Tufaan mein Sthir Rahena
Jab jiwan mein tufaan aate hai, to aap sthir ho sakte hai kyonki aap Ishu Masih mein apne vishwaas ki chattaan par khade hai.
Mere pyaare bhaiyon aur bahanon, aaj hamen Parmeshwar ke prerit sewakon ko salaah aur protsaahan dete hue sunne ka saubhaagy mila hai. Ham mein se pratyek, chahe ham kahi bhi ho, jaante hai ki ham tezee se badhti hui khataranaak samay mein jee rahe hai. Meri praathana hai ki mai aapko tufaano mein sthir rahane mein madad kar sakoon jinka ham saamna karte hai, ek shaantipurn hriday ke saath.1
Shuru karne ka sthaan yah yaad rakhna hai ki ham pratyek Parmeshwar ke priye bachche hai aur Unhonne sewakon ko prerit kiya hai. Parmeshwar ke un sewakon ne us samay ko dekh liya hai jisme ham rahate hai. Apostal Paul ne Timothy ko likha,“Yeh bhi jaan lo, ki antim dinon me kathin samay aaenge.”2
Jis kisi ke paas samay ke sanket dekhne aur profats ke vachan sunne ke liye kaan ho, woh jaanta hai ki yah sach hai. Sabse bade khatre dushtta ki taakaton se hamare saamne aate hai. Weh taakatein badh rahi hai. Aur isliye yah adhik kathin ho jaega, aasaan nahin, hamare dwara kiye gae vachanon ka sammaan karne me aur Ishu Masih ke susamaachaar ko jeene ke liye.
Ham mein se jo apne liye chintit hai aur jinhein ham pyaar karte hain, unke liye us vaade mein aasha hai jo Parmeshwar ne aane vaale tufaanon mein suraksha ke liye banaya hai.
Yah hai us jagah ka shabd chitr. Jiwit prophets dwara iska baar-baar varnan kiya gaya hai. Uddhaaran ke liye, jaisa Mormon Dharamshaastr me likha hai, ek prerit aur pyaar karne waala pita apne beton se batlaata hai kaise woh apne aap ko sthir rakhenge aane waale tufaano me: “Aur ab, mere beton, yaad rakho, yaad rakho ki tumhe apne Muktidaata, jo ki Parmeshwar ka Putra, Masih hai, uski chattaan par apni neev ko banana hai; jisse ki jab shaetaan apni prabal hawa ke jhakoro ko, haan bawandal ke dhure ko, apne sabhi olon aur bhishn aandhiyonke thapedon ko tumhare upar bheje, tab uske paas, woh shakti na hogi jo tumhe, khinch kar santaapo aur anant dukho ki khaai mein phenk sake kyunki jis chattaan par tumne apni neev daali thi woh nissandeh aysi neev hai, … jis par agar logon ne apne makaan banaye tab woh kadapi gir nahin sakte”3
Jis dukh aur antheen vipada ke baare mein unhonne baat ki, wah paapon ke bhayaanak prabhaav hai, kya hamen unse puri tarah se pashchaataap nahin karna chahiye. Badhte hue tufaan shaetaan ke behkaawe aur badhte hamle hai. Yah samajhane se zyaada mahatvpurn kabhi nahin raha ki us nishchit neev par kaise nirmaan kiya jae. Mere liye, dekhne ke liye Raaja Benjamin ke antim updesh se behatar koi jagah nahin hai, jise Mormon Dharamashaastr mein bhi darj kiya gaya hai.
Raaja Benjamin ke bhavishyevaani shabd hamare dino mein ham par laagoo hote hai. Woh apne anubhav se yuddh ke bhay ko jaanta tha. Usne Parmeshwar ki shakti par bharosa karte hue yuddh mein, apne logon ki raksha ki thee. Usne spasht roop se Lucifer ki bhayaanak shaktiyon ko lubhaane, dur karne ka prayaas karne, aur Parmeshwar ke bachchon ko hatotsaahit karna dekha.
Usne apne logon aur hamein suraksha ki ekmaatr nishchit chattaan par nirmaan karne ke liye aamantrit kiya, jo Rakshak hai. Unhonne spasht kiya ki ham sahi aur galat ke beech chunne ke liye swatantr hai aur ham apni pasand ke parinaamon se bach nahin sakte hain. Woh sidhe aur teekhe tarike se bolta tha kyonki woh jaanta tha ki jo log uski chetaavaniyon ko nahin sunenge aur unki chetaavaniyon par dhyaan nahin denge, unhein kya dukh hoga.
