हरेक आवश्यक कुरा प्राप्त गर्ने तयारी हुनुहोस्|
जब हामीले येशू ख्रीष्टको सुसमाचारलाई सिक्ने र प्रेम गर्ने हाम्रो व्यक्तिगत जीम्मेवारीलाई पूरा गर्ने प्रयास गर्छौं तब आशीषहरू आउनेछन् ।
हालैका साधारण सम्मेलनहरुमा घोषणा गरिएका समायोजनका श्रृंखला अनुसार पछिल्ला दिनका सन्तहरुको येशू ख्रीष्टको चर्चका कार्यक्रमहरु र क्रियाकलापहरु अझ बढी घर केन्द्रित र चर्च समर्थित हुँदैछ । अध्यक्ष नेल्सनले हामीलाई सल्लाह दिनुभयो: “ अरु धेरै आउँदैछन्. … तपाईका भिटामिनका चक्कीहरू खानुहोस् । आराम लिनुहोस् यो रोचक हुनेवाला छ।“१
परमप्रभुको चर्चमा हुँदै गरेका यी समायोजनहरुका केही आधारभूत प्रभावका बारेमा हामी कुरा गर्दा म पवित्र आत्माको सहयोगका लागि निमन्त्रणा र प्रार्थना गर्दछु ।
घर-केन्द्रित र चर्च-समर्थित सुसमाचार सिकाइ
हालैको एउटा पदारित्व नेतृत्व सम्मेलनमा एल्डर क्रेग सी क्रिस्टनसन जो मेरो साथी हुनुहुन्थ्यो उहाँले घर केन्द्रित र चर्च समर्थित सिद्धान्तलाई जोड दिन दुई सरल प्रश्नहरु प्रयोग गर्नुभयो । उहाँले सल्लाह दिनुभयो कि आइतबार चर्चका भेलाहरु पछि हाम्रा घरहरुमा गएर,“आज चर्चमा मुक्तिदाता र उहाँको सुसमाचारको बारेमा के सिक्नुभयो?“ भनेर सोध्नुको सट्टा हामीले चर्चका भेलाहरुमा, “ यो हप्ता घरमा मुक्तिदाता र उहाँको सुसमाचारको बारेमा तपाईंले के सिक्नुभयो ?“ भनेर सोध्नुपर्छ । उचित रुपमा विश्रामको दिनको पालना, नयाँ पाठ्यक्रम र समायोजित सभाका तालिकाहरूले हामीलाई हाम्रा घर र चर्चमा सुसमाचार सिक्न सहयोग गर्छन् ।
पछिल्ला दिनका सन्तहरुको येशू ख्रीष्टको चर्चका हरेक सदस्यको परमप्रभुका शिक्षाहरू साहसपूर्वक सिक्ने र पालन गर्ने र मुक्ति र उत्कर्षका विधिहरु सही अधिकारबाट प्राप्त गर्ने व्यक्तिगत जिम्मेवारी रहेकोछ । हामीले चर्चलाई एक संगठनका रुपमा हामीलाई समर्पित चेला बन्न र अन्तसम्म सहन हामीले थाहा पाउनुपर्ने र गर्नुपर्ने सबै सिकाउस् भन्ने आशा गर्नुहुन्न २ बरु, हाम्रो व्यक्तिगत जिम्मेवारी भनेको हामीले सिक्नुपर्ने कुरा सिक्ने, हामीले जसरी जिउनुपर्छ भनेर थाहा पाएकाछौँ त्यस अनुसार जिउने र मालिकले जो जस्तो बनोस् भन्ने चाहानुभएकोछ त्यही बन्नु हो अनि हाम्रा घरहरु सिक्ने, जिउने र बन्ने सबभन्दा उत्तम ठाउँ हो।
