“එන්න, මා අනුගමනය කරන්න”
ස්වර්ගික දෙමාපියන් වෙතට නැවත යන ගිවිසුම් මාවතට අපිව ගෙන අපි ආදරය කරන අය සමග ඉන්නට යේසුස් ක්‍රිස්තුස්වහන්සේ අපට ආරාධනා කරයි.
මගේ ආදරණීය සහෝදර සහෝදරියනි, මමත් මගේ භාර්යාව වන වෙන්ඩිත් මෙම සබත් උදෑසන ඔබ සමග සිටීමට හැකිවීම ගැන ප්‍රශංසා කරනවා. පසුගිය ප්‍රධාන සම්මන්ත්‍රණයේ සිට බොහෝ දේ සිදුවුණා. කන්සෙප්සියොන්, චිලී; බැරැන්කුවිලා, කොලොම්බියාව; සහ ඉතාලියේ රෝමය දේවමාළිගා කැපකරනු ලැබුවා. මෙම ශුද්ධවූ සිදුවීම් තුල ආත්මයාණන්ගේ පිටාරගැලීම අපි අත්වින්ඳා.
මෝර්මන් පොත කියවා ප්‍රීතිය සහ සැඟවුණු ධනය සොයාගත් බොහෝ කාන්තාවන්ට සහ පිරිමින්ට මම සුභ පතනවා. ලැබුණු ප්‍රාතිහාර්යන් ගැන මට ලැබුණු වාර්තා ගැන මම සතුටු වෙනවා.
ඩීකන්වරුන් ලෙස සුදුසුව සෑම ඉරිදාවකම සක්‍රමේන්තුව බෙදාදෙන වයස අවුරුදු-11 තරුණ පිරිමි ළමුන් ගැන මම පුදුම වෙනවා. බීහයිවිස් ලෙස ඉගෙනගන්නා සහ සේවය කරනා වයස-අවුරුදු-11 තරුණ ගැහැණු ළමුන් සමග ඔවුන් දේවමාළිගාවට යනවා. තරුණ පිරිමි ළමුන් සහ ගැහැණු ළමුන් යන දෙපිරිසම පැහැදිලිව සහ පිළිගැනීමෙන් සුභාරංචි සත්‍යන් දේශනා කරනවා.
සහා සහය සහිත ගෘහාශ්‍රිත ක්‍රියාකාරකම අනුගමනය කරමින් නිවසේදී ඔවුන්ගේ දෙමාපියන් සමග සුභාරංචිය ඉගෙනීමට උදව් වන දරුවන් සහ තරුණ තරුණියන් සමග මම ප්‍රශංසා කරනවා.
වයස අවුරුදු හතරක් වන කුඩා බ්ලේක් ගේ මෙම පින්තූරය අපිට හමුවුණා, ඔහු සෙනසුරාදා පාන්දර, සභාවේ පොතක් අරගෙන “මගේ ආත්මය පෝශණය කරන්නට අවශ්‍යයි” කියමින් ප්‍රකාශ කරලා තිබුණා.
බ්ලේක්, යේසුස් ක්‍රිස්තුවහන්සේගේ නැවත පිහිටවූ සුභාරංචි සත්‍ය මත භුක්ති විඳිමින් ඔවුන්ගේ ආත්ම පෝශණය කරන්නට තෝරාගන්නා අනෙක් අයත් ඔබ ගැනත් අපි සතුටුයි. එමෙන්ම, දේවමාළිගාවේ සේවය කරමින් සහ වන්දනාමාන කරමින් ඉන්නා අයගේ ජීවිත වලට දෙවියන්වහන්සේගේ බලය ලැබෙන බව දැනගැනීම ගැන අපි සන්තෝශ වෙනවා.
