Sáanii aha’deet’ą́ yee Diyin God yił yilnish
Asdzání Diyin God yił aha’deet’ą́ adoodléełii ayóó át’é dóó Diyin God bitsi’ké yá’át’éhii amá, da’í’eesh, dóó diyin k’eh ił nidáal t’áá nléidą́ą́’.
Ayóó baa ahéeh nísin nihich’į’ hadeesdzíhii, Diyin God bitsi’ké yił aha’diist’ą́. Díí tł’éé’, naanish ayóó at’éi nihaiyilyáhii bínooł’ąnii doolééłgo biká ásht’į́. Aoo’, t’áá ńt’ę́ę́’ Diyin God bitsi’ké shiinéé’ dayiistsą’ii yee’ Bóhólníihii náanish ła’ beidini’ą́.
Nihitsíís haslí’ą́ądą́ą́’náanish nihaahídeest’ą́, ła’ haz’ą́ąjį’ dóó baa’ílkidgo Diyin God ná nihodii’áa’jį’ bitsi’ ayóó neehósin dóó ayóó ayó’níi nilį́. Ii’sizį́ bikéyah biyi’, neehósin dóó nił yááłti’ dóó náhooł’a’gi ha’íshii bee náhididíílééł, jó nahasdzáá bił hoogááł biyi’, tóósh bee nidi’doolzį́į́ł bee náhoo’a’. Ákwe’é, díidi saad Jesus Christ yiyíízhi’ii ła’ yee yáłti’go disiníts’ą́ą́’: “Jesus Christ shąąh yisíi’go, tó bee niisííh aZhé’é bízhi’, dóó aYe’ bízhi’, dóó Diyin Ii’sizį́ bízhi’ binahjį’. Áámen.”1
Tó biyi’ haa siniyáago, nááná ła’ náanish ádiilíłii lą́ bee asíniłíí’. Atsi’ ánii Diyin God yił aha’deet’ą́, bee ádeiheinidzíí’ dóó ádiilíłii naadeet’ą́ Jesus Christ biSodizin Báhooghan íił-káahjį’ Dayoodlá biyi’, ákoh áájí idinyáo ná yadadiilníí’. Bił ahadiint’ą́ Diyin God t’áaní Jesus Christ bízhi’ ák’ididíít’ááł, Bibee náhaz’áanii dinísin, dóó Bá yílnish.
Haalá díidi aha’diist’ą́ ídayiiláii, náanish Bóhólníihii hastįį doodágo ásdzání yéidi’áhii eíí yínaal’ą́ągo íidoolííł. Diyin God bitsi’ké dóó biye’ké aha’deet’ą́ǫ, ákohgo, ałtso t’ááła’í ílí dóó bił hóshǫǫ yílnish. Éí lá nááná ła’ Yá yíłyilnish.
Sáanii yich’į’ yáłti’go, Naat’áanii Russell M. Nelson lá Bóhólníihii bináanishjį’ shóókááh nihił níigo danhíizhi’ ní. Naat’áanii Nelson díí nihinaanish kot’áo yaa hóolne’: “Bóhólníihii adííniid, ‘Shínaanish dóó shits’ádi’ńdíín [lá] doo da’átsaah dóó áhool’áo iiná dine yee hódooł’ááł.’ (Moses 1:39.) Akó Bitsi’ké hazhó’ó-akéé yikahii ádadidoonííł, ‘Shínaanish dóó shits’ádi’ńdíín lá ayóó íinish’níi yiká’adoojáhgo yá’ąąshjį’ hadéidoo’ish.’
