Woh Apne Pita ki ichcha pura karega aur hamara Uddhaarkarta aur Muktidaata banega. Jab Uske Pita puchis, “Hum kiske bheji?”15 Ishu jawaab deis:

“Hum yahan hai, hamme bhejo.”16

“Pita, aapki ichcha puri ho, aur mahima bhi aapki ho hamesha ke liye.”17

Ishu wahi waada ke nibhaais, Apan pura maransheel jiwan me. Vinamtra, sabra, aur pyaar se, Usne Apne Pita ke siddhaant ko sikhaaya aur Apne Pita ka kaam us shakti aur adhikaar se kiya jo Uske Pita ne Use diya tha.18

Ishu ne Apna dil Apne Pita ko de diya tha. Usne kaha:

“Mai Pita se prem rakhta hoon.”19

“Mai hamesha wohi kaam karta hoon jisse Woh prasann hota hai.”20

“Mai apni ichcha nahi, parantu [us Pita ki, jisne] mujhe bheja hai ki ichcha … karne aaya hoon.”21

Gethsemane ke Apne takleef me, Usne praathna kiya, “To bhi meri nahi, parantu aapki hi ichcha puri ho.”22

Jab Prabhu Israel ke elders se kehta hai “har vichaar karne ke samay mujhe yaad karo” aur Uske punarjiwit sharir ke “mere ghaao ko dekho,” yeh pukaar hai paap aur duniya se hatne ka aur Unki or dhyaan kare ke aur Unhe pyaar karne aur sunne ka. Yeh pukaar hai Unke siddhaant ko sikhaane aur Uske kaam ko Uske tarike se karna. Isliye, yeh hai, ek pukaar Unpe puri tarah bharosa kare ke, uske ichcha sada karna aur apne dil ka dhyaan Unpe tikaana, aur Unke mukti ke shakti se Unke tarah banna.23

Bhaaiyo, agar hum Ishu Masih pe dhyaan denge, Woh hamein ashish dega Unke elders banne ke liye Israel me—vinamra, sabra, aagyakaari hoke, Uske pyaar se bhara.24 Aur hum Uske susamachaar aur Uske Girja ke anand aur ashish ko apne pariwaaron aur hamare bhaaiyo aur bahano me laaenge veil ke dono taraf.

Pradhaan Russell M. Nelson ne humse kaha hai ki hum Ishu Masih ki or isi tarah se dekhe: “Koi bhi aasaan ya turant hone waala nahi hai jab shaktishaali chela banna hota hai. Humare pura dhyaan Uddhaarkarta aur Uske susamachaar mein hona chahiye. Is me bahut dimaag lagana hoga har vichaar me Unko dekho. Agar hum karenge, humare sandeh aur dar bhaag jaate hain.”25

Rivet ek bada shabd hai. Iska matlab hai kas ke baandhna, dhyaan akarshit karna aur achcha se pakadna.26 Hum Ishu Masih aur Unke susamachaar par apna dhyaan akarshit karte hai apne vachano ko nibhaane se.

Jab hum apne vachano ko nibhaate hai, woh hamare har baat aur karm ko prerit karta hai. Hum ek vachan paalan ka jiwan jeete hai27 saadharan, daenik biswaas ke kaaryon se bhara jo Ishu Masih par dhyaan le jaate hai: dil se praathna karna Unke naam pe, Unke shabdo pe feast karna, paap ke chama ke liye Unke or mudna, Unke aagyaaon ka paalan karna, prabhubhoj lena aur Unke Sabbath ko pavitra rakhna, Unke pavitra mandir me bhakti karna jitni baar sako utna, aur Unke pavitra pristhud ko amal me laana Parmeshwar ke bachcho ki sewa ke liye.