ඔබ බොහෝ දෙනා දන්නා පරිදි, මෙම ලෞකික ජීවිතයෙන් අපගේ දියණිය වෙන්ඩි වෙන්වී ගියවිට මාස 3 කට කලින් අපගේ පවුල සියුම් වෙන්වීමක් අත්දැක්කා. පිළිකාව සමග ඇයගේ සටනේ අන්තිම දින වල, අපගේ සමුගැනීමේ පියා-දුවගේ සාකච්ජාවක් කරන්නට අවස්ථාවක් සමග මම ආශිර්වාද ලැබුවා.
මම ඇගේ දෑත් අල්ලාගෙන මම ඇයට කෙතරම් ප්‍රේම කරනවාද සහ ඇයගේ පියා වීම ගැන සතුටු වෙනවාද කියලා ඇයට කිව්වා. මම කිව්වා: “ඔබ දේවමාළිගාවේ විවාහ වී ඇදහිලිවන්තව ඔබගේ ගිවිසුම් වලට ගෞරව කළා. ඔබත් ඔබගේ ස්වාමිපුරුශයාත් ඔබගේ නිවසට දරුවන් හතක් ලබාගෙන යේසුස් ක්‍රිස්තුස්වහන්සේගේ කැපවූ අනුගාමිකයන්, නිර්භීත සභා සාමාජිකයන් සහ යහපත් පුරවැසියන් වෙන්නත් ඔවුන්ව හැඩිදැඩි කළා. එසේම වූ සහකරුවන් ඔවුන් තෝරාගෙන ඉන්නවා. ඔබේ පියා ඔබ ගැන බොහෝම බොහෝම ආඩම්බරයි. ඔබ මට බොහෝ ප්‍රීතිය ගෙනවිත් තියෙනවා!”
ඇය නිහඬව පිළිතුරු දුන්නා, “ස්තූතියි තාත්තෙ.”
අපට එය ඉතා මෘදු සහ කඳුලින් යුත් අවස්ථාවක් වුණා. ඇයගේ අවුරුදු 67 පුරාවට, අපි එක්ව වැඩ කළා, ගායනා කළා, යම් වේලාවල එකට පියාසර කළා. නමුත් එම සැඳෑවේදී, ගිවිසුම්, වත්පිළිවෙත්, කීකරුකම, ඇදහිල්ල, පවුල, භක්තිය, ප්‍රේමය සහ සදාකාලික ජීවිතය යන වඩා වැදගත් දේවල් ගැන අපි කථා කළා.
අපිට බොහෝම ලෙස අපගේ දුවව මතක් වෙනවා. කෙසේවුවත්, යේසුස් ක්‍රිස්තුස්වහන්සේගේ නැවත පිහිටවූ සුභාරංචිය නිසා, අපි ඇය ගැන දුක්වෙන්නේ නෑ. දෙවියන්වහන්සේ සමග අපගේ ගිවිසුම් වලට ගෞරව කිරීම අපි නොනවත්වා කරගෙන යන විට, අපි ඇය සමග නැවත සිටීමේ අපේක්ශාවෙන් ජීවත් වෙනවා. මේ අතරතුර, අපි මෙහිදී ස්වාමීන්වහන්සේට සේවය කරන අතර ඇය එහි පාරාදීසයේ සිට උන්වහන්සේට සේවය කරනවා.
ඇත්තටම, මගේ බිරිඳ සහ මම මේ අවුරුද්දෙ මුල පාරාදීසයට ගියා - ඒ කැලිෆෝනියාවේ පාරාදීසයට. එය සිදු වූ විට, අපගේ සංචාරය සිදුවන්නට නියමිත වී තිබුණේ අපේ දුව මේ ලෝකයෙන් පිට වී පැය 40 කට පසුවයි. අපි, වැඩිහිටි කෙවින් ඩබ්. පියර්සන් සහ ඔහුගේ බිරිඳ ජූන් සමග චිකෝ කැලිෆෝනියා ස්ටේකයේ ශාන්තුවරයන් මගින් දිරිගැන්වුණා. කැලිෆෝර්නියාවේ ඉතිහාසයේ ඉතාමත් විනාශකාරී ලැව්ගිනි වලින් ඔවුන්ගේ විනාශකාරී හානිය මධ්‍යයේ වුවද, ඔවුන්ගේ මහා විශ්වාසය, ඔවුන්ගේ සේවය හා ආශ්චර්යයන් ගැන අප ඉගෙන ගත්තා.