बाल्यावस्थामा नै जोसेफ स्मिथले आफ्नो परिवारबाट परमेश्वरका बारेमा सिक्नुभयो । आफ्न लागि परमेश्वरको इच्छा थाहा पाउने उहाँको प्रयासले जोसेफ स्मिथलाई धेरै इसाई सम्प्रदाय माझ सत्यको खोजी गर्न , लगनशील भई धर्मशास्त्रको मनन् र परमेश्वरलाई ईमानदारीपूर्वक प्रार्थना गर्न लगायो । जब युवा जोसेफ स्मिथ पिता र पुत्रको प्रकट लगत्तै पवित्र घारीबाट आफ्नो घर फर्कनुभयो, उसले पहिला आफ्नो आमासँग कुरा गर्यो । जब उ “अगेनातिर ढल्के उनको आमाले केभयो भनेर सोध्नुभयो । जोसेफले जवाफ दिए, ’छोडिदिनुस्, सबै ठीक छ - मलाई सब ठीक छ।’ त्यस पछि उनले आफ्नो आमालाई भने, ’मैले आफै थाहा पाएँ।’“३ जोसेफको अनुभवले सिकाइको एउटा शक्तिशाली नमुना प्रदान गर्छ जुन हामी सबैले अनुकरण गर्नुपर्छ । हामीले पनि आफै सिक्नुपर्छ ।
स्वर्गमा रहनुहुने पिताको योजनाको समग्र उद्देश्य भनेको उहाँका सन्तानलाई उहाँ जस्तै बनाउनु हो । त्यस अनुसार उहाँले हामीलाई बढ्दै जान र प्रगति गर्न आवश्यक अवसरहरु प्रदान गर्नुहुन्छ । सिक्ने र सत्य अनुसार जिउने हाम्रो प्रतिवद्धता “अन्योलमा“ रहेको४र अझ बढी भ्रमित र दुष्ट यो संसारमा बढ्दो रुपमा महत्वपूर्ण छ । हामी मात्र चर्चका भेलाहरुमा सहभागी हुने र कार्यक्रमहरुमा भाग लिने र त्यस पछि हामीलाई “खराब दिनमा सामना गर्न“ सबै आत्मिक उन्नति र सुरक्षा प्राप्त हुन्छ भन्ने आश गर्न मिल्दैन।५
“आमाबुबाहरुको आफ्ना सन्तानलाई माया र पवित्रतामा हुर्क्याउने पवित्र जिम्मेवारी छ ।“६ प्रेरित चर्चका अगुवाहरु, शिक्षकहरु र क्रियाकलापहरुले व्यक्तिगत र पारिवारिक प्रयासहरुलाई आत्मिक रुपमा बढ्न सहयोग गर्दछ । अनि हामी सबैलाई करार मार्गमा अगाडि बढ्न सहयोग चाहिए तापनि, आत्मिक शक्ति र आन्तरिक बल विकास गर्ने अन्तिम जिम्मेवारी हामी प्रत्येकमा रहेको छ ।
सम्झनुहोस् कसरी नफी, अगमवक्ता लहीका छोराले पवित्र आत्माको शक्तिद्वारा आफ्ना पिताले जीवनको वृक्षको प्रकाशमा सिकेका कुराहरु आफैले देख्न, सुन्न र थाहा पाउन इच्छा राखे । नफीलाई यूवा अवस्थामा आफ्ना असल आमाबुबाका उदाहरण र शिक्षाको स्पष्ट रुपमा आवश्यक थियो र त्यसबाट आशीषित भएको थियो ।“७ तर पनि, जोसेफ स्मिथ जस्तै, उहाँ पनिआफै सिक्ने र थाहा पाउन उत्सुक हुनुहुन्थ्यो ।
यदि येशू ख्रीष्ट र उहाँको पुनस्थापित सुसमाचारका बारेमा तपाई वा मैले जानेका सबै कुराहरू अरुहरूले हामीलाई सिकाएका वा भनिएका कुराहरूमा आधारित छन् भने उहाँ र उहाँका पछिल्ला दिनका महान कार्यहरूको हाम्रो गवाहीको जग बालुवामा बनेको छ ।८ सुसमाचारको प्रकाश र ज्ञानका लागि हामीले आफुले माया र विश्वास गर्नेहरूको सहित अरु कसैमा निर्भर रहनु हुँदैन वा उहाँहरूबाट उधारो लिन मिल्दैन ।
महत्वोपूर्ण कुरा के हो भने, अगम्बक्ता जोसेफ स्मिथले सिकाउनुभयो कि हरेक पछिल्ला दिनका सन्तले “ हामी यो संसारमा आउनुको पर्मेश्वोरका योजनाहरु र उदेश्यहरु“ का बारेमा बुझ्नु पर्छ ।९