Is tarah se vachano se prem karne se hamare dil aur dimaag Uddhaarkarta ke mukti dene waale shakti aur Pavitra Aatma ke shudh karne waale prabhaao ko apnaate hai. Niyam par niyam, Uddhaarkarta hamare swabhaao ko badalta hai, hum aur zyaada Unki or samarpit hote hai, aur hamare vachanein hamare dil me jiwit hote hai.28

Hum jo vachanein Swarg ke Pita se banate hai woh mazboot vaade ban jaate hai, hamare gehre ichchaaen. Swarg ke Pita vaada karte hai hamein bahut saara abhaar aur anand denge.29 Hamare vachanein tab hamare liye nibhaane ke liye niyam nahi reh jaate aur pasandida aadarsh ban jaate hai jo hamein prerit karte aur raah dikhaate aur Ishu Masih pe hamara dhyaan akarshit karte hai.30

Shraddha ke yeh kaarye sab ko uplabdh hai, jawaan aur budhe. Aap jawaan purush jinke paas pavitra Aaronic Pristhud hai, aaj raat maine jo bhi kaha hai aapse taallukh rakhta hai. Hum Parmeshwar ke aapke liye dhanyevaad deta. Aapke zariye pavitra dharamvidhiyaan aur vachanein milyano Antim-din Santon ke liye uplabh hoti hai har hafte. Jab aap sekrament taeyaar karte, bless karte, ya paas karte hai; dekhrekh karte; mandir me baptisma lete; ek dost ko activity me bulaate; ya apne korum ke sadasye ko rescue karte, aap uddhaar ka kaam karte ho. Aap bhi Ishu Masih ki or dekh sakte aur har din apne vachan nibha sakte hai. Hum aapse vaada karta ki agar aap aysa karenge, aap Prabhu ke bharosemand sewak rahenge aaj aur, aane waale kisi din, Israel ke mazboot elders.

Bhaaiyo, hum janta hai i sab saait bahut daraona lage. Lekin Uddhaarkarta ke i baat long ke kripya yaad rakhna: “Mai akela nahi, kyunki Pita mere saath hai.”31 Yah humare liye bhi sach hai. Hum akele nahin hai. Prabhu Ishu Masih aur hamare Swarg ke Pita humse pyaar karte, aur Woh hamare saath hai.32 Kyunki Ishu Apan Pita ke or dekhta raha aur mahaan praeshchit ke balidaan ke pura karis raha, hum long sakta Ishu Masih pe bharosa kare ki Woh madad karega.

Hum me koi ekdam behtar nahi hai. Kabhi kabhi hum bhi pragati nahi kar paate. Hum gumraah ya niraash ho jaate hai. Hum galti karte hai. Lekin agar hum Ishu Masih ki or pashchataapi dil se dekhenge, Woh hamein unnat karega, paap se mukt karega, maaf karega, aur hamare dil ko changa karega. Woh sabar karta aur dayalu hai; Uska mukti dene waala pyaar kabhi khatm nahi hoga aur na asafal hota.33 Woh hamein vachan nibhaane aur Israel me elders hone ke farz ko pura karne me madad karega.

Aur Pita hamein un sab cheez se ashish dega jisse Uske lakshye pure ho sake—“wo jo … swarg aur dharti pe hai, jiwan aur jyoti, Aatma aur shakti, bheja gaya Pita ki ichcha se unke Putra, Ishu Masih ke zariye.”34

Jab divye raushni aur shakti hamare jiwan me aati hai, teen chamatkaari cheez hote hai:

Pehla, hum dekh sakte hai! Praktikaran ke zariye hum Ishu ki tarah us aurat ko upar ke dikhawe se nahi sidha dil se dekhte hai.35 Jab hum Ishu ke tarah dekhte hai, Woh hamein ashirvaad deta unse pyaar karne ke liye jinhe hum sewa dete hai Unke pyaar se. Unke madad se, hum jinki sewa karenge ko Uddhaarkarta dikhega aur Woh unka pyaar mehsoos karenge.36

Dusra, hamare paas pristhud ki shakti hai! Hamare paas woh adhikaar aur shakti hai Ishu Masih ke naam se kaarye karne ka “ashish, maargdarshan, raksha, taaqat dena, aur dusro ko changa kar sake” aur unhe chamatkaar dein jinhe hum pyaar karte aur apne shaadi aur pariwaaron ko surakshit rakkhe.”37

Teesra, Ishu Masih hamare saath jaata hai! Jahan hum jaate hai, Woh jaata hai. Jahan hum padhate hai, Woh padhata hai. Jab hum sahanubhuti dete, Woh bhi sahanubhuti deta. Jab hum ashish dete, Woh bhi ashish deta.38