එතැන සිටි අතරේ, අපි බොහෝ නිර්භීතව පළමු ප්‍රතිචාර දැක්වූ එක් තරුණයෙකු වන ජෝන්, තරුණ පොලිස් නිලධාරියෙකු සමග දීර්ඝ වශයෙන් අපි කතා කළා. 2018 නොවැම්බර් 8 වන දින පාරාදීසයට පැමිනි ඝණ අන්ධකාරය ඔහු සිහිපත් කළා, ගිනි හා උල්පත් නගරයෙන් ගලා ඒම, දේපළ හා අයිති දේවල් විනාශ කිරීම නිසා අළු කැබලි සහ ඝණ ගඩොල් චිමිනි පමනක් ඉතිරි වෙලා තිබුණා.
පැය 15 ක් පුරා, ජෝන් තම ජීවිතය අනතුරේ දමමින්, සිටින පුද්ගලයින් සහ පවුලෙන් පසු පවුලෙන් පසුව පවුලෙන් උදව් කරන අතරතුර, තර්ජනාත්මක කණ්නාඩිවලින් හෙල්ලන ලද නොකැඩෙන අන්ධකාරයක් හරහා ගමන් කළා. එහෙත් එම වෙහෙසකාරී වේලාවේ දී ජෝන් බොහෝ භය වූ ප්‍රශ්ණය වුණේ: “මගේ පවුල කොහේද?” බොහෝ දුක්ඛිත වේදිකාවලින් පසුව, අවසානයේ ඔහු ඔවුන්ගේ ආරක්ෂිතව ඉවත් කිරීම ගැන ඉගෙනගත්තා.
ජෝන්ගේ පවුලේ අය ගැන ඔහුගේ සැලකිලිමත් වීම නිසා, ඔබේ ජීවිතයේ අවසානය ළඟා වන විට, “මගේ පවුල කොහේද” කියා අසන්නන්ට කථා කිරීමට මම පෙළඹුනා. මෙම ලෝකයේ පරිවාස කාලය අවසන් කොට ආත්මික ලෝකයට ඇතුල් වන එම එලෙඹෙන දිනයේ, “මගේ පවුල කොහෙද?” යන මූණට මූණ හදවත කලඹන ප්‍රශ්ණය ඔබත් අසාවි.
යේසුස් ක්‍රිස්තුස්වහන්සේ අපගේ සදාකාලික ජීවිතයට මාර්ගය උගන්වනවා. සදාකාලික වර්ධනය සඳහා අපගේ ස්වර්ගික පියාණන්වහන්සේගේ සැලැස්ම අපි කාටත් වඩා හොඳින් උන්වහන්සේ තේරුම්ගන්නවා. සැම දෙයකටම වඩා, එහි මුල්ගල උන්වහන්සේයි. උන්වහන්සේ අපගේ ගැලවුම්කරුවාණන්, සුවකරන තැණැන්වහන්සේ සහ මිදුම්කරුවාණන්.
ඒදන් උයනෙන් ආදම් සහ ඒව නෙරපා හැරුණු දින සිටම, යේසුස් ක්‍රිස්තුස්වහන්සේව අනුගමනය කරන්නට තෝරාගන්නා හැමකෙනෙකුටම උදව් කරන්නට උන්වහන්සේගේ මහත් දෑත ලබාදුන්නා. නැවත නැවතත්, ශුද්ධලියවිලි වාර්තා කරන ආකාරයට, මිනිසුන්ගේ විවිධාකාර වූ පාප කුමක් වුවත්, උන්වහන්සේගේ දෑත් තවමත් දිගුවී තියෙනවා.