Yaha bataya gaya hai ki usne un parinaamon ka varnan kaise kiya jo hamari pasand ka par chalte hai chaahe Aatma ki prerna ka paalan karne ke liye ya Shaetaan se aane waale bure sandeshon ka paalan karne ke liye, jiska iraada hamein lubhaane aur nasht karne ka hai:
“Kyunki dekho, jo us [paapi] aatma ko sunta aur uski baato ko maanta hai us par ghor dukh padt ahai; aur jo uski sunn kar uski aagya maanta hai wah paap mein rah kar marta hai, tab wah apni aatma ke liye saza pataa hai; aur wah apne gyaan ke vipreet Parmeshwar ke niyam ka ulanghan karta hai. …
“Is kaaran agar wah manushye pashchataap nahi karta hai, aur Parmeshwar ka shatru hi rah kar martaa hai tab divye nyaye ki maang uski amar aatma ko apne doshon se pehchaan karati hai jisse ki wah Prabhu ki upasthiti se dartaa hai aur wah uske hriday ko apraadh, peeda, kasht se aise bhar deti hai, jaise nah bhujhne waali aag jiski lapte sadev uthtee hi raheti hai.”
Raaja Benjamin ne aage kaha, “Hey vrddh purush, aur tum chote bachchon jo meri baaton ko samajh sakte hai, kyunki mainne spasht baate tumse isliye kahi hai ki tum samajh sako, mai tumse anorodh karta hoon ki tum un logo ki bayaanak paristhiti ke prati jaagrukh raho jo paap mein pateet ho chuke hai .”4
Mere liye, pashchataap karne ki us chetaavani ki shakti mere man mein nishchit samay ki ek tasveer banaati hai jab aap aur mai is jiwan ke baad Rakshak ke saamne khade honge. Ham apne pure dil se chahate hai ki sikuden nahin, balki Uski or dekhein, Use muskuraate hue dekhein, aur Use yah kehte hue sunein, “Dhanye ho, he achche aur wafaadaar sewak: … [mein] pravesh karen.”5
Raaja Benjamin yah spasht karte hai ki ham un shabdon ko sunne ki aasha kaise praapt kar sakte hai yadi ham is jiwan mein Ishu Masih ke praeshchit ke maadhyam se apne swabhaav ko badalne ka raasta khoj sakein. Yahi ekmaatr tarika hai jisse ham pakkee buniyaad par nirmaan kar sakte hai aur isliye aage aane waali musibat aur parikshaon ke tufaan ke dauraan mazbuti se khade rah sakte hai. Raaja Benjamin ne hamare swabhaav mein badlaav ka varnan ek sundar roopak(metaphor) ke saath kiya jo hamesha mere dil ko chhoo jaata hai. Iska upyog prophets dwara sadiyon se aur Khud hi Prabhu dwara kiya gaya tha. Woh yeh hai: hamein ek bachche ke roop mein banna chahiye—ek chota bachcha.
Kuch ke liye, ise swikaar karna aasaan nahin hoga. Ham mein se zydaatar log mazboot banna chahate hai. Ham shaayad yeh sochenge ki ek bachche ke tarah banna kamzori hai. Kayi maata-pita us din ki talaash karte hai jab unke bachche, bachcho jaisaa vyavahaar kam karte hai. Lekin Raaja Benjamin, jo kisi bhi maransheel ke saath-saath taakat aur saahasi vyakti hone ka matlab samajhate the, yah spasht karte hai ki ek bachche jaisa hona bachkaana nahin hai. Yah Rakshak ki tarah hona hai, jisne Apne Pita se praathna ki ki woh Apne Pita ki ichcha ko pura karne mein saksham ho aur Apne Pita ke sabhi bachchon ke paapon ka praeshchit kare aur phir use kiya. Ek bachche ke jaisa banne ke liye hamare swabhaav ko badalna hoga taaki ham us taakat ko haasil kar sakein jo hamein sankat ke samay mein sthir aur shaanti se khada hone dega.