“Diné nááná ła’ biká i’doowółgo yidínoo’ąął celestialdi iiná lá sáanii diyinii íidoolííł. Amá, na’nítiní, doodágo Oodláníi nooséłí yił yilnish, hastł’ish hinánii nízingi ádaane’. Diyin God biyi’ yíł yilnish, asdzání diyin k’éhgo ii’naazį́ yiká ahilyeed dóó agáál chánah ádeile’. Díí asdzání yiká ábi’dilyaa. Éí lá yá’áhałt’ééh, bee íł hasíh, dóó haałt’é yilééł.”2
Doo hágo áhodooníłii beehózin da, doodágo haanizáágóó, nihi bowółnishii hazhó’ó ááłiił amá, ásizíi, doodágo asdzání ił yilnishgo. Bóhólníihii, ayóó ó’ó’ní yii’, doo shi konizájį’ bíndoonishii nihaidini’áa da, ánizah, doodágo hait’éego ádoolnííł. Ákondi saad diyindóó nił beehózin dóó bá yádaałti’í dahinánii eíí díídi ałtso naanish ła’ naadidoot’ááł, díí iiná bii’ doodágo ii’sizį́ nohíigo, t’áá át’é Diyin God bitsi’ké. Dóó ałtso ayóó aho’ní ła’ yił haajéé’ ahool’áo iiná yiká hasht’e’ ádadilnééh—“Diyin God ałtso yiláahdi eidoolééł.”3
Nihi baa honóhsáa t’áá ałtsoní nididoolééł biba’ hasht’e’ ádółneeh. Eíí áalniił doo nanitł’agóó biniinaa díídi naanish aahidit’ááh aheełt’áago biba’ hasht’e’ ázhdiil’įįh.
T’į́’ asdzání yee íł nidoolnish bee hahódoolzhish. Éí dah ła’ haajée’gi at’ééd 10 bináahaigo bizhé’é náádiilyáo naanish ła’ baa dit’ááh, doodágo Sáanii Aká’anájah binaat’áanii ga’ kintahjí kǫ’ íidiiłk’ą́ą́’, doodágo azee’ ál’į́įdi nán’dishgizho áá náádzih—Bóhólníihii bitsi’ nilíigo naanish néidini’ąnii ádiilííł.
Eíídi naanish naadeet’ąnii ayóó nanitł’ah náhalin. Ákondi ałtso bee hasht’e’ ázh’diil’įįh ádziil, ajéé ayóó ó’ó’ní, oodlą’ áá bee ná’adzidi eíí Bóhólníihii doo ánleeh hodidooníił da t’áá hazhó’ó hatsíji’ hasht’e’ yíilaa, dóó dashdidoogááł dóó bá azhdoolííł.4
At’ééd hasht’e’ ádiilyáo, 10 binááhaigo bimá bąąh áhashdįįdii bigaan yee yinázhchid dóó yił haajéé’ yee yiká adoolwółii yaa sodoolzin. Dóó at’ééd íidoolíłii hát’į́.
Sáanii Aká’íijah binaat’áanii t’áádoo hooyąní hodiiłtłáhii yitséedi yee ádoolwołii yiká hasht’e’ ádiilyáo. Asdzání dine’é yéédahoosííd dóó ayóó áyo’ní. Asdzání Jesus Christ yee yoodlánii nooséełgo lą’í binááhai Bóhólníihii yich’į’ sodilzinii áłts’iisígo yee yiká adoolwół yiyóki’. Asdzání hasht’e’ ádiilyáago biniinaa, asdzání dah diiyá dóó yineedlíigo sáanii yee’ dine’é dóó ła’ haajéé’ biká ádoohjah yił ní.
Asdzání ła’ azee’ ál’įįdi nabi’dishgizgo náádzihii hasht’e’ ádiilyao akóne’ naháaztąnii yił naalnish. Asdzání Bóhólníihii t’áá niléiidę́ę́’ doo yéédahósinii yił yilnish doodágo bik’éí dóó bik’is ádayósin. Asdzání bijéí azee’ ál’įį góne’ shijé’ii bił ndíilnish, ha’ólníigo diné yił yilnish dóó ayóó ó’ó’nóo áko á góne’ shijé’ii tsíiłgo ch’ináodza’ lágo danízin.
T’áá ił na’ánish gi’át’áo eíí hasht’e’ ázh’diil’įįh, Bóhólníihii naanish naadi’ááh biba’ hasht’e’ ádilnééh bá asinizí. Éí Jesus Christ woodlą́ biníi’dę́ę́’, bee ayóó óo’ní saad diyinii, binahjį’ dine’é yit’ish dóó bizaad bee ánootį́į́ł. Áájį’ bee hasht’e’ ádinilyáago Diyin Ii’sizį́ áłahjį’ nił hólǫ́ǫ doo. T’áá ne’níliní bee hadíídzih, “Shí lą́ą,” At’ééké binaat’áaniijí akéé’dasidá , biinéé’ áłts’ozígo, “Shik’is Alvarez dííjį́ bitah honiigáá. Haish bá nidi’nóotįįł?”