අප තුල ඇති ආත්මය ස්වභාවයෙන්ම සදාකාලික පවුලක ප්‍රේමය සඳහා ආශා කරනවා. ඔබට සදහටම එකට ඉන්නට අවශ්‍යනම් අවශ්‍ය එකම දෙය ප්‍රේමය බව ආදර ගීත නොපවතින බොරු බලාපොරොත්තුවක් ලබාදෙනවා. මරණයෙන් පසුව සියළුම මනුශ්‍යන්ට තම ආදරණීයයන් සමග සිටීමට හැකි ලෙස පොරොන්දුවක් යේසුස් ක්‍රිස්තුස්වහන්සේගේ නැවත නැගිටීම මගින් ලබාදෙන බව සමහරු වැරදි ලෙස විශ්වාස කරනවා.
සත්‍ය ලෙසම, ජීවත් වූ සියළු දනාම සදාකාලයට ජීවත් වීමට නැවත නැගිටින බව ගැලවුම්කරුවාණන්ගේ නැවත නැගිටීම තුලින් ලැබෙන බව උන්වහන්සේ අතිශයින්ම පැහැදිලිව කීවත්, ඊටත් වඩා උසස් වූ උත්කෘශ්ට වීම ලැබීමට ඊට වැඩි දෙයක් බලාපොරොත්තු වෙයි. ගැලවීම පෞද්ගලික කාරණයක් නමුත්, උත්කෘශ්ට වීම පවුලේ කාරණයකි.
ස්වාමින්වූ යේසුස් ක්‍රිස්තුස්වහන්සේ උන්වහන්සේගේ දිවැසිවරුන්ට කී මෙම වචන වලට සවන්දෙන්න: “ශුද්ධාත්මයාණන්වහන්සේගේ පොරොන්දුවෙන් මුද්‍රාකර ඇතුළු වූ සියළුම ගිවිසුම්, පොරොන්දු, බැඳීම්, වගකීම්, දිවුරුම්, භාරයන්, කාර්යසාධනය, සම්බන්ධතා, සංගම් හෝ අපේක්ශාවන් … මරණයෙන් නැවත නැගිටීම සඳහා කිසිඳු කාර්යක්ශමතාවක්, ගුණයක් හෝ බලයක් නැත; මෙම අවසානය සඳහා ලඟා නොවූ සියළුම ගිවිසුම් මනුශ්‍යන්ගේ අවසානයත් සමගම අවසාන වේ.”
ඉතින්, පවුලකට සදාකාලයටම උත්කෘශ්ට වන්නට අවශ්‍ය වන්නේ මොනවාද? දෙවියන්වහන්සේ සමග ගිවිසුම් ඇතිකරගැනීමෙන්, එම ගිවිසුම් තැබීමෙන් සහ අත්‍යවශ්‍ය වත්පිළිවෙත් ලබාගැනීමෙන් එම වරප්‍රසාදය සඳහා අපි සුදුසු වන්නෙමු.
ආරම්භයේ සිටම මෙය සත්‍යයි. ආදම් සහ ඒව, නෝවා සහ ඔහුගේ බිරිඳ, ආබ්‍රහම් සහ සාරා, ලීහායි සහ සරායා, සහ යේසුස් ක්‍රිස්තුස්වහන්සේගේ කැපවූ සියළුම අනුගාමිකයින් - ලෝකය මැවීමේ සිටම - එවන් වූ සමානම ගිවිසුම් දෙවියන්වහන්සේ සමග සාදාගෙන ඇත. ස්වාමින්වහන්සේගේ නැවත පිහිටවූ සභාවේ සාමාජිකයන් ලෙස අපි බෞතිස්මයේදී සහ දේවමාළිගාවේදී ලබාගන්නා ගිවිසුම් ඒ හා සමානම වූ වත්පිළිවෙත් තුලින් ඔවුන්ද ලබාගන්නවා.