Bhaaiyo, kya hamare paas jayjaykaar karne ki wajah nahi? Hamare paas wajah hai! Hamare paas Parmeshwar ka pavitra pristhud hai. Jab hum Ishu Masih ki or dekhenge, apne vachano ko nibhaaenge, aur apna dhyaan Unki or akarshit karenge, hum girja ke bahano ke saath mil ke ek pavitra dhang se dekhrekh karenge, veil ke dono taraf ke bikhre Israel ko ikattha karenge, apne pariwaar ko mazboot aur seal karenge, aur duniya ko Prabhu Ishu Masih ke Dusre Aagman ke liye taeyaar karenge. Aysa zaroor hoga. Hum i gawahi deta hai.

Anth me hamaar dil ke yeh praathna hai, ki hum sab, har ek jan, Ishu Masih ki or har khyaal me dekhe. Shak mat karna. Darna mat. Ishu Masih ke naam se, amen.

Not

  1. James E. Talmage ne Ishu ko “Capernaum ke ilaake me rakkha” jab i changaai hota raha (dekhiye Jesus the Christ [2001], 291).

  2. Dekhiye Luke 8:43–44; Matthew 9:20–21; Mark 5:25–29bhi dekhiye.

  3. Luke 8:46.

  4. Mark 5:30.

  5. Mark 5:32.

  6. Luke 8:47.

  7. Mark 5:33.

  8. Luke 8:48.

  9. James E. Talmage likhis ki sharirik changaai se zyaada mol ke raha u mahila ke liye u ashwaasan ki Uddhaarkarta uske mann ke ichcha pura kar dees hai aur ki Usne iske biswaas ko swikaar liya (dekhiye Jesus the Christ, 318). Ishu uske sharirik aur aatmik rup se changaa karis raha aur uske liye uddhaar ke rasta kholis.

  10. Yeh shikshaprad hai ki Jairus, jo mandir ka ek rula, Ishu ke saath tha jab yeh changaai diya gaya. Ishu Jairus ke ghar jaata raha, jahan Uske Jairus ke beti ke maut se zinda kare ke raha. Jon aurat ke Ishu changaa karis raha ke toh mandir se nikaal diya ge raha hoi uske takleef ke kaaran. Jab Ishu uske changaai dees, U wahan maojood sab ke batae dees raha, jisme Jairus bhi raha, ki woh ek priye beti hai, biswaasi aurat, aur saaf sharir aur aatma me.

  11. Dekhiye D. Todd Christofferson, “The Elders Quorum” (Liahona, May 2018, 55–58) us charcha ke liye jo ek ward ke Melchizedek Pristhud korum me badlaao laaega. I badlaao ke wajah Dekhrekh ke website ke Frequently Asked Questions bhaag me ayse likha raha: “Ward me ek Melchizedek Pristhud ka korum hone se pristhud rakhnewaale ekta me bandh jaate hai uddhaar ke kaam ke sabhi pehlu ke pura kare me, jisme shaamil hai mandir aur parivaar itihaas kaarye jo pehle hgh priest grup nirdesh karta tha” (“This Is Ministering: Frequently Asked Questions,” question 8, ministering.ChurchofJesusChrist.org).

    Iske baad me kiye badlaao se ward mishan leedar aur ward ka naya mandir aur pariwaar itihaas leedar ab elders korum ke adhyakshta ke nirdeshan me rahenge. Pehle pariwaaro ki dekhrekh adhyakshtaaon ke nigraani me tha hi, yeh badlaao se elders korum ko uddhaar ke kaam ka aguwaai saupa gaya hai, Sahayak Sansthaaon ke sehyog me. Vaastao me, ward me uddhaar ke kaam ki chaabiyaan bishop ki thi, lekin woh is kaam ki zimmedaari aur adhikaar elders korum pradhaan ko deta hai taaki bishop apne pariwaar ke dekhrekh me zyaada samay bita sake, yuva ko mazboot kar sake, aur Israel me judge ka kaam karta rahe.