“के हामीले भविष्यको कुनै अवस्थामा हुने परमेश्वर र दूतहरुको मानिससँगको सम्बन्धका बारेमा आदमको बेला देखि लेखिएका सबै पढ्न र बुझ्न सक्छौं ? हामीलाई त्यसको बारेमा कमै थाहा हुनुपर्छ । अरुको अनुभवका बारेमा वा उनीहरुलाई दिएको प्रकाश पढ्नाले कहिल्यै पनि हामीलाई हाम्रो अवस्था र परमेश्वरसँगको हाम्रो सही सम्बन्धको वृहत दृश्य दिन सक्दैन । यी कुराहरुको ज्ञानहरु त्यो उद्देश्यका लागि तोकिएका परमेश्वरका विधिहरुको अनुभवले मात्र प्राप्त गर्न सकिन्छ ।“१०
यो अन्तिम समयावधिको यस विशिष्ट समयमा पछिल्ला दिनका सन्तहरूको येशू ख्रीष्टका कार्यक्रमहरु र क्रियाकलापहरु अझ धेरै घर केन्द्रित र चर्च समर्थित हुनुको एउटा आधारभुत कारण भनेको व्यक्तिहरु र परिवारहरुक लागि यो महान आत्मिक उदेश्यको उपलब्धिलाई सिद्ध पार्नु हो ।
घर-केन्द्रित र चर्च-समर्थित सिकाइको प्रयोग।
मैले सुसमाचार अझ बढी घर केन्द्रित र चर्च समर्थितका हुँदै गर्दा हाम्रो सहभागिताको केही अधारभूत संक्षेप दिनेछु ।
सबभन्दा राम्रो सुसमाचार प्रचार तालीम केन्द्र हाम्रा घरहरुमा छन्; सहायक सुसमाचार प्रचार तालीम केन्द्रहरु प्रोवो, मनिला, मेक्सिको सिटी र अरु ठाउँमा छन् । हाम्रा सबभन्दा सूचनात्मक आइतबारे कक्षाहरु हामी बस्ने ठाउँहरुमा हाम्रो व्यक्तिगत र पारिवारिक अध्ययन हुनुपर्छ; सहायोगी हुने तर सहायक आइतबारे कक्षाहरु हाम्रा भेलास्थलहरुमा हुन्छ ।
परिवार इतिहास केन्द्रहरु अब हाम्रा घरहरुमा छन्। पारिवारिक इतिहास अनुसन्धान कार्यका लागि पूरक सहयोग पनि हाम्रा सभागृहहरुमा उपलब्ध छन् ।
महत्वपूर्ण मन्दिर तयारी कक्षाहरु हाम्रा घरहरुमा हुन्छन्; महत्वपूर्ण छन् सहायक मन्दिर तयारी कक्षाहरुलाई पनि आवधिक रुपमा हाम्रा भेलास्थलहरुमा गर्न सकिन्छ।
याे पछिल्लाे दिनमा हाम्रा घरहरुलाई आश्रम बनाउनु जरूरी छ “जहाँ हामी पवित्र स्थानमा उभिन सक्छौँ “११। हाम्रो आत्मिक शक्ति र सुरक्षाका लागि जति घर-केन्द्रित र चर्च समर्थित सिकाइ महत्वपूर्ण छ, यो भविष्यमा अझ अत्यावश्यक हुनेछ ।
घर-केन्द्रित र चर्च-समर्थित सिकाइ र मन्दिर तयारी
कृपया “घर-केन्द्रित र चर्च-समर्थित“ सिद्धान्त कसरी परमप्रभुको घरमा पवित्र विधिहरु र करारहरू प्राप्त गर्ने हाम्रो व्यक्तिगत तयारी र योग्यतामा लागु हुन्छन् भन्ने बारेमा ध्यान दिनुहोला।
वास्तवमा, मन्दिर तयारी हाम्रा घरहरुमा सबभन्दा प्रभावकारी हुन्छ। तर चर्चका सदस्यहरु मन्दिरको अनुभवका बारेमा उचित तरिकाले के भन्न हुन्छ र के भन्न हुँदैन भन्ने बारेमा अनिश्चित छन् ।
अध्यक्ष एज्रा ट्राफ्ट बेन्सनले किन यो अनिश्चितता छ भन्ने बारे व्याख्या गर्नुभयो ।
“मन्दिर एक पवित्र स्थान हो र मन्दिरमा गरिने विधिहरु पवित्र हुन्छन् । यसको पवित्रताको प्रकृतिले गर्दा कहिलेकाँही हामी मन्दिरका बारेमा आफ्ना बच्चाहरु र नातिनातिनीहरुलाई भन्न हिच्किचाउछौँ ।