ජලයෙන් බෞතීස්ම වන්නට, සහ අවශ්‍ය ලෙස දෙවියන්වහන්සේ සමග දේවමාළිගාවේදී, අමතර ගිවිසුම් ඇතිකරගැනීමට සහ අත්‍යවශ්‍ය වත්පිළිවෙත් ලබාගැනීමට සහ ඒවා වලට ඇදහිලිවන්තව ලබාගැනීමට ගැලවුම්කරුවාණන් ආරාධනා කරයි. අපට අපගේ පවුල් සමග උත්කෘශ්ට වීමට සහ දෙවියන්වහන්සේ සමග සදාකාලයටම සිටීමට නම් මේ සෑම දෙයක්ම අවශ්‍යයි.
උන්වහන්සේගේ ආරාධනාව අගය කිරීම සහ ගෞරව නොකරන මම ආදරය කරන බොහෝ අය ගැන මගේ හදවත වේදනාවෙන් පිරී යයි. “එන්න, මා අනුගමනය කරන්න” යන යේසුස් ක්‍රිස්තුස්වහන්සේගේ ආයාචනාව ඔවුන් ප්‍රතික්ශේප කරයි.
දෙවියන්වහන්සේ වැළපෙන්නේ ඇයි දැයි මට තේරෙනවා. එවන් වූ මිතුරන් සහ නෑදෑයන් සඳහා මමත් වැළපෙනවා. ඔවුන් ඔවුන්ගේ පවුලට කැපවූ සහ බොහෝ වගකීම් සහිත පුදුමාකාර පිරිමින් සහ කාන්තාවන්. ඔවුන් ඔවුන්ගේ කාලය, ශක්තිය සහ සම්පත් ත්‍යාගශීලී ලෙස ලබාදෙනවා. ඔවුන්ගේ ප්‍රයත්න සඳහා ලෝකය වඩාත් හොඳයි. නමුත් දෙවියන්වහන්සේ සමග ගිවිසුම් සෑදීමට ඔවුන් තෝරාගෙන නෑ. ඔවුන්ගේ පවුල් හා සමග උත්කෘශ්ට වන්නටත් සදහටම ඔවුන් සමග බැඳෙන්නටත් අවශ්‍ය වත්පිළිවෙත් ඔවුන් ලබාගෙන නෑ.
ස්වාමින්වහන්සේගේ සක්‍රීය නීතීන් බැරෑරුම්ව සලකා බලන ලෙස ඔවුන්ට ආරාධනා කරන්නට ඔවුන්ට බැහැදකින්නට ඇත්නම් යැයි කෙතරම් නම් මට සිතෙනවාද. ගැලවුම්කරුවාණන් ඔවුන්ට ඇති ආදරය දැනීමටත්, මම ඔවුන්ට කෙතරම් ප්‍රේම කරනවාද කියා දැනගැනීමටත් සහ ගිවිසුම් තබන මිනිසුන් සහ කාන්තාවන් “ප්‍රීතියේ සම්පූර්ණත්වය” ලබාගත හැකි හඳුනාගැනීමටත් මට ඔවුන්ට කිවහැක්කේ කුමක්දැයි මම පුදුම වෙනවා.
දෙවියන්වහන්සේ සමග ගිවිසුම් තබා නොගන්නට තෝරාගත් පුදුමාකාර මිනිසුන් සහ කාන්තාවන් සමග - මෙයින් පසුත් ඔවුන්ට ස්ථානයක් ඇති බව ඔවුන් තේරුම්ගත යුතු වුවත් - එය පවුල් නැවත එකතු වී සදහටම ජීවත් වීමටත් වර්ධනය වීමටත් අවස්ථාවක් සපයන ස්ථානයක් නොවේ. මෙය ඔවුන් අසීමිත වර්ධනයේ සහ සතුටේ - සම්පූර්ණ ප්‍රීතිය අත්විඳින රාජධානියක් නොවේ. එම අද්විතීය ආශිර්වාද පැමිණෙන්නේ අපගේ සදාකාලික පියාණන් වූ දෙවියන්වහනේ; උන්වහන්සේගේ පුත්‍රයාණන් වූ යේසුස් ක්‍රිස්තුස්වහන්සේ; සහ අපගේ අනර්ඝ සුදුසු පවුලේ සාමාජිකයින් සමග උසස් වූ සෙලෙස්ටියල් රාජ්‍යයේ ජීවත් වීම තුලින් පමණි.
