’Itera’a, herera’a, ’e tupura’a i te rahi
’Ia māramarama tātou pā’āto’a i tā tātou tuha’a i roto i teie ’ohipa aupurura’a rahi nō te riro hau mai mai iāna te huru.
I te matahiti 2016 ra, ’ua haere te pupu hīmene nō Temple Square e māta’ita’i i te mau fenua Hōrane e Belegika. Mai tō’u ’āmuira’a atu i terā ’ohipa fa’ahiahia, ’ua ha’afaufa’ahia vau i tō rātou ’aravihi e piti taime.
I roto i tō rātou ’aravihi, ’ua feruri au i te huru o te hō’ē taiete rahi nō te arata’i i te hō’ē pupu hīmene mai terā te huru. ’Ua hutihia tō’u ferurira’a e te hō’ē oe rahi, e mea ’ohipa rahi ’e te moni paha nō te ta’ita’i atu ’ia fa’aauhia i te hō’ē fira, te pū, aore rā i te tahi atu mau tauiha’a ’o tā ’outou e nehenehe e tāpe’a rima noa. I tō’u rā hi’ora’a i te ’ohipa mau a teie oe, ’ua ’ite au e tupa’i-noa-hia te reira te tahi noa taime, ’āre’a te tahi atu mau mauiha’a na’ina’i atu ā e fa’a’ohipahia ïa i te rahira’a o te hīmenera’a. ’Ua feruri au e, ’āhiri ē ’aita te ta’i o te oe e ’ere ïa hō’e ā ’aravihi ’e nō reira e ti’a ’ia fa’aitoitohia nō te ’āfa’i i teie oe rahi i tera atu pae o te moana.
Te tahi taime, e nehenehe tātou e feruri mai teie oe tātou, e mea maita’i noa nō te ha’uti i te hō’ē tuha’a na’ina’i i roto i te ha’utira’a. E vaiho mai rā ’outou iā’u ’ia parau atu ia ’outou ē ’e fa’atupu tō ’outou ta’ira’a i te ta’a-’ē-ra’a rahi.
E hina’aro tātou i te mau mauiha’a ato’a. Te tahi pae o tātou e ha’api’i ’ōhie mai ’e e rave maita’i a’e i te fare ha’api’ira’a, ’āre’a te tahi e mau tārēni anoihi ïa tō rātou. Te tahi tē hāmani nei ’e tē patu nei i te mau mea ’aore rā tē fa’a’amu ra, tē pāruru ra ’aore rā tē ha’api’i nei ia vetahi ’ē. E hina’arohia tātou pā’āto’a nō tē hōro’a i te ’ū ’e te aura’a i teie nei ao.
Nō rātou o te mana’o nei ē ’aita tā rātou e tuha’a nō te hōro’a ’aore rā ’o tē ti’aturi nei ē ’aita tō rātou e faufa’a ’aore rā e hope’a nō vetahi, nō rātou e mana’o nei ē tei ni’a rātou i te tupuai o te ao nei, ’e o vai atu ā i roto ia rāua, tē hina’aro nei au e fa’a’ite atu i teie poro’i.
I te vāhi tei reira ’outou i ni’a i te ’ē’a nō te orara’a, e nehenehe te tahi pae o ’outou e mana’o ’ua fa’ateimaha-roa-hia e ’aita atu ra ’outou e fa’ariro fa’ahou ia ’outou iho i ni’a i terā ’ē’a. Tē hina’aro nei au e ani manihini ia ’outou ’ia haere mai i rāpae i te pōiri nō te tomo mai i roto i te māramarama. E hōpoi mai te māramarama o te ’evanelia i te māhanahana ’e te fa’aorara’a ’e ’e tauturu ia ’outou ’ia hāro’aro’a ’o vai mau ’outou ’e e aha tā ’outou fā i roto i te orara’a nei.
Te tahi o tātou ’o tei ihu haere i ni’a i te mau ’ē’a au ’ore, mā te tāmata i te ’ite mai i te ’oa’oa i reira.
’Ua ani-manihini-hia tātou e te hō’ē Metua i te ao ra here ’ia haere i ni’a i te ’ē’a o te pipi ’e ’ia ho’i fa’ahou iāna ra. ’Ua here ’oia ia tātou ma te hō’ē here hope roa.1
E aha ïa te rāve’a ? Te rāve’a ’o te tauturura’a ïa te tahi ’e te tahi ’ia ta’a ’o vai tātou nā roto i te aupurura’a te tahi ’e te tahi.
Nō’u, te aupurura’a ’o te fa’a’ohipara’a ïa i te here atua.2 Nā roto i te reira rāve’a, e fa’atupu tātou i te hō’ē arutaimāreva i reira te ta’ata hōro’a ’e te ta’ata fāri’i e fāri’i ai i te hō’ē hia’ai nō te tātarahapa. I roto i te tahi atu paraura’a, e taui tātou i te ’āvei’a ’e e ha’afātata atu tātou ’e e riro atu ā tātou mai tō tātou Fa’aora, o Iesu Mesia.