“परिणामस्वरुप, धेरैले मन्दिर जाने भित्री इच्छा विकास गर्दैनन्, वा जब उनीहरु त्यहाँ जान्छन्, उनीहरुको जिम्मेवारीहरुका लागि तयार गर्न र उनीहरुले गरेका करारहरूका लागि आश्यक पृष्टभूमि बिना नै जान्छन् ।
“म विस्वास गर्छु कि उचित बुझाइ वा पृष्टभूमिले हाम्रा युवाहरुलाई मन्दिरका लागि धेरै नै सहयोग गर्छ ... र आब्रहामले खोजे जस्तै उनीहरूमा आफ्नो पादरित्व आशीषहरु खोज्ने इच्छालाई प्रोत्साहन गर्छ ।“१२
दुई आधारभूत दिशानिर्देशहरूले हामीलाई अध्यक्ष बेन्सनले जोड दिएको उचित बुझाइ प्राप्त गर्न सहयोग गर्न सक्छ ।
दिशानिर्देश #१ हामीले जहिले पनि परमप्रभुको पवित्र घरका बारेमा आदरका साथ बोल्नुपर्छ किनभने हामी उहाँलाई माया गर्छौँ । हामीले पवित्र मन्दिरका विधिहरुमा प्राप्त गरेका करारहरूसँग जोडिएका विशेष चिन्हहरु खुलासा वा ब्याख्या गर्नु हुँदैन । न त हामीले मन्दिरमा प्रकट नगर्ने भनेर विशेष रुपमा प्रतिज्ञा गरेको पवित्र जानकारीका बारेमा छलफल गर्नुहुन्छ ।
दिशानिर्देश #२ मन्दिर परमप्रभुको घर हो । मन्दिरमा हरेक कुराले हामीलाई हाम्रा मुक्तिदाता येशू ख्रीष्ट तर्फ देखाउछ । हामीले मन्दिरका विधिहरु र करारहरूसँग सम्बन्धित आधारभूत उद्देश्यहरु र सिद्धान्तहरु छलफल गर्न सक्छौँ ।
अध्यक्ष हाउवर्ड डब्लू हन्टरले सल्लाह दिनुभयो: “हामीले मन्दिरमा प्राप्त गरेका आत्मिक भावनाहरुका बारेमा हाम्रा केटाकेटीहरूसँग बाढौं । अनि हामीले उनीहरुलाई अझ ईमानदारीपूर्वक र अझ सजिलोसँग हामीले उचित रुपमा परमप्रभुका घरको उद्देश्यहरुका बारेमा भन्न मिल्ने कुराहरुका सिकाउँ ।“१३
अगमवक्ता जोसेफ स्मिथ देखि अध्यक्ष रसल एम नेल्सन सम्मको पुस्ताहरुमा आउँदा चर्चका अगुवाहरुले मन्दिरका विधिहरुको सैद्धान्तिक उद्देश्यहरु र करारहरूका बारेमा व्यापक रुपमा सिकाउनुभएको छ।१४ प्रारम्भिक विधिहरु, अविधानहरु, विवाहहरु र अरु बाँध्ने विधिहरुका बारेमा हामीलाई सिक्न सहयोग गर्न मुद्रित, अडियो, विडियो र अन्य फोर्मेटहरुको ठुलो संग्रह छ ।१५ आज्ञाकारिताको नियम, त्यागको नियम, सुसमाचारको नियम, पवित्रताको नियम र समर्पणको नियमलाई पालन गर्न करारहरू प्राप्त गर्ने र सम्मान गरि मुक्तिदाताको अनुयायी बन्ने बारेमा जानकारी पनि उपलब्ध छ ।१६ चर्चका सबै सदस्यहरु temples.ChurchofJesusChrist.org मा उपलब्ध उत्कृष्ट सामग्रीहरुसँग परिचित हुनुपर्छ ।