මගේ නිහඬ මිතුරන්ට මට මෙසේ කීමට හිතෙනවා:
මේ ජීවිතයේදී, දෙවනියට හොඳ කිසිම දෙයක් සඳහා ඔබ අනුමත කර නෑ. නමුත්, යේසුස් ක්‍රිස්තුස්වහන්සේගේ නැවත පිහිටවූ සභාව සම්පූර්ණයෙන්ම වැළඳගන්නට ඔබ ප්‍රතික්ශේප කරනවානම්, ඔබ දෙවනියට හොඳ දෙයක් තෝරාගනී.
“ගැලවුම්කරුවාණන් මෙසේ කී සේක, ‘මගේ පියාණන්ගේ ගෘහයේ මන්දිර රාශියක් ඇත.’ කෙසේවුවත්, දෙවියන්වහන්සේ සමග ගිවිසුම් තබාගැනීමට ඔබ තෝරානොගන්නා විට, සදාකාලයටම ඔබගේ හිසට ඉහළින් අල්ප වහලයක් සාදා ගැනීමට ඔබ තීරණය කරයි.”
මම තවත් මෙසේ කියමින් මගේ නිහඬ මිතුරන්ගෙන් බැගෑපත් ලෙස ඉල්ලමි:
“ඔබගේ හදවත දෙවියන්වහන්සේ උදෙසා වගුරන්න. මේ දේවල් සත්‍ය දැයි උන්වහන්සේගෙන් අසන්න. උන්වහන්සේගේ වචන අධ්‍යනය කරන්නට කාලය වෙන්කරන්න. ඇත්තටම අධ්‍යනය කරන්න! ඔබ ඔබගේ පවුලට ප්‍රේම කරනවානම් සහ ඔවුන් සමග සදාකාලයටම උසස් වන්නට ඔබ කැමැත්තක් දක්වනවානම්, මෙම සදාකාලික සත්‍යන් දැනගැනිමට සහ ඒවා සමග රැඳෙන්නට - බැරෑරුම් අධ්‍යනය සහ දැඩි උනන්දුවකින් යාච්ඤා කරමින් - ඒ මිළ දැන් ගෙවන්න.
“ඔබ දෙවියන්වහන්සේ ගැන විශ්වාස කරනවාද නැත්ද යන්න ඔබට විශ්වාස නැත්නම්, මෙතනින් පටන් ගන්න. දෙවියන්වහන්සේ සමග අත්දැකීම් නැතිවීම කෙනෙකුට දෙවියන්වහන්සේගේ පැවැත්ම ගැන සැක කිරීමට පමුණුවන බව තේරුම්ගන්න. ඉතින්, උන්වහන්සේ සමග අත්දැකීම් ලබාගැනීමට ආරම්භ කරන්නට ඔබව යොදවන්න. ඔබව නිහතමානී කරගන්න. ඔබගේ ජීවිතයේ සහ ඔබ වටා ලෝකයේ දෙවියන්වහන්සේගේ දෑත් දැකීමට දෑස් ලැබෙන ලෙස යාච්ඤා කරන්න. උන්වහන්සේ සැබවින්ම එහි ඉන්නවාද - උන්වහන්සේ ඔබව හඳුනනවාද කියා ඔබට කියන ලෙස උන්වහන්සේගෙන් අසන්න. ඔබව දැනෙනවාද කියා උන්වහන්සෙගෙන් අසන්න. ඉන්පසු, ඇහුම්කන්දෙන්න.