Hō’e hi’ora’a, ’aita e faufa’a ’ia parau tāmau i tō tātou hoa here ’aore rā i tā tātou mau tamari’i nāhea rātou i te ha’amaita’i ia rātou ; ’ua ’ite a’e na rātou i te reira. E mea nā roto i te fa’atupura’a i teie arutaimāreva nō te here rātou e nehenehe ai e ’āfa’i mai i te mau tauira’a e hina’arohia i roto i tō rātou orara’a ’e ’ia riro ’ei mau ta’ata maita’i atu ā.
Nā roto i te reira rāve’a e riro te tātarahapara’a ’ei hō’ē ’ohipa tāmahana nō te tāmāra’a mai te tātarahapara’a ma te hō’ē huru tano ’ore. Tē ha’amana’o noa nei ā vau i te mau taime ’ua ’oi’oi au i te ha’avāra’a ’aore rā ’ua taere roa nō te fa’aro’o atu. ’E i te hope’a o te mahana, i roto i tā’u iho pure, e fāri’i au i te fa’aitoitora’a marū a te ra’i ’ia tātarahapa ’e ’ia maita’i atu ā. Te arutaimāreva here ’ua fa’atupu-nā-mua-hia e tō’u nā metua, taea’e, ’e mau tuahine ’e muri iho e tā’u vahine, mau tamari’i, ’e te mau hoa ’o tei tauturu mai ’iā’u nō te riro mai ’e’ hō’e ta’ata maita’i atu ā.
’Ua ’ite tātou pā’āto’a i hea tātou e nehenehe ai e maita’i atu ā. ’Aita e faufa’a e fa’aha’amana’o pinepine te tahi ’e te tahi, tē vai ra rā te hō’ē hina’aro ’ia here ’e ’ia aupuru te tahi ’e te tahi ’e, ’ia nā-reira-hia, e tupu mai te hō’ē vāhi au maita’i nō te hia’ai ’ia taui.
I roto i taua ā arutaimāreva e ha’api’i mai tātou ō vai mau rā tātou ’e e aha tō tātou ti’ara’a i roto i teie pene hope’a o te ’ā’amu o te ao nei hou te tae-piti-ra’a mai o te Fa’aora.
Mai te mea tē ui ra ’outou nō ni’a i tā ’outou tuha’a, tē hina’aro nei au e ani manihini ia ’outou ’ia ’ite mai i te hō’ē vāhi i reira ’outou e nehenehe ai e fa’aea ’outou ana’e ’e ’a ani i te Metua i te ao ra ’ia fa’a’ite mai ’ia ’outou e aha te tuha’a e ha’uti. E tae ri’i mai paha te pāhonora’a ’e i muri iho e māramarama atu ā ’ia tu’u pāpū ana’e tātou i tō tātou ’āvae i ni’a i te ’ē’a nō te fafaura’a ’e nō te aupurura’a.
Tē fa’aruru nei tātou hō’ē ā o te mau fifi o tā Iosepha Semita i fāri’i ’a vai ai ’oia « i rotopū i te [hō’ē] arora’a parau ’e te māniania nō te fa’a’itera’a mana’o » ’Ia tai’o tātou i roto i tāna iho fa’ati’ara’a, e parau pinepine nāna iāna iho : « E aha ra ïa te rave ? ’O vai tei tano i roto i taua mau pupu ato’a ra ; ’aore rā, ’ua hape ānei rātou pauroa ? Mai te mea ’ua tano te hō’ē o rātou, ’o te hea ïa, e nāhea vau e ’ite ai i te reira ? »3
Ma te māramarama tāna i ’ite mai i te ’episetole a Iakobo, e fa’ahiti ra, « te ’ere ra rā te hō’ē o ’outou i te ’ite, e ani ’oia i te Atua ra, ’o tei hōro’a hua mai i te maita’i i te ta’ata ato’a ra, ma te pāto’i ore ; e hōro’ahia mai tāna »,4 « i muri iho ’ua fa’aoti o Iosepha Semita ’e ani oia i te Atua’ ».5
Tē tai’o nei tātou ē « o te taime mātāmua terā o [tōna] orara’a i rave ai ’oia i terā ’ohipa, nō te mea i rōpū i [tōna] mau mana’o tapitapi, aita ā [’oia] i tāmata a’e nei i te pure vaha ».6
’E penei a’e o te taime mātāmua ato’a te reira nō tātou ’a ani ai tātou i tei Hāmani ia tātou nā roto i te hō’ē ravera’a ’aita tātou i rave a’e nei nā mua atu.