अध्यक्ष रसल एम नेल्सनले चर्चद्वारा प्रकाशित सार्वजनिक रुपमा उपलब्ध मन्दिरका विधिहरुको पवित्र सही, र उचित, प्रकृति बीचको महत्वपूर्ण सन्तुलनलाई जोड दिनुभयो । सदस्यहरुले बाइबल शब्दकोशमा मन्दिर सम्बन्धि अर्थ जस्तै ’अभिषेक,’ ’करार,’ ’त्यागहरु,’ ’ अनि मन्दिर`पढून्, म सल्लाह दिन्छु भनेर उहाँले बताउनुभयो। तपाईले प्रस्थान, अध्याय २६-२९, र लेविहरु, अध्याय ८ पनि पढ्न सक्नुहुन्छ । पुरानो करार, साथै बहुमुल्य धातुमा मोसा र अब्राहामका पुस्तकहरुले मन्दिर कार्यको प्राचीनता र यसका विधिहरुको स्थायी प्रकृतिलाई देखाउछ।“१७
त्यसैले कल्पना गर्नुहोस् कि तपाईको छोरा वा छोरीले सोधे, “स्कुलमा कसैले भन्यो कि मन्दिरमा अचम्मको लुगा लगाइन्छ। के त्यो सही हो?“ churchofjesuschrist.org/temples मा “ पवित्र मन्दिर वस्त्र“ भन्ने शीर्षकमा एउटा छोटो भिडियो उपलब्ध छ । यो उत्कृष्ट साधनले कसरी प्राचीनकाल देखि पुरुष र महिलाहरुले परमेश्वर प्रतिको आफ्नो गहिरो भक्ति व्यक्त गर्न पवित्र संगीत, धेरै प्रकारका प्रार्थना, सांकेतिक धार्मिक वस्त्र, इशाराहरु र विधिहरु अंगालेका छन् भन्ने व्याख्या गर्दछ । तसर्थ, चर्चले यो भिडियो जस्तो आधारभूत निर्देशन र असाधारण साधनहरु मार्फत मन्दिरका महिमित आशीषहरुका लागि घर-केन्द्रित तयारीलाई प्रोत्साहन गर्दछ । धेरै उपयोगी जानकारी तपाईका लागि उपलब्ध छ ।१८
जब हामी परमप्रभुको विनम्रतामा हिंड्ने प्रयास गर्छौँ, १९ हामी हाम्रा घरहरुमा पवित्र मन्दिरका विधिहरु र करारहरूका बरेमा छलफल गर्न के उपयुक्त छ र के उपयुक्त छैन भन्ने बीचको आवश्यक सन्तुलन बुझ्न र प्राप्त गर्न आशीषित हुनेछौँ।
प्रतिज्ञा र गवाही
तपाईको सुसमाचार सिकाइ वास्तवमा घर केन्द्रित र चर्च समर्थित हुन सक्छ कि सक्दैन भनेर तपाईहरू केहीले सोचिरहनुभएको छ भन्ने मलाई शंका लागेकोछ । सायद तपाईकोआफ्नो घरमा तपाई मात्र चर्चको सदस्य हुनसक्नुहुन्छ वा समर्थन नगर्ने श्रीमान वा श्रीमती हुनसक्छन् वा एकल अभिभावक हुन सक्नुहुन्छ, वा एकल वा पारपाचुके गरेर पछिल्ला-दिनका सन्तका रुपमा बस्नुभएको हुनसक्छ र यी सिद्धान्तहरु तपाईमा कसरी लागु हुन्छन् भन्ने प्रश्न हुनसक्छ । तपाईहरु एक अर्कालाई हेरेर, “के हामीले यो गर्न सक्छौँ ?“ भन्ने प्रश्न सोध्ने श्रीमान र श्रीमती हुन सक्नुहुन्छ ।
हो तपाईले यो गर्न सक्नुहुन्छ ! म प्रतिज्ञा गर्दछु कि सक्षम बनाउने आशीषहरू बग्नेछन् र तपाईंको जीवनमा प्रकट हुनेछ । ढोकाहरु खोल्नेछन्। प्रकाश चम्कनेछ । लगनशीलता धैर्यता र दृढताकासाथ अगाडि बढ्ने तपाईंको क्षमता वृद्धि हुनेछ।
जब हामी येशू ख्रीष्टको सुसमाचारलाई सिक्ने र प्रेम गर्छौं हाम्रो व्यक्तिगत जिम्मेवारीलाई पूरा गर्ने प्रयास गर्छौँ, आशीषहरू आउनेछन् भनेर म खुशीपूवर्क गवाही दिन्छु । हामी साच्चै नै “आवश्यक हरेक कुरा प्राप्त गर्न तयार हुन सक्छौँ।“२० म यो परमप्रभु येशू ख्रीष्टको पवित्र नाममा प्रतिज्ञा र गवाही दिन्छु, आमीन ।