  12. Dekhiye Russell M. Nelson, “Let Us All Press On,” Liahona, May 2018, 118–19; Russell M. Nelson, “Becoming Exemplary Latter-day Saints,” Liahona, Nov. 2018, 113–14; Quentin L. Cook, “Gehra aur Lambe Samay ka Samarpan Swarg ke Pitah aur Prabhu Ishu Masih ke Or,” Liahona, Nov. 2018, 8–12.

  13. Pita ne Ishu Masih ko is duniya me bheja (dekhiye John 17:18).

  14. Doctrine and Covenants 6:36–37.

  15. Abraham 3:27.

  16. Abraham 3:27.

  17. Moses 4:2.

  18. Bahut saare skripchas me Ishu ke baat likhe hai jab Woh Apne Pita ke kaam karta aur Apne Pita ke siddhaant ko sikhaata hai. Dekhiye, uddharan ke liye, John 5:19 (Ishu wahi karta hai jo Usne Pita ko karte dekha hai); John 5:36 (Pita ne Apne Putra ko kaam saupa); John 8:26 (Ishu ne sikhaya Use Apne Pita se kya mila); John 14:28 (Ishu ne kaha, “Mera Pita mujhse bada hai”); 3 Nephi 11:32 (Uska dharamsiddhant wohi dharamsiddhaant hai jo Uske Pita ne Use diya tha).

  19. John 14:31.

  20. John 8:29.

  21. John 6:38; John 5:30bhi dekhiye.

  22. Luke 22:42.

  23. Yeh shabd dekho ka arth is waakye me (dekhiye Doctrine and Covenants 6:36–37) woh hai jo Prabhu ke pukaar se juda hai: ka saamna karna (ya ki or mudna); apna dyaan modna; par nirbhar hona; khojna; aasha se intazaar karna; vichaar me rakhna ek dhaal ki tarah; ki apeksha karna ya ummeed rakhna (dekhiye “Look,” Merriam-Webster.com).

  24. Dekhiye Doctrine and Covenants 121:41–42. Woh Masih-jaise gun jo skripchas me kaha jaata hai woh Aatma ke uphaar hai jo Ishu Masih ke daya aur mahima se milta hai. Inse hi Israel ke elders Uske elders bante hai.

  25. Russell M. Nelson, “Humare Jiwan mein Ishu Masih ke Shakti ko Akarshit Karna,” Liahona, May 2017, 41.

  26. Dekhiye merriam-webster.com, “rivet.”

  27. Is ek vachanbadh jiwan vishay pe charcha ke liye, dekhiye Donald L. Hallstrom, “Living a Covenant Life,” Ensign, June 2013, 46–49. Yeh article ek lambe bhaashan se liya gaya jo May 2011 me Brigham Young University–Idaho pe diya gaya tha May 2011 me. Iske pure bhaashan ke liye, dekhiye Donald L. Hallstrom, “A Covenant Life” (Brigham Young University–Idaho devotional, May 10, 2011), byui.edu.

  28. Dekhiye Jeremiah 31:31–33, jahan Prabhu kehta hai ki Woh Israel ke gharane se ek naya vachan lega jo unke dilon pe likha hoga. Yeh khayaal ki vachan hamare dilon pe likha hoga, ya vachan jo hamare dilon me jiwit ho jaate hai, Paul ke lekhon me bhi milta hai (dekhiye 2 Corinthians 3:3; Hebrews 8:10). Samarpan aur hriday pe charcha ke liye, dekhiye David A. Bednar, “Converted unto the Lord,” Liahona, Nov. 2012, 106–9.

  29. Bread par jo prabhubhoj praathna bola jaata hai itni sundarta se hamare Swarg ke Pita ke saath ke vachanbadh rishte ke swabhaao ko dikhata hai. Pita ke uddhaar ke yojna me, hum apne Swarg ke Pita se vachan lete hai, par vachano ka lakshe jaana jaata hai aur hum vaada kiye ashish ke kaabil hote hai Prabhu Ishu Masih ke zariye, Wohi Madhyaksh hai. Prabhubhoj ke dharamvidhi me, hum Pita ko gawahi dete hai (jisse, Unke saath ek naya vachan banate hai) ki hum apne upar Ishu Masih ka naam lena chahate hai, Use hamesha yaad karenge, aur Uske aagyaaon ka paalan karenge, ki Unki Aatma (Pavitra Aatma) hamare saath sada rahe.