එවැනි වූ මගේ දයාබර මිතුරෙක්ට දෙවියන්වහන්සේ සමග සීමිත අත්දැකීමක් තිබුණා. නමුත් ඔහුගේ නැතිවූ බිරිඳ සමග සිටීමට ඔහු ආශාවෙන් සිටියා. ඉතින් ඔහුට උදව් වෙන ලෙස ඔහු මගෙන් ඉල්ලුවා. ක්‍රිස්තුස්වහන්සේගේ මූලධර්ම ගැන තේරුම්ගැනීමට සහ සුභාරංචි ගිවිසුම්, වත්පිළිවෙත් සහ ආශිර්වාද ගැන ඉගෙනීමට ධර්මදූතයින් හමුවන ලෙස මම ඔහුව දිරිමත් කළා.
ඔහු එසේ කළා. නමුත්, ඔවුන්ගේ උපදෙස් ඔහුගේ ජීවිතයේ වෙනස්කම් රාශියක් කිරීමට බලාපොරොත්තු වන බව ඔහුට දැණුනා. ඔහු මෙසේ කිව්වා, “මෙම අණ පණත් සහ ගිවිසුම් මට අමාරු වැඩී. තවත්, මට දසයෙන් කොටස ගෙවන්නට බැහැ, ඒ වගෙම සභාවේ සේවය කරන්නට මට කාලයක් නැහැ.” ඉන්පසු ඔහු මගෙන් ඇහුවා, “මම මැරුණහම, අපිට නැවතත් එකට ඉන්න පුළුවන් වෙන ලෙස මටයි මගේ බිරිඳටයි අවශ්‍ය දේවමාළිගා කාර්ය කරුණාකර ඔබ කරනවාද?”
ස්තුතිවන්ත ලෙස, මම ඒ මිනිසාගේ විනිශ්චයකරු නොවේ. නමුත් මේ ලෝකයේදී බෞතීස්ම වන්නට අවස්ථාව තිබූ - පූජකවරය ලැබ ලෞකික ජීවිතයේ දේවමාළිගා ආශිර්වාද ලබන්නට පුළුව්න්කම තිබූ නමුත් එම ක්‍රියාව සිහිබුද්ධියෙන්ම ප්‍රතික්ශේප කළ - මිනිසෙකුගේ දේවමාළිගා නියෝජනයේ කාර්යක්ශමතාව ගැන මම ප්‍රශ්ණ කරමි.
මගේ ආදරණීය සහෝදර සහෝදරියනි, ස්වර්ගික දෙමාපියන් වෙතට නැවත යන ගිවිසුම් මාවතට අපිව ගෙන අපි ආදරය කරන අය සමග ඉන්නට යේසුස් ක්‍රිස්තුස්වහන්සේ අපට ආරාධනා කරයි. “එන්න, මා අනුගමනය කරන්න” ලෙස උන්වහන්සේ ආරාධනා කරයි.
දැන්, සභාවේ සභාපති ලෙස, සභාවෙන් ඔබව ඈතට ගෙනගිය ඔබගෙනුත් ගැලවුම්කරුවාණන්ගේ සභාව නැවත පිහිටුවා ඇති බව ඇත්තටම සෙවූ නැති ඔබටත් මම අයදිනවා. ඔබ වෙනුවෙන් සොයාගැනීමට අවශ්‍ය ආත්මික කාර්ය කරන්න, කරුණාකර එය දැන් කරන්න. කාලය මදිවේගෙනයි යන්නේ.
දෙවියන්වහන්සේ ජීවමාන බව මම සාක්ශි දරනවා. යේසුස්වහන්සේ ක්‍රිස්තුස්වහන්සේයි. උන්වහන්සේගේ සභාවත් උන්වහන්සේගේ සුභාරංචියේ සම්පූර්ණත්වයත් මෙහිදීත් මතුවටත් අපගේ ජීවිතය ප්‍රීතිය සමග ආශිර්වාද කරන්නට නැවත පිහිටුවා ඇත. මම සාක්ෂි දරන්නේ යේසුස් ක්‍රිස්තුස්වහන්සේගේ නාමයෙන්, ආමෙන්.