Nō tō Iosepha tāmatara’a, ’ua fā mai te Metua i te Ao ra ’e tāna Tamaiti o Iesu Mesia iāna, mā te pi’i mā tōna i’oa, ’e ’ei hope’a e ’ite rahi atu ā tātou e ō vai mau tātou ’e e aha te mea faufa’a a’e nō tātou.
Tē tai’o ato’a nei tātou ē i roto i tōna mau matahiti mārū i te ’āpīra’a, « ’ua hāmani-ino-hia o Iosepha e te feiā e mana’ohia e riro mai ’ei mau hoa [nōna] ’e [’o tei mana’ohia] rave maita’i iāna ».7 ’E nō reira, e nehenehe ia tātou ’ia tīa’i i te tahi pāto’ira’a ’a ora ai tātou i te hō’ē orara’a pipi.
Mai te mea ē tē mana’o ra ’outou i teie taime ē e’ita ’outou e nehenehe e ō i roto i te pupu ha’uti ’upa’upa ’e e mea fifi te ’ē’a nō te tātarahapara’a nō ’outou, ’ia ’ite mai ’outou mai te mea e fa’aitoito tātou, e ’īritihia te hōpoi’a mai ni’a atu i tō tātou mau tapono ’e e ’ana’ana fa’ahou mai te māramarama. E’ita te Metua i te ao ra e fa’aru’e ia tātou ’ia tae tātou iāna ra. E nehenehe tātou e topa ’e e ti’a fa’ahou mai, ’e e tauturu mai ’oia ia tātou nō te tāmā i te repo i ni’a i tō tātou mau turi ’āvae.
’Ua pēpē te tahi pae o tātou, terā rā tē vai ra te mau tā’amu huru rarahi nō te tāpo’i i te tā’āto’ara’a o tō tātou mau pēpē, i roto i te pute rapa’āu a te Fatu.
O te reira ïa here, te here hope roa o tā tātou e pi’i ato’a nei te aroha ’aore rā « te hina’aro mau o te Mesia »8 ’o te hina’arohia i roto i te mau fare i reira te mau metua e tāvini ai i tā rātou mau tamari’i ’e te mau tamari’i i tō rātou mau metua. Na roto i te reira here, e taui te mau māfatu ’e ’e tupu mai te hina’aro e rave i tōna hina’aro.
’O teie te here te hina’arohia i roto i tō tātou mau aura’a nō te tahi ’e te tahi ’ei mau tamari’i nā tō tātou Metua i te ao ra ’e ’ei mau melo nō tāna ’Ēkālesia, ’o te fa’ati’a ia tātou ’ia ’āmui mai i te mau mauiha’a pehe i roto i tā tātou pupu ’upa’upa ’ia nehenehe ia tātou ’ia ha’uti hanahana ’e te mau pupu hīmene melahi o te ra’i ’ia ho’i mai ana’e te Faaora.
’O teie te here, teie māramarama ’o te hina’arohia ’ia ’ana’ana ’e ’ia fa’a’oa’oa i tō tātou arutaimāreva ’a haere ai tātou nā roto i tō tātou orara’a i te mahana ato’a. E ’ite te mau ta’ata i te māramarama ’e e ’umehia mai rātou. ’O teie te huru o te ’ohipa misiōnare ’o te fa’a’ana’anatae ia vetahi ’ē « ’ia haere mai ’e e hi’o, ’ia haere mai ’e e tauturu, ’e ’ia haere mai ’e e fa’aea mai ».9 Tē tāparu nei au, ’ia fāri’i ana’e ’outou i tō ’outou ’itera’a nō teie ’ohipa rahi ’e nō tā tātou tuha’a i roto i te reira, ’ia ’oa’oa tātou ’e tō tātou peropheta here o Iosepha Semita, ’o tei parau ē : « Nō te mea ’ua ’ite au i te hō’ē ’ōrama ; ’ua ’ite au i te reira, ’e ’ua ’ite au ’e ’ua ’ite te Atua i te reira, ’e e’ita e ti’a iā’u ’ia huna i te reira ».10
Tē fa’a’ite pāpū atu nei au ia ’outou ē ’ua ’ite au ’o vai au, ’e ua ’ite au ’o vai ’outou. E mau tamari’i pā’ātoa tātou nā tō tātou Metua i te Ao ra o tei here ia tātou. Aita ’ōna i tono mai ia tātou i’ō nei ’ia topa tātou, ’ia ho’i rā mā te hanahana iāna ra. ’Ia māramarama tātou pā’āto’a i tō tātou ti’ara’a i roto i teie ’ohipa rahi nō te aupurura’a nō te riro atu ā mai iāna te huru ’ia ho’i ana’e mai ’oia ’o tā’u ïa pure na roto i te i’oa o Iesu Mesia, ’āmene.