    Pita ke vaadon me jo uphaar hai Ishu Masih ke mukti dilaane aur mazboot karne waale shakti se milta hai. Uddharan ke liye, jaise Pradhaan Russell M. Nelson ne sikhaaya, Ishu Masih “sab khushiyaali ka zariya hai” (dekhiye “Joy and Spiritual Survival,” Liahona, Nov. 2016, 82). Is tarah, hum apne dhyaan Ishu Masih pe akarshit kare apne jiwan me khushi laaenge chaahe jo bhi paristhiti ho.

  30. Pradhaan Ezra Taft Benson i badlaao ke asar ke swabhaao aur niti pe bolis, “Jab aagyakaarita takleef dena band kar deta hai aur hamara khoj ban jaata hai, usi pal me Parmeshwar hum par apni shakti dega” (Donald L. Staheli, “Obedience—Life’s Great Challenge,” Ensign, me May 1998, 82).

  31. John 16:32.

  32. I baat pe aur charcha ke liye Pita aur Putra ki chinta, dilchaspi, ke liye pyaar, sambandh hamare jiwan me, dekhiye Jeffrey R. Holland, “The Grandeur of God,” Liahona, Nov. 2003, 70–73; Henry B. Eyring, “Mere Saath Chal,” Liahona, May 2017, 82–85. Matthew 18:20; 28:20; Doctrine and Covenants 6:32; 29:5; 38:7; 61:36; 84:88bhi dekhiye.

  33. Dekhiye Romans 8:35–39; 1 Corinthians 13:1–8; Moroni 7:46–47.

  34. Doctrine and Covenants 50:27. Yeh not kijiye ki jo log ordained hai ko Prabhu deta hai aur yeh waada bheja hai jiske taallukh hai, aur ke daere tay hote hai, unhe diye gaye kartavvye se:

    “Usi ko bada tehraaya jaata hai, eh na sochte huwe ki woh sabse chota aur sab ka naokar hai.

    “Is kaaran, woh sab ka swaami hai; kyunki sabhi cheeze us ke bas me hai, jo sab swarg aur dharti pe hai, jiwan aur jyoti, Aatma aur shakti, Pita ke ichcha se diya gaya Ishu Masih ke zariye, jo Uska Putra hai.

    “Par koi insaan ke paas sab nahi hota jab tak ki woh sab paap se shudh aur saaf na ho jaaye.

    “Aur jab aap sab paap se shudh aur saaf ho jaate ho, aap kuch bhi Ishu ke naam se maangoge aur woh ho jaaega” (Doctrine and Covenants 50:26–29).

  35. Dekhiye 1 Samuel 16:7; 1 Corinthians 2:14. Ishu ke tarah dekhne ke is ashirvaad ke uddharan ke liye, dekhiye Pradhaan Henry B.Eyring ka kahani jab woh ek jawaan ladke ka bishop tha jisne koi gunaah nahi kiya tha. Prabhu ne us samay ke-Bishop Eyring se kaha, “Mai tumhe use us tarah dikhaunga jaise mai tumhe dekhta hoon” (“Mere Saath Chal,” 84).

  36. Yahi waada hai aur salaah jo Uddhaarkarta ne Bountiful mandir par logon ko diya tha. Usne unhe aagya di ki ayse jiyo ki Uski Raushni aur Uska uddharan unme ho, jisse woh Use duniya ko raushan karne ke liye uthaae apne jiwano me aur apne nimantrano me dusro se Unke paas aane ke. Jaise ki Unke chele is tarah jeete the aur is tarah amantrit karte the, anye log Unhe mehsoos karenge aur Unhe dekhenge Prabhu ke sewakon me. (Dekhiye 3 Nephi 18:24–25.)

  37. See Russell M. Nelson, “Purohiti Shakti ki Keemat,” Liahona, May 2016, 68.

  38. Dekhiye Doctrine and Covenants 84:88.