Éí gi’át’áo biká hasht’e’ ádidiilnííł nléí Bóhólníihii amájí binaanish néidini’ąnę́ędę́ę́’. Ndi ajéí yiwóhgo ayóó ó’ó’níi éí ałdó’ neehólǫ́ǫ. Éí lá Jesus Christ woodlánii nihijéí yiwóhgo biyi’ hólǫ́ǫ́. Dóó nitsée’digohgo sonizhdilzįįhgo kot’áo, kojóó, dóó ił hasíh Diyin Ii’sizíi nidi yee’ yiwóhgo niká adoolwół.
Kot’áo bina’ídidiiłkił diné lá hait’áo amá deinízįnii bił béé dahózin. Éí t’áá akót’áo na’ídikid. Diné doo t’áá ałtsoní yihwiidooł’áał da, ndi Diyin God íishją́ áyiilái bee íhwiidiil’ááł. Dóó hailzííd ałdó’ lą’í bik’i’didiitííł, nihí Ii’sizį́ bá hwiil’áahgo niil’įnii bee bik’i’diitį́į́h.
Shí yee’ Kathleen Johnson Eyring 57 nááhaidą́ą́’ bił ałhaanish t’áázhdoo bee haisíd. Éí be’ashiiké dį́į́’ dóó be’at’éeké naaki. Dííshjį́įdi, naanish ła’ baadeet’ąnii éí bits’ą́ą́dóó neeznádiin ła’ haajé’ii amá gi’át’áo yik’idéez’įį’ dóó dikwii shį́į́ neeznádiin amá bijéí yee deinisé.
Benáłniih Naat’áanii Nelson nizhónóo sáanii binaanish yaa hóolne’—amá nilínii biyi’: “Amá, na’nítin, doodágo diyin k’ehgo anisé Oodláníi, hashtł’ish hinánii nízinii yee íidoolííł. Diyin God yił ahóta’ bii’, diyin k’ehjí lá ii’sizí dahiná dóó agáál bii’ háá dahwiildóóh. Díí lá asdzání biniiyé ábi’dilyáá.”5
Baa ákonisínjį’, she’ésdzaa, Kathleen, eíí ha’óodzíí’ ye’oolííł, nihiZhé’é bitsi’ké yich’į’ kóyiilaa. Bi’ąąnidítįhí yee’ saad “hashtł’ish hinánii nízinii yee íidoolííł ... Diyin God yił ahóta’ bii’.” Doo ánilééh niigóó. Á hiyidiyiiníiłgo. Dóó bik’ehgo á’doolníłii bee hólǫ́ǫ, dóó ayóó ó’ó’ní dóó amá nilínii yik’ehgo á hiyidiyiinííł. Jesus Christ báhane’ yá’át’éhii bik’ehgo—lą’í nááhai sodizin binikáá góne’ bee haasíidgo.
Asdzání aha’deet’ą́ yee Diyin God yił yilnish dooléełii ayóó át’é dóó Diyin God bitsi’ké yá’ádaat’éhii áłahjį’ amá, oolóós, dóó ił náalnish, haayit’éego dóó háádi ánidoolnishgi yá hast’eyiilaa. Nihi eíí ił hózhǫ́ bik’ih doo hálii nihich’į’ bee ádeehaasdzí’ii yá’ąąshdi hooghan wohááł Diyin God bitsi’ bee aha’deet’ą́-dóhsingo baandoodááł.
Shí eíí Diyin God aZhé’é nilíi hiná dóó Bí ayóó ánwo’ní dishní. Bí nisodizin yee nił hodoolní. BiYe’ Ayóó ó’ó’níi oo’ísh, áłtsojį’, Jesus Christ Bisodizin Báhooghan Iił-káahjį’ Da’oodlá. Naat’áanii Russell M. Nelson Bá yáłti’í lá hiná. Dóó Joseph Smith yiyiiłtsą́ dóó Diyin God aZhé’é nilíi dóó Jesus Christ yił yááłti’ T’áá’aaníí eíí shił bééhózin. shí ałdó’ eíí Jesus Christ lá nihiYisdána’ii’níiłii nilį́; Bí ayóó ánwo’ní dishní. Dóó Nina’ídlá binahjį’, niłtó’łí diilééł dóó naanish hódago dóó diyinii éiyá naadidoot’ááł. Shí Jesus Christ bízhi’ baa hasti’íi binahjį’ adishní, áámen.