Yah parivartan kaise aata hai, is baare mein Raaja Benjamin ka utsaah-janak vivran yahaan diya gaya hai: “Kyonki swaabhaavik manushy Parmeshwar ka shatru hai, aur Adam ke patan se hee raha hai, aur sada sarvada rahega, “Pavitra Aatma se akarshit nahin hota, aur apne swabhaawik prakriti ko tyaag aur Prabhu Masih ke praeshchit dwara sant ban jaata hai, tatha bachchon ki tarah aagyakaari, vineet, deen, sahansheel, prem se paripurn ban jaata, un saari baato ko jinhe Prabhu unke laabh ke liye laagu karta hai, usi tarah swikaar karta jaisa ek bachcha pita ki baato ko swikaar karta hai.”6
Ham us parivartan ko praapt karte hai jab ham Parmeshwar ke saath vachaen banate aur unka navinkaran karte hai. Yah hamare hridayon mein parivartan ki anumati dene ke liye Masih ke Praeshchit ki shakti laata hai. Ham ise har baar mehsoos kar sakte hai jab ham prabhubhoj mein hissa lete hai, kisi guzre huwe poorvaj ke liye mandir mein vidhi karte hain, Rakshak ke saakshi ke roop mein gawahi dete hain, ya Masih ke shishye ke roop mein kisi zarooratmand ki dekhbhaal karte hai.
Un anubhavon mein, ham samay ke saath pyaar karne aur aagya maanne ki shamata mein ek bachche ki tarah ban jaate hai. Ham zaroor neev par khade hone aate hain. Ishu Masih mein hamara vishwaas hamein pashchataap aur Uski aagyaon ka paalan karne ke liye laata hai. Ham aagya ka paalan karte hai, aur ham behkaawon ka virodh karne ki shakti praapt karte hai, aur ham Pavitr Aatma ki pratigya ki hui sangati praapt karte hain.
Hamare svabhaav badal jaate hain, ek chote bachche ke jaisa, Parmeshwar ke aagyaakaari aur adhik pyaar karne waale ban jaate hai. Wah parivartan hamein Pavitr Aatma ke maadhyam se aane waale uphaaron ka aanand lene ke yogye banaega. Aatma ki sangati hamein dilaasa degi, maargdarshaegi, aur mazboot karegi.
Mujhe pata chal gaya hai ki Raaja Benjamin ka kya matlab tha jab usne kaha ki ham Parmeshwar ke saamne ek chote bachche ki tarah ban sakte hai. Mainne kayi anubhavon se seekha hai ki Pavitr Aatma aksar shaant svar mein bolta hai, sabse aasaani se suna jaata hai jab kisi ka dil namr aur vinamr hota hai, jaise ki ek bachche ka. Vaastao me, asarkaarak praathna yeh hai “Hum wahi mangta jonchi Aap mangta. Khali hamme bataao uh konchi hai. Hum kar dega.”
Jab jiwan mein tufaan aate hai, to aap sthir ho sakte hai kyonki aap Ishu Masih mein apne vishwaas ki chattaan par khade hai. Wah vishwaas aapko roz pashchaataap aur lagaataar vachan ka paalan karne ke liye prerit karega. Tab tum Use sada yaad rakhoge, Aur nafrat aur paapon ke tufaanon ke beech, tum sthir aur aashaavaan mehsoos karoge.
Iske alaawa, aap apne saath chattaan par dusron ko suraksha ke or uthne ke liye khud ko aage badhate hue paaoge. Ishu Masih mein vishwaas hamesha adhik aasha aur dusron ke prati daya ki bhaavana ki or le jaata hai, jo ki Masih ka sachcha prem hai.
Mai aapko apni sachchi gawahi deta hoon ki Prabhu Ishu Masih ne aapko nimantran diya hai “Come unto me(Mere paas aao).”7 Woh aapko, aapke liye aur jinhein aap pyaar karte hai, Unke liye is jiwan mein shaanti aur aane waale duniya mein anant jiwan laane ke liye Apne paas aane ka nimantran deta hai. Woh puri tarah se jaanta hai ki khushi ki yojna ke hisse ke roop mein aap apne pareekshan mein aane waale tufaanon ka saamna karenge.
Hum aap se binti karta hai Rakshak ke nimantran ko swikaar karein. Ek namr aur pyaar karne waale bachche ki tarah, Uski madad ko swikaar karein. Ishu Masih ka Girjaghar Antim-dino ke Santo ka mein Uske di gayi vachano ko banae aur paalan karein jo Woh pradaan karta hai. Woh aapko mazboot karega. Rakshak Apne aur hamare Swarg ke Pita ke ghar ke raaste mein aane waale tufaanon aur suraksha ke sthaanon ko jaanta hai. Wah raasta jaanta hai. Woh hi Raasta hai. Main yah gawahi Ishu Masih ke pavitra naam se deta hoon, amen.